Skemer, ‘n nuwe Afrikaanse man- en vrou-duo, het pas hulle heel eerste enkelsnit vrygestel en hulle gaan verseker Suid-Afrikaanse musiekliefhebbers is in rep en roer hê.  Sê dit Harder, wat beskryf kan word as ’n moderne Country-liedjie met ’n pop-aanslag, is soos ’n vars briesie in die bedryf en gaan beslis die radiogolwe oorneem.

Sê dit Harder kom uit die pen van die bekende liedjieskrywer, Johan Oberholzer, en moedig luisteraars aan om nie hulle gevoelens op te krop nie.

Skemer wat bestaan uit Armand en Andrea Espach, het in 2017 ontstaan nadat die paar op Facebook ontmoet het en nie net verlief geraak het nie, maar ook besluit het om hulle musiektalent te kombineer. Die groep, wat die vrystelling van hul eerste enkelsnit as die hoogtepunt van hulle loopbaan sover beskou, is passievol oor musiek en deel hierdie talent en energie graag op die verhoog met elke optrede. Sedert hulle saam begin musiek maak het, het die duo al by verskeie skole, troues, feeste, restaurante en funksies opgetree en ook een van die internasionaal-bekroonde groep, Prime Circle, se vertonings geopen.

Armand Espach het eers sy passie vir musiek op die ouderdom van een-en-twintig ontdek en besluit dat hy graag in Country wou spesialiseer. Dit het hom nie lank geneem om ’n gereelde gesig op die verhoog te word by kuierplekke in en rondom Polokwane en raakgesien te word deur die mense wat saakmaak in die vermaakbedryf nie. Sedertdien het hy al geopen vir sterre soos Juanita du Plessis en ook in 2010 die verhoog gedeel met Theuns Jordaan by Airport Africa Lodge. Die kunstenaar luister graag na musiek wat hom laat goed voel en verklap dat die bedryf hom geleer het om hard te werk om sy drome waar te maak.

Andrea Espach is die talentvolle vrou agter Skemer, met die strelende stem. Hierdie sielvolle sangeres is gebore om te vermaak en het reeds op veertienjarige ouderdom begin sing en is ook ’n baie goeie danser. In 2016 het sy begin met formele sangopleiding by ADAM se Kyle Grant, waarna sy Copperstone se heel eerste talentkompetisie gewen het. Sedertdien het sy al by verskeie feeste soos Innibos, restuarante en korporatiewe funksies opgetree. Andrea het ’n groot hart vir kinders en sou graag ’n onderwyser wou word as sy nie ’n musikant was nie. Die musiekbedryf het haar geleer om nederig te wees en die geleenthede te gebruik wat na haar kant toe kom.

Met Sê dit Harder word Skemer, se talent in hoofletters aan luisteraars en radiostasies bekend gestel en bewys hulle ook dat dit moontlik is om iets uitsonderlik te skep in ’n musiekstyl wat soms geneig is om gewoon te wees.

Sê dit Harder s beskikbaar op alle digitale platforms.

The post Skemer: Sê dit Harder appeared first on Stage and Screen.

Na die reuse sukses van Joe Foster se eerste Engelse snit, Look Away, is dié sanger terug met ’n popliedjie wat beloof om nog lank op menigte radiostasies se trefferparades te boer.

One Body is ’n liedjie wat Joe geskryf het na hy eendag op ’n troue gesing het. Joe sê dat hierdie liedjie een van die sterker liedjies is. En omdat sy jongste album, Volgende Stap, ’n mengsel van Engels en Afrikaans bevat, wou hy sy Afrikaanse enkelsnit met ’n Engelse een opvolg.

Foster is van mening dat die liedjie aanklank sal vind by die wat al in ’n liefdesverhouding was of wil wees. Oor die musiekvideo vir die snit, wat sommer vroeg saam met die enkelsnitvrystelling kom, wil Joe nie te veel verklap nie.

Joe Foster is geen vreemdeling op die Suid-Afrikaanse musiektoneel nie. Hy het immers bekendheid verwerf as lid van die mansgroep ADAM en het gesorg vir, Pad Na Jou Hart, wat die temalied vir die gelyknamige lokettreffer is.

