The Film Factory en Nostalgia Productions is trots om aan te kondig dat ‘n nuwe filmaanpassing van Fiela se Kind, die topverkoper-roman deur Dalene Matthee, rolprentteaters regoor Suid-Afrika op 13 September 2019 sal tref.

Met regie deur Brett Michael Innes, skrywer/regisseur van die 2017 SAFTA-wenner vir die film, Sink, is die film vervaardig deur Danie Bester in samewerking met kykNET Films, Filmfinity (Pty) Ltd en die Departement van Handel en Nywerheid.

Die roman is voorheen aangepas in ‘n film in 1988 deur regisseur Katinka Heyns met Shaleen Surtie-Richards in ‘n uitvoering wat so ikonies was as die karakter deur wie dit geïnspireer is.

Die verhoogaktrise Zenobia Kloppers bring lewe aan Fiela Komoetie; met die nuwelinge Luca Bornman en Wayne Smith in die rol van Benjamin Komoetie. Drikus Volschenk en Cindy Swanepoel verskyn onderskeidelik as Elias en Barta van Rooyen met Melissa Willering, Andre Stoltz, Wayne van Rooyen en Stefan Erasmus ook in die rolverdeling.

Met kinematografie deur Tom Marais van onder meer Ballade vir ‘n Enkeling, en Verraiers, en redigering deur die gesogte C.A. van Aswegen, is die film op lokasie geskiet in die Knysna Bos en in die Karoo met produksie-ontwerp deur Chantel Carter, grimering deur Maritsa Maritz en kostuums deur Mari van der Merwe. Charlotte Buys is in beheer van die klankontwerp met ‘n oorspronklike klankbaan deur Kyle Shepherd.

Vir onmiddellike uitreiking kan u die film op @thefilmfactoryza volg, gebruik die hutsteken #FielaSeKind.

Fiela se Kind word landswyd in teaters op 13 September 2019 deur Filmfinity (Pty) Ltd uitgereik.

The post Fiela se Kind appeared first on Stage and Screen.

fliekNET is vir ’n derde jaar terug! Nou is jou kans om ’n bietjie te “binge watch” aan al jou gunsteling Afrikaanse flieks – van toeka tot nou.

Wat is nou lekkerder as om in die vakansietyd met ’n bak springmielies, op die bank, voor die kassie neer te plak en in van jou gunsteling flieks te ontsnap? Vanaf 16 Desember 2017 tot 12 Januarie 2018 is fliekNET weer op DStv kanaal 198 te sien. Kykers kan uitsien na ’n propvol skedule en sal beslis elke dag ’n groot verskeidenheid Afrikaanse flieks kan sien.

Op Maandae kan kykers terug reis in tyd om al die tydlose flieks te geniet. Dinsdae is propvol flieks om die tieners gedurende die vakansietyd uit die moeilikheid uit te hou. Woensdae sorg weer vir liefdesverhale en romanse, terwyl diepsinnige Donderdae sal sorg vir ‘n spul flieks om oor na te dink. Vrydae hou ons kykers op hulle tone met rillers, aksie en gruwelflieks.

Op Saterdae gaan daar ook ’n ekstra bederf vir die kleinspan wees en daarmee saam ’n ruskans vir al die ma’s en pa’s wat so hard grootgemaak het deur die jaar , want op Saterdagoggende rondom 10:00 sal fliekNET die kleiner kykers oorrompel met Khumba, Heidi, Die sneeukoningin en Maya die by.

Vir dié van julle wat nie tyd vir stilsit gaan hê hierdie vakansie nie, ondersoek gerus die opsie om jou dekodeerder aan die internet te koppel. DStv Premier-verbruikers wie se dekodeerders aan die internet gekoppel is, kry toegang tot DStv Catch Up Plus, waar al die fliekNET-flieks tot einde Februarie afgelaai en geniet kan word.

Tydlose Maandae:

25 Desember om 19:50: Paljas

’n Spoorwegwerker en sy gesin bly op ‘n afgeleë dorpie in die Karoo. Hulle eenvoudige, dóg moeilike lewens verander drasties wanneer die sirkus hulle opwagting maak. Skielik kry hulle bestaan, ’n magiese kwaliteit en word alles in hulle lewens gelukkiger en duideliker.

