Steve Hofmeyr se nuwe album bereik goue status
Slegs ‘n week nadat IF YOU COULD READ MY MIND, Steve Hofmeyr se nuwe country-album uitgereik is, het dit reeds goue status bereik.
Steve sê oor hierdie blits-sukses: “Vreugde aan die wêreld, country het weer sy merk gemaak! Duisend dankies vir soveel ondersteuning vir my country-CD, IF YOU COULD READ MY MIND.
“Ek is oorstelp van geluk dat die musiekwêreld in 2015 steeds soveel plek het vir goeie, bekende, beproefde en ware country-musiek. Jul het my gedagtes gelees…
“En as die album mooi lyk onder jou Kersboom, koop sommer nog een!
IF YOU COULD READ MY MIND bestaan uit 15 van die mooiste country-liedjies, insluitend ‘n roerende verwerking van Teach Your Children wat Steve saam met die Coleske-broers, Ewald en Arnold, opgeneem het.
Country-legendes waaraan Steve hulde bring op sy album, sluit onder meer in The Eagles (Heartache Tonight), Creedance Clearwater Revival (Have You Ever Seen The Rain), Gordon Lightfoot (If You Could Read My Mind), Don Williams (Gypsy Woman) en Glenn Campbell (Rhinestone Cowboy).
Die bekroonde Juan “Floors” Oosthuizen, wat in 2015 ‘n kykNET Ghoema-toekenning vir Beste Vervaardiger gewen het, het IF YOU COULD READ MY MIND opgeneem en vervaardig.
Met Steve se 28ste album-uitreiking bewys hy weer dat daar nie perke tot sy sukses is nie.
IF YOU COULD READ MY MIND is nou beskikbaar op iTunes en landswyd in musiekwinkels en word deur Universal Music SA versprei.