In 2015 het hy die Ghoema-toekenning vir Liedjie van die Jaar vir Sal oorlog vir jou maak ontvang en in 2016 is sy debuut solo-album, Hartklank, as Pop-album van die jaar aangwys.

Alhoewel Joe reeds twaalf tot vyftien jaar as vervaardiger en musikant besig is, is dit vanjaar sy negende jaar as Afrikaanse sanger. Die sanger glo dat emosie die suksesresep is wanneer daar musiek geskryf of gesing word.

Deesdae werk Joe ook as life coach en tussen deur wil hy nogsteeds musiek maak. Verder bemark hy sy jongste album en tree ook gereeld op.

The post Joe Foster: One Body appeared first on Stage and Screen.

Dít is presies wat jy kan verwag wanneer die gedugte sustersmaatskappye, CO Productions en jouSTERRE, hul Showcase op 12 Maart by Weiveld aanbied.

Dié twee maatskappye, wat spesialiseer in kunstenaar- en geleentheidsbestuur en naam gemaak het as voorlopers in dié industrie, bied vanjaar vir die tweede keer ‘n konsert van dié aard aan en dit beloof om weereens gaste se asems weg te slaan.

Saam bied hierdie twee maatskappye regtig ‘n 360 grade oplossing vir elke geleentheid – van kunstenaars, klank, beligting tot seremoniemeesters en feesbestuur en met dié Showcase gee ons ‘n voorsmakie watter dienste ons alles bied.

Na verlede jaar se oorweldige reaksie van genooide gaste wat nie die geleentheid wou misloop nie, asook die publiek wat kaartjies wou koop, is daar besluit om dit na ‘n groter plek te skuif om almal te akkomodeer. Alhoewel hierdie vervaardigers hulle genooide gaste in die industrie op die gastelys het, het hulle besluit dat omdat dit so eens-in-‘n-leeftyd konsert is met elf groot kunstenaars op die verhoog, kaartjies vir diegene wat dié konsert wil bywoon, beskikbaar sal wees.

Jay du Plessis, Willem Botha, Leah, Gerrie Pretorius, Pieter Koen, ADAM, Lee Scott en André Schwartz gaan almal in aksie wees met van hul gunsteling liedjies. Ruben Delmage en Nadia Beukes is seremoniemeesters vir die aand en ‘n spesiale optrede deur die Dinamiese Dames, is ingesluit op die program.

“Verlede jaar se konsert het gekook en dit was so lekker om saam met my kollegas van CO Productions en jouSTERRE op te tree. Ek kan nie wag vir hierdie jaar nie en is bevoorreg om deel van so ‘n dinamiese groep te wees,” het Jay du Plessis vertel. Jay is reeds sedert die begin van sy solo-loopbaan, 9 jaar gelede, onder CO Productions se bestuur.

Vir Leah is die Showcase ook ‘n hoogtepunt op haar kalender om die verhoog saam met haar kollegas te deel.

“Dit is lekker om deel van só span te wees waar elkeen se belange op die hart gedra word en om dit saam met dié werk-familie op die verhoog te kan uitleef, is besonders,” het sy gesê.

Die Showcase vind op 12 Maart om 19:30 by die gewilde kuierplek, Weiveld, en kaartjies is aanlyn beskikbaar by: http://bit.ly/Showcase_Weiveld.

The post CO Productions en jouSTERRE Showcase appeared first on Stage and Screen.

Uit die pen van Hugo Ludik, Reynardt Hugo en Nerine Gardiner, stel ADAM hulle nuutste enkelsnit, Iets In Die Water, bekend.

“Ek het die inspirasie gekry toe Demi-Leigh Nel-Peters die titel van Mej Heelal ingepalm het in 2017. Ek het gedink Suid-Afrika het al so baie skoonheidstitels verower en met al die ADAM-toere, het ons besef dat Suid-Afrika regtig die mooiste meisies het. Die enigste verduideliking hiervoor, moes wees dat daar iets in die water is”, verduidelik Hugo.