A surfaceman and his family lives a very simple, yet difficult life in a distant town in the Karoo. This changes drastically when the circus arrives. Suddenly their lives are filled with meaning, hap-piness, a magical quality and everything becomes clear.

1 Januarie om 19:50: Fiela se Kind

Fiela se Kind vertel die pragtige verhaal van ’n bruin vrou se liefde vir haar wit optelkind. Fiela Komoetie en haar gesin word uitmekaar geskeur wanneer die magistraat haar “hanskind” wil wegneem en in sy regte ouers se sorg wil terugplaas.

Fiela se Kind tells the beautiful story of a coloured woman’s love for her white foundling. Fiela Komoetie and her family is completely torn when the magistrate decides to take her child away and place him back in his real parents’ care.

8 Januarie om 18:10: Stuur Groete Aan Mannetjies Roux

’n Tienermeisie se kuier by haar oom en tante in die Karoo verander in ‘n ontdekkingsreis, waartydens sy moet uitvind wie sy werklik is. Drie besoekers verander haar lewe onherroeplik.

A teenage girl visits her uncle and aunt in the Karoo. Soon her visit becomes an exploration of who she really is. Three visitors in one week, changes her life irrevocably.

Jeugdige Dinsdae

19 Desember om 19:50: Hollywood in my Huis

Dit is matriekafskeidtyd in 2004 en Jana van Tonder is geïnspireer deur Charlize Theron se Oscar. Sy besluit om haar matriekafskeid in haar eie Hollywood-glansgeleentheid te omskep.

It’s matric farewell time in 2004 and Jana van Tonder is in-spired by Charlize Theron’s Os-car. She decides to convert her matric fare-well into her own glamorous Hollywood event.

21 Desember om 16:20: Strikdas

Willemien se lewe verander handomkeer wan-neer sy vir Vossie, die grootste “nerd” op kampus, huistoe neem om haar pa en ekskêrel ‘n les te leer. Willemien’s life changes drastically when she brings home Vossie, the biggest nerd on campus, to teach her father and ex-boyfriend a lesson.

2 Januarie om 20:30: Jou Romeo

Twee gedetermineerde drama-entoesiaste gaan uit hulle pad uit om hulle Shakespeare droomproduksie ‘n realiteit te maak; met ’n paar onverwagse nagevolge.

Two determined drama-enthusiasts goes to extremes, in order to make their Shakespeare dream production a reality; with a few unexpected consequences.

9 Januarie om 18:10: Bakgat! Tot die mag 3

Wimpie en sy verloofde, Katrien, emmigreer na Engeland, waar ’n rugbyklub vir hom ’n kontrak aangebied het. Hulle besef egter dat die lewe in London nie so “cool” is soos wat hulle gedink het nie.

Wimpie and his fiancé, Katrien, emigrates to England where a rugby club offered him a contract, but soon they realize that the life in London is not as cool as they thought it would be.

Hartstog Woensdae

20 Desember om 19:50: Vir Die Voëls

‘n Korrelkop, rabbedoe meisie, wat daarvan oortuig is dat onafhanklikheid die enigste vorm van vryheid is, word op alle vlakke uitgedaag wanneer die seun wat haar kleintyd geterg het, weer sy opwagting in haar lewe maak.

A Stubborn tomboy girl is convinced that independence is the only form of free-dom. She is challenged on every level, when the boy that teased her since her childhood, turns up in her life again.

27 Desember om 21:30: Leading Lady

’n Engelse aktrise oorreed ’n boer van Brand-fort om haar te help voorberei vir ’n uitdagende rol in ’n Hollywood rolprent – dié van ’n Afrikaanse oorlogsheldin.

An English actress convinces a farmer from Brandfort to help her prepare for a very challenging role in a Hollywood film – that of an Afrikaans war heroine.

10 Januarie om 19:50: Pad na jou hart

Basson van Rensburg het vyf dae om by sy pa se begrafnisdiens in Kaapstad uit te kom, maar hy moet sekere take op sy reis eers voltooi, voordat hy die suksesvolle familiebesigheid kan oorneem.

Basson van Rensburg has five days to get to his father’s funeral in Cape Town, but he needs to complete certain tasks on his journey before he can successfully take over the family business.

