Chanell van den Berg stel eersdaags haar enkelsnit, getiteld Twee Tree vry.  Dié snit, geskryf deur Chanell en Daniel Po, handel oor die tipiese Engelse gesegde, I’ve got your back, die gevoel in ‘n vriendskap of verhouding waar jy weet iemand sal altyd agter jou staan, ongeag wat…

Chanell hoop fom met dié country/pop enkelsnit daarin te slaag om die publiek vir ‘n paar minute weg te neem uit hul realiteit. Die musiekvideo, vervaardig deur VPH Films, is in die noorde van Pretoria geskiet, want hulle wou graag ‘n treinspoor insluit in van die tonele. Chanell vertel dat die opname groot pret was en dat alles sommer vanself rigting gevat het.

Chanell is klaar besig met haar volgende enkelsnit wat Oorlog heet. Sy kan nie wag dat mense dit hoor nie en hoop mense kan vereenselwig met haar musiek, sodat dit ‘n verskil sal maak. Chanell is mal oor Nashville se musiek met bekende wêreldklas kunstenaars soos Miranda Lambert, Brad Paisley en Carrie Underwood.

Sy vertel ook dat sy nog altyd baie passievol oor musiek was en al doenig is in die musiekbedryf vandat sy veertien jaar oud is. Tans wek sy in die finansiële sektor van ‘n telekommunikasie maatskappy, omdat sy dit geniet om met syfers doenig te wees. Haar gunsteling deel van die dag is wanneer sy van die werk af kom, en op haar bed kan sit en liedjies skryf.  Chanell put inspirasie uit Theuns Jordaan en Miranda Lambert se musiek.

Hoogtepunte tot dus ver sluit in haar rol in As jy Sing, Trouvoete en die liedjie Little Monster wat sy vir die film Mignon Mossie Van Wyk geskryf het. Chanell hoop om mense aan te raak, ‘n verskil te maak en ‘n voorbeeld te wees met haar musiek, goeie kwaliteit verwerkings, videos en optredes.

The post Chanell van den Berg: Twee Tree appeared first on Stage and Screen.