Hugo en Reynardt het die melodie geskryf en toe die hulp van Gardiner ingeroep om hulle gedagte proses korrek te verwerk en die lirieke vas te pen, sodat die aanslag van die liedjie korrek kon oorkom.  “Iets in die Water was van die begin af een van ons gunsteling liedjies op die album. Die mense dans en sing uit volle bors saam. Dit is ‘n trots Suid-Afrikaanse liedjie”, voeg Reynardt by.

Die liedjie is beskikbaar op ADAM se album, Bewe, wat in 2018 uitgereik is.

ADAM bestaan uit Hugo Ludik, Reynardt Hugo en Kyle Grant.

The post Adam: Iets in die Water appeared first on Stage and Screen.

Michael Blignaut glo net soos Jimi Hendrix, dat musiek jou moeiteloos kan laat goed voel oor die lewe. Sy eerste enkelsnit, Naglig is die perfekte bewys hiervan. Dit is ’n kombinasie van mooi liefdeslirieke en ’n lekkerluister-wysie, wat beloof om die luisteraar te laat wegstap met ’n ekstra huppel in die stap en ’n opgewekte vrolikheid in die hart.

Dié dertig-plusser se eerste liefdesballade is geskryf deur Vaughan – en Nerine Gardiner en gaan oor daardie spesiale iemand wat weer liefde en geluk in jou lewe kan bring.

’n Musiekvideo van die snit word ook vir later vanjaar beplan, maar daaroor wil die ster nie veel meer verklap as dat die produksie deur Jay Loots van Fathom Media behartig gaan word nie.

Michael het in Piet Retief grootgeword en sing al van kleins af Danie Botha se liedjies saam met die radio. Alhoewel hy gereeld aan skoolkonserte deelgeneem het, het hy eers later in sy lewe besluit om sy musiektalent ’n kans te gee. Hy het aan verskeie kompetisies deelgeneem, waaronder Ons Soek Die Sanger, The Voice SA en Die Kontrak, maar sonder veel sukses, omdat dit nie die regte tyd was nie.

Na skool het hy Besigheidsbestuur en Toerisme studeer by die Tshwane Universiteit van Tegnologie waarna hy sy ouers gaan help het by hulle restaurant en gastehuis, wat later uitgebrei het. Hy was egter nooit van plan om sy musiekdroom heeltemal prys te gee nie en het besluit om deel te word van ’n musiekgroep met die naam MP5, wat oor naweke by funksies en troues musiek maak. Dié groep het ook al die geleentheid gehad om twee keer in Mosambiek op te tree en die gehore het dit baie geniet. Verder is hy ook baie betrokke by sy kerk se lofsangbediening en by sy ouers se besighede.

As hy enige ander loopbaan moes kies, sou hy ’n mediaskakelbeampte wou word, omdat hy die vermaakbedryf baie interessant vind, maar verklap dat hy ook graag sy eie mansklerereeks sou wou hê. Wanneer hy nie sing nie, geniet hy dit om te reis en beplan juis om Desember ’n bietjie weg te breek Maldives toe.  Hy luister ook graag na ’n wye verskeidenheid musiek, maar sonder Riana Nel, Dewald Wasserfall, Michael Bublé, Celine Dion, Calum Scott en Adam Levine uit as sy gunstelinge. As hy eendag die geleentheid kry, sou hy ook graag saam met kunstenaars soos ADAM, Caroline Grace en Monique Steyn wou werk.

Die musiekbedryf het vir Michael Blignaut geleer om positief te bly, hard te werk vir wat hy wil hê en getrou te bly aan wie hy is. Naglig is die perfekte kombinasie van treffende lirieke en ’n meesleurende melodie, wat sy stem soos ’n handskoen pas. As dié treffer enige aanduiding is van wat hy beplan, wag daar voorwaar ’n blink toekoms op hierdie talentvolle kunstenaar in die musiekwêreld.

The post Michael Blignaut: Naglig appeared first on Stage and Screen.

The upbeat, catchy tune and cheerful lyrics of Taye Brink’s new song, Wat As, promises to be a firm favourite at parties and on the dance floor. This single was just released and is already making its way up the iTunes charts.