3 Januarie om 19:50: Mooirivier

Dié eerste ensemble-rolprent in Suid-Afrika volg die stories van agt paartjies, tussen die ouderdomme van 10 en 70, wat elk op hulle eie avontuur van liefde gaan en uitvind wat die liefde nou eintlik beteken.

This first ensemble film in South Africa, follows the lives of eight couples, between the ages of 10 and 70. Each couple goes on their own journey of love and finds out what love really means.

Diepsinnige Donderdae

21 Desember om 20:35: Sink

A Mozambican domestic worker, is forced to make a difficult decisions after her daughter tragically dies whilst under the care of one of her employers. Things become even more complicated when she finds out that her em-ployers are expecting their first child.

’n Mosambiekse huiswerker moet moeilike besluite neem, nadat haar dogtertjie tragies sterf, terwyl haar een werkgewer toesig gehou het. Dinge word selfs verder gekompliseerd wanneer sy uitvind dat haar werkgewers hulle eerste kind verwag.

28 Desember om 22:15: Noem my Skollie

’n Jong man beland in ‘n Kaapse tronk in die 1960’s. Hy gebruik sy talent as storie-verteller om homself teen die bendes in die tronk te beskerm.

A young man ends up in a Cape prison in the 1960’s. He uses his storytelling talent to defend himself against the gangs in the prison.

4 Januarie om 20:40: Ballade vir ’n Enkeling

Nadat ’n bekende Suid-Afrikaanse skry-wer verdwyn, word ’n joernalis deur am-bisie gemotiveer om dié skrywer se ge-heimsinnige geskiedenis aan die lig te bring.

After a well-known South African writer disappears, a journalist is motivated by ambition to uncover the writer’s secret history.

11 Januarie om 18:20: Agter Elke Man

’n Gevangene word op parool vrygelaat, maar het ‘n obsessie om hom te wreek op die man wat verantwoordelik is vir sy straf. Dinge raak nog meer gekompliseerd wanneer daar ’n onverwagse moord plaasvind.

A prisoner is released on parole and has an obsession to take revenge on the man who is responsible for his punishment. The plot thickens when a murder takes place.

Vreeslike Vrydae

22 Desember om 19:50: Wolwedans in die Skemer

’n Jong vrou aanvaar ’n pos by die Hotel Njala. Oppad daarheen is sy in ‘n frats motorongeluk en verloor haar geheue. Sy word ingetrek by die lewens van die familie wat dié vreemde hotel bestuur.

A young woman accepts a job at the Hotel Njala. On her way to the hotel, she is in a terri-ble freak car accident and loses her memory. She gets drawn in by the lives of the family that runs this strange hotel.

29 Desember om 19:40: Die Spook van Uniondale

’n Jong sakeman se naweekplanne verander drasties wanneer sy voertuig meganiese probleme nét buite Uniondale ontwikkel. Terwyl hy wag dat sy motor herstel word, leer hy van die spook van Uniondale.

A young business man’s weekend plans changes drastically when his vehicle suddenly has mechanical problems, just outside of Uniondale. While he waits for his vehicle to be fixed, he learns more about the ghost of Uniondale.

5 Januarie om 21:30: My Broer se Bril

’n Hewige geveg tussen tweelingbroers, Adriaan en Paul van der Bijl, veroorsaak dat Adriaan blind agtergelaat word en Paul sy eie koers inslaan. Adriaan bly by sy siek pa agter en jare later ontstaan daar opnuut twis tussen die broers oor wie die familiefortuin sal erf.

A violent fight between twin brothers, Adriaan and Paul van der Bijl, leaves Adriaan blind and Paul going his own way. Adriaan stays with his ill father and years later the two brothers argue about who will be inheriting the family fortune.

12 Januarie om 21:40: Aanslag op Kariba

’n Bus vol toeriste word by die Karibadam in Zimbabwe ontvoer en in ’n kragsentrale saam met heelwat plofstof toegesluit. Net Kaptein Caprivi en sy manne kan hulle dalk red.

A bus full of tourists gets kidnapped at the Kariba dam in Zimbabwe and gets locked up in a power station with a whole lot of explosives. Only Captain Caprivi and his men can maybe save them.

Kleinspan Saterdae

16 Desember om 10:30: Khumba

Khumba is ’n jong sebra wat blameer word vir die skielike droogte wat die land getref het. Hy span kragte saam met twee ongewone reismaats om ‘n legendariese watergat op te spoor.

Khumba is a young zebra that gets blamed for the sudden drought that hits the land. He gathers two unusual travelling companions on his journey to find a solution, a legendary waterhole.

23 Desember om 10:00: Heidi

Beleef allerlei avonture saam met Heidi, haar oupa en Peter in die berge. Kyk ook hoe die nare Juffrou Rottenmeier haar lewe omkrap wanneer sy begin skool toe gaan.

Experience all the adventures with Heidi, her grandfather and Peter in the mountains. Also watch what happens when the nasty teacher, Mrs. Rottenmeier upsets Heidi’s life when she is sent to school.

Skaterlag Saterdae

30 Desember om 22:00: Nommer Asseblief

Al die ou gesigte van dié populêre TV-reeks is weereens in hierdie bekende lekkerlag komedie te sien. Dit handel oor die De Waals en hul kleurvolle familie, vriende en mededingers in en om ’n dorpie in die Overberg.

All the old faces of this popular TV-show is once again to be seen in this funny, well-known come-dy about the De Waals and their keen family, friends and com-petitors inside and around a town in the Overberg.

6 Januarie om 21:15: Tolla is Tops

Tolla van der Merwe probeer mense uitvang met sy wolhaarstories en sy slagoffers se reaksies word met versteekte kameras verfilm. Kom lag lekker saam met hierdie legendariese grapjas!

Tolla van der Merwe tries to catch people with his tall tales. His victims’ reactions are filmed with hidden cameras. Come and laugh with this legendary joker!

Dramatiese Sondae

24 Desember om 18:50: Die Windpomp

Henry beland as gevolg van omstan-dighede buite sy beheer, by sy seniele, teruggetrokke oupa in ‘n aftree-oord. Hy kom gou agter dat daar geheime skuil en dat een van dié geheime, hom die liefde van sy lewe kan kos.

Henry is forced to move to his senile and withdrawn grandfather in a retirement village. He quickly finds that there are multiple secrets hiding in this place and that one of these secrets may cost him the love of his life.

17 Desember om 18:40: Lien se Lankstaan Skoene

Lien is die oudste kind in ‘n disfunksionele gesin, wat oornag brandarm geword het. Lien moet self plan maak en inspring om brood op die tafel te sit.

Lien is the eldest child in a dysfunctional family that became very poor overnight. Lien must make het own plans to help her family with an income.

7 Januarie om 21:20: Faan se Trein

Faan het nooit die onskuld en eenvoud van ‘n jong kind ontgroei nie. Wanneer Faan se pa sterf, los hy al sy besittings om verdeel te word tussen Faan en die kerk.

Faan has never outgrown the innocence and simplici-ty of a young child. When Faan’s father passes away, he leaves all his belongings to be divided between Faan and the church.

7 Januarie om 19:50: Verskietende Ster

Phillip Schuman se wêreld stort in duie die dag toe sy ma sterf. Terwyl sy pa, To-mas, lankal reeds moed opgegee het met die lewe, probeer Phillip hard om sy droom om ’n pianis te word, te bewaar-heid.

Phillip Schuman’s world collapses the day his mother passes away. While his father, Tomas, has al-ready lost hope in life, Phillip tries to make his dream of becoming a pianist, a reality.

The post FliekNet Hoogtepunte appeared first on Stage and Screen.

Deur Louw Mulder, Geredigeer deur Hanri Wondergem

Daar was oor die afgelope paar jaar ‘n oplewing in die Suid-Afrikaanse filmbedryf. Dit het tot gevolg dat Suid-Afrikaanse akteurs se loopbane fyn dopgehou word. Een van die Suid-Afrikaanse akteurs wat sy staal deur veelsydigheid wys, is Edwin van der Walt. Die eerste filmrol wat hy vertolk het was in Hollywood in my Huis. Vandaar het sy loopbaan vlam gevat en was hy te siene in Die Pro, Ballade vir ‘n Enkeling, Modder en Bloed, en nou, die lang verwagte My Father’s War.  Ons is die geleentheid gegun om dié akteur beter te leer ken.