Wat As was written by Adam’s Hugo Ludik and is about two people who get together, but do not know if what they have, is true love. They both, however, realise that they should make use of this opportunity and give it their best shot, because you never know if this might be it!

Taye ponders that listeners will most definitely be able to relate to the theme of the Country-Pop single. She says her goal is to touch people’s hearts with the honesty in her music and believes that this single might inspire others to believe in themselves and have a little faith in their circumstances. Audiences have really enjoyed the live performances of her first Afrikaans single, hence she is very positive about its release.  A music video is also planned for the near future, but she does not want to give too much away about it yet.

The bubbly nineteen-year-old grew up in Alberton, Gauteng and has been entertaining her mother and older sister since she can remember. She says her mom was a single parent and used to sing to them and play music in the house. Taye was four when she bought her, her first toy microphone and then she used to sing along to Celine Dion and Elvis Presley.

She started singing in her school’s choir when she was eight and after winning a singing competition, her mother enrolled her for vocal lessons at a local music school. The musician also has various music qualifications from Trinity College London and was invited to attend a master class, after achieving the second highest grade in South Africa in her International Vocals exam.

Although she is still young, she has been involved in the music industry for nearly eight years and has had many highlights along the way. She had the privilege of performing in front of various international talent scouts and experts like Arts Expo’s Kim Myers, Tashia Stafford from Icon Studios Atlanta and America’s Got Talent’s Nate Butler.

Her first album, Stronger Than Ever, was released in 2015 and delivered two impressive singles, Till I Find You and A Life Time, with the help of Byron Keno and Nate Butler, respectively. The model and stage actress also did the backup vocals for Franz Geldenhuys’s single, Lullaby, and can be heard singing in the Afrikaans film, Gebore Talente, which was released in 2018.

Taye has great admiration for Country and Pop artists like Taylor Swift and Carrie Underwood and would love to work with the likes of Juan Boucher, Elandré Schwartz and Elizca Coetzer someday.

She reveals that she is a very down to earth person, who likes fishing and loves animals. In her spare time, she enjoys painting and is busy working on material for a new album. Because she adores children, she would love to share her music knowledge with young talent when she is not on stage.

The music industry has taught Taye Brink to work hard and not to let setbacks get her down. She dreams of conquering the hearts of fans, locally and abroad, with her beautiful voice, storytelling lyrics and unique sound. If Wat As is any indication of what she has planned, this musician surely has a very bright future ahead of her.

The post Taye Brink: Wat As appeared first on Stage and Screen.

Die bekroonde kletsrymer, Early B, is nie net veelsydig in sy aanslag nie, maar het ook die vermoë om luisteraars se emosies te prikkel – of dit nou is met sy vlymskerp humor of sielvolle sosiale kommentaar.  Met sy nuwe enkelsnit, Ben Ten, wys die kunstenaar sy prettige kant met stoute tong-in-die-kies lirieke en ’n interessante funk-kletsrym-wysie wat viervoet in jou kop vassteek.

Ben Ten is ’n term wat in PE gebruik vir ’n man wat daarvan hou om met vroue uit te gaan wat baie ouer is as hy. EarlyB het die liedjie self geskryf met die doel om ’n storie te vertel wat aanhangers sal laat glimlag en saamsing. Hy noem dat dit gaan oor ’n ou wat by sy vriendin gaan kuier, wat ewe skielik nie meer by haar ma bly nie, en dan besef dat die antie oë het vir hom. Wat verder gebeur, word in die res van die snit verklap en sal almal lekker laat giggel.

Die enkelsnit is die tweede vrystelling vanaf sy debuutalbum, Aangename Kennis, wat in Augustus uitgereik is. Om stories te vertel in Afrikaans, met ’n unieke PE-kletsrymaanslag, is die hoofdoel van Early B se eerste CD wat met agtien oorspronklike werke spog, wat almal uit sy eie pen kom. Daar is iets vir almal om mee te vereenselwig. Liedjies wat mense sal laat lag, inspireer en motiveer. Hy het snitte gekies wat verskillende musiekstyle met kletsrym kombineer, ’n sterk boodskap dra, mense aanspoor om pret te hê en stories vertel, wat soos ’n kortfilm in die geestesoog moet afspeel,volgens die musikant.