As seuntjie van net nege jaar oud het Edwin sy passie vir toneelspeel uitgeleef deur byvoorbeel karakters soos Mr. Bean na te maak. Edwin het uitgeblink in rugby en dit oorweeg om dit sy loopbaankeuse te maak. ‘n Sameloop van omstandighede en ‘n passie vir toneelspeel het hom egter in ‘n ander rigting gestuur. Hy het by die Universiteit Stellenbosch ingeskryf vir ‘n BA-graad in Drama.

“Dit was in Stellenbosch waar ek gegroei het, en waar ek my toolkit gekry het om the act,” vertel hy oor die verhoog wat aanvanklik sy speelveld was. Die produksie, Bos, was sy eerste verhoogstuk, onder leiding van regisseur Marthinus Basson. Basson het ook die regie van A Cock and Bull Story, waarin Edwin saam met Dean-John Smith te sien is, behartig. “Teater was my pad na die rolprent bedryf toe, maar ek sal altyd terug keer teater toe. Dit is daar waar jy jou toolkit weer vol maak. Teater het ‘n ander fokus en hou jou nederig,” sê Edwin.

Drama is in sy are en met die lokket-treffers, Ballade vir ‘n Enkeling en Die Pro, het gehore aan Edwin se lippe gehang, angsbevange het hulle toegekyk hoe ‘n mede-karakter in sy arms sterf. “Emosionele tonele challenge ‘n akteur so baie,” verduidelik Edwin, “Ek self is ‘n sensitiewe en emosionele mens.” Daarom, sê Edwin het hy uit die staanspoor besluit om op ‘n emosionele vlak met sy karakters te verbind. “Sodat ek regtig kan voel wat daardie persoon op daardie stadium sou voel.”

Die Pro was die eerste rolprent wat vir Edwin uitgedaag het om diep in sy eie emosies te delf. Self het hy nog nooit ‘n baie goeie vriend aan die dood afgestaan nie. Hy vertel dat hy, saam met regisseur Andre Veltz, op ‘n emosionele reis moes gaan om die karakter beter te verstaan. “Ek moet gedruk word om te voel wat daardie persoon sal voel, om darem justice te doen daaraan vir iemand wie al regtig daardie seer gehad het.”

Dan is daar die kenmerkende toneel uit Ballade vir ‘n Enkeling: ‘n skreeuende Jacques Rynhard met sy pa in sy arms. Dié is pas noodlottig gewond. Jacques Rynhard dink hy het self die sneller getrek en die doodskoot gegee. “Voor daardie toneel, toe Jacques gedink het hy het sy pa dood geskiet, het ek myself afgesonder om in daardie zone in te gaan, om myself in te leef wat hy moes deurmaak, maar ek het besluit om rou in daardie oomblik in te gaan toe ons die toneel gaan skiet het. Dit was als in daardie oomblik.”

“Die maklikste emosies om te speel, is die wat die verste is, en die moeilikste emosies, is die wat naby is.” Hy probeer verduidelik: “Partykeer maak dit nie vir my sin nie. Ander kere doen dit.”

Edwin erken dat hy ‘n rebel-streep in hom het. Dan verwys hy na die “rebelse fase” wat hy in sy hoërskooljare beleef het. Maar dit spyt hom nie, hy kon daaruit leer en nou kan hy hom vereenselwig met ‘n karakter wat ‘n rebel is. “Ek wil nie net ‘n rebelse rol speel omdat dit nog ‘n rol is nie. Ek moet in detail verstaan hoekom daardie karakter rebels is, sodat elke rol nie dieselfde vertolk word nie.”

Met hierdie volwasse uitkyk op sy professie, is dit geen wonder dat hy in sy loopbaan reeds hoë hoogtes bereik nie. Die genre maak nie vir hom soveel saak soos die karakter nie. Sy karakter in My Father’s War is een van die eerste rolle wat hy vertolk waar die karakter ouer is. Dit maak die karakter meer ingewikkeld, aldus Edwin.

‘n Diep siel met baie liefde in sy hart, baie vrae oor die gebrek aan ondersteuning van sy pa, baie vrae oor die lewe en daarom die rebelse manier. Dit is wat Edwin verklap oor die karakter, Dap Smit. “Dap is ‘n komplekse jong man, soos ‘n seun sou wees wat op 19-jaar oud nog nie ‘n pa gehad het nie, en hom graag daar sou wou hê.” Dan voeg hy by: “Ek is verlief op hierdie rol.”

Oor die verhaal self het hy die volgende te sê: “Ek dink die verhouding tussen pa en seun, dit waaroor die storie gaan, is ‘n metafoor vir ander verhoudings. Die film gaan daaroor om vir mense te wys hoe hulle optree teenoor mekaar, en hòè eerlik en reguit hulle teenoor mekaar is. Ons steek soveel dinge vir mekaar weg, wat eintlik gesê moet word.” En dan ‘n brokkie wysheid: “Die waarheid sal jou vry maak, en dit is wat vir my ongelooflik is, dat die Smit familie die nodige stappe gevat het om weer gesond te word. Seer plekke moet eers rou word, voor dit gesond kan raak.”

Vir Edwin, was die hele My Father’s War –ervaring ‘n avontuur, ‘n ontdekkingsreis oor ‘n deel van die geskiedenis wat aan hom onbekend was. “Ek was geskok om te leer hoekom die grensoorlog gebeur het. Ek het met regte rekkies gepraat, wat my laat insien het waaroor die oorlog gegaan het… en nie gegaan het nie.” Met sy goeie vriend, Stian Bam aan sy sy (Stian vertolk die rol van Dap se pa) is die ontdekkingsreis aangepak. En dit was omtrent ‘n reis – veral die helikoptervlug met ‘n “regte rekkie vlieënier”. “Dit was so cool.”

Buiten vir Stian , vir wie Edwin baie respek het, is sy gunsteling Suid-Afrikaanse akteur Jacques Bessenger. Jacques was ook saam met Edwin in Ballade vir ‘n Enkeling en Modder en Bloed. “Jacques is so amazing, en ek het baie tyd vir hom. Sy spel kry iets reg wat min akteurs reg kry, en dit is basies om so min as moontlik te doen, deur so veel as moontlik daaruit te sê.” Van al die Afrikaanse rolprente die laaste tyd, was Sink Edwin se gunsteling: “Ek het dit gekyk by die Silwerskermfees en dit was die eerste film waar ek gevoel het Suid Afrika is besig om boundaries te skuif.”

Tyd vlieg in die teenwoordigheid van iemand soos Edwin van der Walt. Hy praat maklik oor sy filosofieë oor acting, die lewenslesse wat hy uit sy rolle leer. Hy lag en skert oor snaakse dinge wat al op stel gebeur het.

Edwin straal ‘n opregte menslikheid uit wat my tot die besef bring dat die rolprentstêrre op die silwerdoek maar ook net mens is. En na net dertig minute voel dit of ek en dié akteur al vir jare vriende is.

Vrye tyd is min vir Edwin, daarom sien hy sy mooie meisie nie so gereeld nie. As hy die dag tyd het, vang hy ook graag vis saam met sy pa. Hy werk tans aan Rock What You Got, potgooie van onderhoude met Suid-Afrikaanse akteurs, musikante, politici en entrepreneurs. Edwin voer self die onderhoude oor onder meer swaarkry tye, suksesverhale en lesse vir die jonges. Sy volgende uitdaging voor die kamera is die rolprent Jagveld, maar intussen wag daar ‘n lang toer deur Suid Afrika met A Cock and Bull Story.

Van ‘n arm outjie wat gebreide onderbroeke moes dra tot ‘n talentvolle skrywer wat die bullebakke in ‘n verbeteringskool moes oorleef. Van ‘n gebroke takhaar surfer boy van Vlakplaas, tot ‘n jong man wat amok maak in ‘n konsentrasiekamp tydens die boere oorlog… Edwin staan nie terug vir enige rol nie. Volgende, is hy te sien op die Grens as ‘n rebelse jong man wat deur die waarheid vry gemaak word. Sien Edwin van der Walt in My Father’s War, wat op 5 Augustus in fliek-teaters landwyds begin draai.

The post Ons Praat met Edwin van der Walt appeared first on Stage and Screen.