Alhoewel hy nie ’n gunsteling wil uitsonder nie, meen hy dat Ben Ten beslis gewild gaan wees en meen hy dat dit pret was om saam met kunstenaars soos Jack Parow, Adam en Emo Adams te werk.

Early B, oftewel Earl Swartz, is een van twee kinders en beskryf homself as meer van ’n introvert as ’n ekstrovert. Hy het in ’n huis grootgeword waar sy pa gereeld vir hulle op sy mondfluitjie liedjies gespeel het en het ook baie blootstelling aan musiek gekry in die kerk. Van kleins af, het hy daarvan gehou om sy vriende te vermaak en Amerikaanse kletsrymers na te boots. Hy was vir sewe jaar deel van die groep Earl & Agemi , waarna hy sy loopbaan as solo-kunstenaar begin het.

Een van die hoogtepunte van sy loopbaan is dat hy onlangs ’n platekontrak geteken het met Universal Music.  Afrikaanse Hip-Hop was nog altyd sy gunsteling-musiekstyl, omdat dit volgens hom,’n mens kans gee om rou uiting te gee aan jou gevoelens. Hy is ontsettend dankbaar vir die gawe waarmee die Here hom geseën het en meen hy sal altyd daarop bou na die beste van my vermoë.

Die 29-jarige kunstenaar het oor die afgelope nege jaar ’n gereelde gesig geword by van die land se grootste feeste en konserte, soos die KKNK. Hy het ook al saam met groot name in die bedryf gewerk, waaronder die Grammy-bekroonde musiekvervaardiger, Darryl Torr, en plaaslike talent soos Emo Adams, HemelBesem en Pierre Rossouw. Hy is veral bekend vir sy treffer, Cerebellum, wat nie net aan hom ’n Ghoema-toekenning besorg het vir Beste Hip-Hop-liedjie in 2017 nie, maar ook verskeie weke bo-aan die kletsrymtreffersparades van verskeie groot radiostasies gepronk het.

The post Early B: Ben Ten appeared first on Stage and Screen.

Mariska glo dat musiek met die hart praat op ’n manier wat woorde alleen nie kan nie en dit is beslis ’n raak beskrywing van hierdie nuweling se treffende aanslag, wat beloof om groot opslae te maak in die Afrikaanse Musiekbedryf.

Dankie, die titel- en eerste enkelsnitvrystelling, is deur Johan Oberholzer geskryf en het ’n lekker ritme en betekenisvolle lirieke. Dit gaan daaroor om dankbaar te leef.  Die musiekvideo vir Dankie is nog nie uit nie, maar hier is om jou meer te laat hoor van die meisie:

Mariska het op ’n plaas net buite Hoedspruit grootgeword en is reeds vandat sy vyf jaar oud is in vervoering met klassieke musiek. Sy het begin met sanglesse toe sy in graad 1 was en het daarna ook vinnig instrumente soos die klavier, viool en klawerbord bemeester, waarvoor sy ’n hele string toekennings verwerf het by die Eisteddfod in haar matriekjaar. Op sewentien reik sy haar eie demo-album, Optelmeisiekind, uit met ses-en-dertig Afrikaanse en Engelse snitte. Dit het gelei tot die vrystelling van twee musiekvideos in 2011, Reënboog Hart en Alles Vir Liefde – ’n duet met Rian Ungerer wat ook gekies is om Afrika te verteenwoordig in ’n Eurovision musiekvideokompetisie. Laasgenoemde maak ook deel uit van Select Musiek se album- en DVD-samestelling, Ons Sing Duet.

Soet Soos Suiker, haar heel eerste amptelike enkelsnit, is baie goed ontvang en kan vandag nog oor die radio gehoor word. Die musiekvideo, wat deur Hartiwood Films vervaardig is en onderwatertonele insluit, het baie aandag getrek en vir haar ’n kuier op die musiekprogram, DKNT, besorg.

Wanneer sy nie op die verhoog is nie, is sy hard besig met haar BA Sielkundegraad en meen dat sy ’n beroep in musiekterapie sou oorweeg het as sy nie self kon sing nie. Dié kunstenaar is vreeslik lief vir die Here en beskou elke treetjie in haar musiekloopbaan as ’n hoogtepunt. Sy meen dat gewilde country- en popmusikante die grootste invloed gehad het op haar eie musiekstyl en het groot bewondering vir sangers soos Juanita du Plessis, Corlia Botha, Nadine, Elandrè, Monique Steyn, ADAM en Joshua na die Reën.

Die musiekbedryf het vir Mariska geleer om hard te werk vir wat sy wil hê en om nie te gaan lê wanneer dinge nie uitwerk soos beplan nie. Sy wil graag met haar werk vir mense wys wie sy is en wat sy het om te bied en met haar nuwe album is hierdie meisie, met haar stroopsoet stem en vars aanslag, sterk op pad om hierdie droom te verwesenlik… want jy kan nie anders as om aandag te gee en meegevoer te raak wanneer jy vir die eerste keer daarna luister nie.

Haar stroopsoet stem, passie vir wat sy doen en sielvolle lirieke is die kragtige bestanddele agter haar debuut-album, Dankie, wat binnekort vrygestel word en beslis op al wat ’n musiekliefhebber is se CD-rak gaan pronk.

The post Mariska: Dankie appeared first on Stage and Screen.

deur Louw Mulder

Afrikaanse sepies in vandag se Suid-Afrika sorg vir vermaak. Dít is die woorde van Reynardt Hugo, of in Binneland-kringe beter bekend as Dokter Tertius Jonker. “Mense kan met ‘n karakter vereenselwig omdat hulle dalk iemand soos dit ken,” het Reynardt tydens my onderhoud verduidelik. “Dit is ook ‘n medium wat baie uitdagend is, en as dit reg gedoen word, verskriklik baie genot kan verskaf,” voeg hy by.

Reynardt speel die hoof van ongevalle by Binneland Hospitaal, en hy beskryf sy karakter as somtyds konserwatief, maar tog met ‘n effense stoute kant aan hom. “Maar die stoute kant sien ons net nou en dan,” het hy by gelas.

Tertius is die wettige aangenome pa van Daleen se dogtertjie, Nina, en buite baie nood-tonele in Binneland, moes hy self deur die egskeiding met Daleen gaan.  “Tertius se opsie om ‘n meisie te kry, is nou oop,” het hy komies vertel. Ek het ‘n kans gevat om te probeer uitvind wat met Dokter Jonker gebeur in die volgende 3000 episodes, maar al wat ek uit hom uit kon kry, was: “…dalk ‘n paar liefdesdriehoeke…”

In 2008, het Reynardt sy Binneland-loopbaan afgeskop, en vier hierdie jaar ‘n dekade op die stel van kykNet se langste lopende sepie. “Ek het die geleentheid gekry om ander drome te bewaarheid, soos om ‘n band saam met Hugo Ludik te begin,” vertel Reynardt oor wat Binnelanders deur die jare vir sy loopbaan beteken het: “Binnelanders het ook gesorg dat ek by mense kon uitkom en hulle stories te kon hoor. Dit het verseker deure oopgemaak en daarvoor is ek verskriklik dankbaar.”

Al ken ons hierdie dokter meer as ‘n lid van ons land se mees suksesvolle boyband, Adam, het Suid Afrikaners al geleer om onderskeid te tref tussen die popstêr, Reynardt Hugo, en die dokter van Ongevalle, Tertius Jonker.  Vir Reynardt, aan die ander kant, is Binnelanders ‘n realiteit: “Dit is net ‘n storie, en my verantwoordelikeid strek vanaf die leer van die dialoog tot om op stel te wees,” sê hy.

“Om net by die sepie te kan werk is self ‘n hoogtepunt,” vertel Reynhardt vol selfvertroue. “Alles wat saam met dit gaan, elke toneel, elke bietjie lag op stel en die geleentheid om saam met ongelooflike akteurs te kan werk, maak deel daarvan uit. Dít is en sal altyd my hoogtepunt en herinnering wees,” voeg hy by.