Vanaf 20 Maart 2015 kan Suid-Afrikaners weer die nostalgie agter Ballade vir ’n Enkeling herleef nes in die jare tagtig – dié keer op die grootskerm met ’n nuwe en vars benadering tot hierdie legendariese storie.

Bekende Suid-Afrikaanse akteurs soos Donnalee Roberts, Rolanda Marais, Armand Aucamp en Jacques Bessenger, asook nuwelinge Christia Visser, Edwin van Jaarsveld, Luan Jacobs, Miles Petzer en ander het saam met The Film Factory se gesoute filmspan ‘n nuwe baadjie vir die ikoniese TV-reeks aangetrek.  

Hierdie treffer-reeks, wat in 1987 kykrekords laat spat het, se storie word nou weer vertel – dié slag onder leiding van die knap jong regisseur, Quentin Krog.

Krog was reeds betrokke by baie van Suid-Afrika se voorste film-, televisie- en teater-projekte. Sy onlangse optredes as rolprentakteur sluit in Blitzpatrollie, asook kykNET se dramareekse Donkerland, Vloeksteen en Boland Moorde, asook Swartwater (SABC) en die kykNET-kortfilm Buurtwag. Sy mees onlangse reeks as regisseur was die TV-reeks Sterlopers.

Ballade vir ‘n Enkeling word ook onthou vir die treffertemas Voshaarnooi, geskryf deur Louis van Rensburg en Ballade vir ‘n Enkeling, geskryf deur Richard van der Westhuizen. Louis en Richard het ook saam gewerk aan die klankbaan vir hierdie reeks wat goue status bereik het.

Nou, in 2015,word hierdie treffers in ‘n nuwe gedaante aangebied deur Joshua na die Reën en Die Heuwels Fantasties. Joshua na die Reën, met sy vars en unieke klank, is verantwoordelik vir ‘n nuwe weergawe vanVoshaarnooi;terwyl Die Heuwels Fantasties hul eie klank aan Ballade vir ‘n Enkeling gee.Voshaarnooi se enkelsnit tref radiostasies op 29 Januarie 2015 en sal gevolg word deur die uitreiking van die musiekvideo eksklusief op Jukebox kykNET 146 op 21 Februarie 2015. Ballade vir ‘n Enkeling se enkelsnit word ook gedurende Februarie 2015 uitgereik met die opvolg-video wat vroeg in Maart gewys sal word.

“Toe Ballade vir ‘n Enkeling destyds op televisie vertoon is, was ek nog ‘n kleuter, maar die belangstelling in die reeks van ons ouers se kant af het oorgespoel na ons toe. Ek onthou vaagweg waaroor die storie gegaan het, maar wat ek soos gister onthou is die tydlose musiek wat die reeks uniek gemaak het. Dit is ‘n voorreg en eer dat die span agter Ballade vir ‘n Enkeling my hierdie geleentheid gegee het om Voshaarnooi te kan sing.” Joshua na die Reȅn

“Ballade vir ‘n Enkeling is ‘n classic! Dis ‘n song wat ons almal ken. Dis ‘n eer om die kans te kry om so iets aan te pak. Ek wonder wat Richard gaan sê…” – Hunter Kennedy – Die Heuwels Fantasties

Ballade vir ’n Enkeling is ‘n romantiese speurverhaal en sal die nostalgie uit die tagtigerjare weer opnuut laat opvlam, maar gaan dié keer ook ‘n nuwe geslag betrek. Die geheimsinnigheid, gekoppel aan die liefdesverhaal, sal elkeen wat daarna kyk van voor af betower. Niemand sal onaangeraak hier uitstap nie.

Die storie en die draaiboek is geskryf deur Leon van Nierop en is vervaardig deur Danie Bester van The Film Factory met die bekroonde kinematograaf Tom Marais agter die kamera.

Die roman, wat ook deur Leon van Nierop geskryf is en deur Tafelberg Uitgewers uitgegee is, is reeds vanaf Augustus 2014 op die rakke.

Ballade vir ‘n Enkeling word plaaslik op 20 Maart 2015 op die groot skerm uitgereik. Ster Kinekor Entertainment is die verspreiders.

The post Ballade vir ‘n Enkeling appeared first on Stage and Screen.