Maar toe ek oor sy laagtepunte vra, het meneer Hugo met eerlikheid geantwoord: “Ek dink as ‘n mens nie jou beste gee nie, nie op jou game is die dag nie, ervaar jy ‘n laagtepunt. Dit gebeur maar met almal.”   Verder, gee Reynardt Hugo ‘n bietjie raad, ondanks hierdie laagtepunte: “Om elke dag so te fokus en te konsentreer, is van uiterse belang.”

Na ‘n dag in die Ongevalle, gaan Reynardt Hugo huis toe, en gaan aan met sy lewe. Binnelanders, soos wat hy erken, is baie toegeeflik as dit kom by sy rol in Adam: “Dit is as gevolg van Binnelanders wat ek ‘n tweede loopbaan in musiek het,” sê hy, as hy verduidelik dat sy gewildheid as alledaagse sepie-stêr, die hupstoot was wat die groep nodig gehad het.  Adam, die groep waaronder Reynardt saam met Ludik en Kyle Grant die Afrikaanse klanke herdefinieer, is onlangs vrygestel, en is saam met sy rol in Binnelanders ‘n getuienis van die liefde wat Reynardt Hugo vir die vermaaklikheidslewe het.  Lees meer oor Adam se nuutste album, hier.

 Aan Binnelanders vir julle 3000ste Episode:

“Ek wil baie dankie sê dat iemand die potensiaal in my raakgesien het om deel van hierdie ongelooflike span te wees.  Dit is as gevolg van julle dat ek ‘n loopbaan het.  Julle het my geleer dat ek nie beter as enige iemand is nie.  Dankie Binnelanders dat julle my bygestaan het in moeilike tye.” –  Reynardt Hugo.

Die Taalversorging van hierdie onderhoud is behartig deur Christa Steyn

The post Ons Praat met Reynardt Hugo appeared first on Stage and Screen.

Op Sondag 23 April 2017 om 20:00 sal die ganse Afrikaanse musiekbedryf by die Theatre of Marcellus by Emperors Palace in Kempton Park byeenkom om te hoor wie vanjaar as wenners uit die stryd om die gesogte Ghoema-musiekpryse tree.

Die Ghoemas, vanjaar in sy sesde jaar, is die enigste onafhanklike toekennings vir Afrikaanse musiek.

Ons vereer vanjaar vir die eerste keer die beste hip-hop-kunstenaars. Boonop is daar nog drie kategorieë (Publiek se Gunsteling Manlike Kunstenaar, Publiek se Gunsteling Vroulike Kunstenaar en Publiek se Gunsteling Duo/Groep) bygevoeg. Die publiek kon voorheen vir hul gunsteling-kunstenaar in alle kategorieë behalwe Album van die Jaar stem. Vanjaar kan hulle slegs vir hul gunsteling manlike kunstenaar, vroulike kunstenaar en duo/groep stem (die enigste vereiste is dat die kunstenaar/groep wel ’n benoemde moet wees).

Hier is hulle:

Beste Nuweling van die Jaar

Franja du Plesis – My Verhaal

Hailey Clark – Deurmekaar

Marno van der Merwe – Kalm Jou Amry

Refentse – My Hart Bly in ‘n Taal

Wolwe-Dans – Groete van My

–

Beste Liedjie van die Jaar

Adam – Hoogtevrees

Coenie de Villiers – Noting Hill

Joshua na die Reën – Die Wêreld binne My

Joshua na die Reën – Altyd

Snotkop – Cool soos Koos Kombuis

–

Beste Hip Hop Liedjie van die Jaar

Early B – Bene Lam

Early B – Cerebellum

Hemelbesem – Noem my Skollie

Jerome Rex – Fynskrif

Linkris – Game Change Gazi

–

Beste POP-Album deur ‘n Manlike Kunstenaar

Elvis se Seun – Jy Speel ‘n Game met My

Gerhard Steyn – Hartvanger

Juan Boucher – Dis wie Ek is

Kurt – Sal jy met my Dans?

Snotkop – HKGK

–

Beste POP-Album deur ‘n Vroulike Kunstenaar

Charlize Berg – As jy Weet die Liefde

Franja du Plessis – My Verhaal

Hailey Clark – Deurmekaar

Liza Bronner – Dans op jou Eie

Talana – My Hart se Kunswerk

–

Beste Kontemporêr Album deur ‘n Manlike Kunstenaar

Coenie de Villiers – Emoji

Dewald Wasserval – Jy is die Storm

Joe Niemand – Vryheid

Joshua na die Reën – Die Wêreld Binne My

Ricus Nel – Ouskool-Boerseun

 –

Beste Kontemporêr Album deur ‘n Vroulike Kunstenaar

Anne-Marie van Eeden – Winter

Candy Benson – Onweerstaanbaar

Laurika Rauch – Die Reie

Marlene Vermaas – My Storie

Riana Nel – Jy Sal Wet

–

Beste Album deur ‘n Duo of Groep

4Werke – 4Warm

Adam – Hoogtevrees

Jay en Lianie – Vir Liefde

Touch of Class – 100 Duisend Perde

Twee – Piekniek vir Twee

–

Beste Geestelike Album

Adam Barnard en Henri Scott – Hallelujah SA

Broers – Die Heiland is Gebore

Duis:Lig – Dans

Melanie – Paspoort

Tobi Jooste – Die Katedraal

 –

Beste Kinder-Album of DVD

Die Klikkerlanders – Klikkerland! #3 (DVD)

Helene Bester en Kristi – Kat op die Plaas

Jonkman en Baartman – Jonkman en Baartman sing Nuwe Lawwe Liedjies

Nedine Blom – Wiskunde is Supercool

Verskeie Kunstenaars – Afrikaans Gaan Klein Vol 1

–

Beste Alternatiewe Album

Arno Carstens – Die Aandblom 13

Bouwer Bosch – Hopelik

Jan Rhaap – Opge-Rhaap

Moses Metro Man – Spektrum

Wouter van de Venter – Toe roep jy My

–

Beste Boeremusiek-Album of Tradisionele Musiekalbum

Die Jaloersbokkies – Piekniekliedjies

Die Ventertjies – Wikkel Vingers

Hennie de Bruyn en die Kitaarkerels – Bosveld Kitare

Klipwerf – Die platinum DVD & CD Versameling

Rooies – Koekoe Bul

–

Beste Instrumentale Album

Gaston – Kitaar is My Taal

Sean Butler – Woord’loos Reeks: Inspirasie

Sean Butler – Woord’loos Reeks: Kersfees

Sean Butler – Woord’loos Reeks: Liefde

Sean Butler – Woord’loos Reeks: Toeka

–

Beste Ligte Klassieke Afrikaanse Album

Con Grazia – Kosmos

Henry van Dyk – Sommer o

Venitia Rose – My Wens / My Wish

–

Beste Country-Album

Die Campbells – Bloed is Dikker as Water

DZL – DZL

Elizma Theron – Boeregirl met ‘n Countryhart

Jennifer Zamudio – Ongelooflik

Kerry Lee – Dans in dei Reën

–

Beste Musiekvideo

Adam – Vergifnis

Jay en Leanie – Vir Liefde

Kurt – Kaalvoet Sokkie

Snotkop – Cool soos Koos Kombuis

Twee – Pieknniek vir Twee

–

Beste Liedjieskrywer

Arno Carstens

Christoph Kotze

Coenie De Villiers

Johan Vorster

Joshua na die Reën (Jacques de Villiers)

Riana Nel

–

Beste Vervaardiger

Christie Schutte

Coenie de Villiers & Jaconell Mouton

Dirk van Niekerk

Fred Den Hartog

JB Arthur

Hou kykNET se webblad en sosiale media platforms dop vir meer nuus.

Twiet ons gerus by @kykNETtv en gebruik die hutsmerke 

#Ghoemas 

#GaanVirGoud.

The post Ghoemas 2017: Die Nominasies Onthul appeared first on Stage and Screen.