Die skaterlag aksiekomedie met Leandie du Randt en Bosch en Bouwer Bosch in die hoofrolle, is nou beskikbaar op DVD, DSTV BOX OFFICE, VIMEO en ITUNES, en met dank aan The Film Factory, gee ons twee geskenkpakkies weg, wat die DVD insluit…

Nie net kan plaaslike aanhangers nou die film tuis geniet nie, maar Thys & Trix is ook nou wêreldwyd beskikbaar op iTunes in ongeveer 30 lande. Plaaslike aanhangers kan dit ook via DSTV Box Office kyk of dit huur op Vimeo. Die DVD is beskikbaar by alle plaaslike DVD handelaars, insluitende Musica en CNA.

Thys & Trix Kompetisie is nou gesluit.

[contact-form-7 id=”9516″ title=”Thys Trix DVD”]

Let Asseblief:

1. Die kompetisie sluit op 15 December 2018
2. Die inhoud van die prys kan nie omgeruil word vir kontant, of enige ander DVD nie
3. Die prys bestaan uit een geskenkpakkie.
4. Deur vir hierdie kompetisie in te skryf, ondeneem die inskrywer om die reëls te verstaan.
5. Wenners sal per e-pos in kennis gestel word, en deur die borge gekontak word.
6. Slegs een inskrywing per e-pos addres sal by die trekking ingereken word.

The post Wen 'n Thys & Trix DVD Geskenkpakkie appeared first on Stage and Screen.

Met die komplimente van die Vervaardigers, het ons twee DVD’s van Stroomop om weg te gee.

Die opwindende avontuurverhaal, Stroomop, ook die film as Ivan Botha se regisseursdebuut, is al deur 116 999 kykers ondersteun en het al na beraming sowat R7 434 677 by die plaaslike lokette verdien het.  Stroomop op DVD is nou beskikbaar, en kan ook gehuur word op DStv BoxOffice.

Hierdie inspirerende avontuurverhaal oor vyf vroue wat die stormagtige waters van die Oranjerivier en hulle eie lewens aandurf, is op die Oranjerivier en naby Onseepkans in die Noordkaap, asook rondom Johannesburg verfilm en word gekomplementeer deur ’n sterk rolverdeling: Donnalee Roberts, Simoné Nortmann, Chanelle de Jager, Ilse Klink, Carla Classen en Armand Aucamp.

Hierdie inspirerende avontuurverhaal oor vyf vroue wat die stormagtige waters van die Oranjerivier en hulle eie lewens aandurf, is op die Oranjerivier en naby Onseepkans in die Noordkaap, asook rondom Johannesburg verfilm en word gekomplementeer deur ’n sterk rolverdeling: Donnalee Roberts, Simoné Nortmann, Chanelle de Jager, Ilse Klink, Carla Classen en Armand Aucamp.

Stroomop DVD kompetisie is nou gesluit,

Let Asseblief:

1. Die kompetisie sluit op 7 December 2018
2. Die DVD kan nie omgeruil word vir kontant, of enige ander DVD nie
3. Die prys bestaan uit een DVD.
4. Deur vir hierdie kompetisie in te skryf, ondeneem die inskrywer om die reëls te verstaan.
5. Wenners sal per e-pos in kennis gestel word.
6. Slegs een inskrywing per e-pos addres sal by die trekking ingereken word.

The post Wen jou eie DVD van Stroomop appeared first on Stage and Screen.

Die lang wag is verby! Ivan Botha en Donnalee Roberts stel met trots die lokprent van hulle nuutste projek, Stroomop, bekend.

Hierdie opwindende avontuurverhaal gaan oor meer as net lewe en dood. Dit vertel die storie van vyf dames – Lana, Vivian, Adrie, Nixie en Diona – wat elkeen besig is om te ‘verdrink’ en in die rowwe waters van die lewe rondgemaal word. ’n Sameloop van omstandighede neem hulle saam op ’n avontuur op die Oranjerivier. Hier gebeur die ondenkbare en hulle boot word omgegooi, die riviergids raak verlore en die vroue bevind hulleself in ’n stryd om oorlewing in die wildernis.

Die reis verander hulle lewens ingrypend, soos wat hulle saam deur seer en vrees worstel. Temas waarop die film fokus, is selfontdekking, vergifnis, aanvaarding en genesing.

Anders as met hulle vorige twee lokettreffers, is beide akteurs nie dié keer saam op die silwerdoek te sien nie. Alhoewel hulle saam aan die prent gedroom, geskryf en vervaardig het, is dit Donnalee wat die vroulike hoofrol vertolk, terwyl Ivan sy debuut maak as rolprentregisseur.

Die fliek, wat op die Oranjerivier en naby Onseepkans in die Noordkaap, asook rondom Johannesburg verfilm is, word gekomplementeer deur ’n sterk rolverdeling.

Donnalee wie in die verlede verskeie toekennings vir haar toneelspel en filmwerk gewen het, waaronder Huisgenoot Tempo’s vir Beste Aktrise en Beste Speelfilm, speel die rol van die chirurg met ’n hartseer verlede, Lana.

Vivian, die tweede Stroomopvrou, het haar lewensvreugde as kind reeds verloor en vind haar lewe hiper-vervelig en dit vererger daagliks haar neiging tot depressie. ’n Baie diep seer na ’n groot liefdesteleurstelling veroorsaak dat sy haarself in iemand anders probeer verander in ’n poging om aanvaarding te vind, maar in die proses verloor sy haarself heeltemal. Dié rol word vertolk deur Simoné Nortmann.

Chanelle de Jager speel Adrie. Soos die meeste vroue daarbuite, skeep sy haarself heeltemal af in ’n poging om al haar boksies daagliks gemerk te kry, en iewers het sy haar innerlike krag en vreugde verruil vir besigwees. Adrie is in ’n voortdurende worsteling met haar gewig en sien nie haar eie mooi raak nie en, as gevolg daarvan, mis sy hoe mooi haar man haar vind.

Diona is in haar hart eerste ’n ma – sterk, uitdagend en bowenal beskermend. Hierdie eienskappe het haar gedryf tot ’n suksesvolle prokureur wat die leer van die besigheidswêreld hoog opgeklim het, ongelukkig was dit onwetend meestal ten koste van haar gesin. Na die dood van haar man moet sy probeer om die verhoudingsbrug tussen haar en haar dogter te herstel. Diona word vertolk deur Ilse Klink.

Nixie bevind haarself terug in Suid-Afrika in die middel van haar studtydperk in London, maar die keer met ’n geheim wat sy nie met haar ma kan deel nie. Na haar pa se dood trek sy elke dag ’n bietjie meer terug in haar dop in, ongemaklik met die verhouding wat nou skielik met haar vroeër afwesige ma gevorm moet word. Carla Classen, speel in Stroomop as Nixie.

Armand Aucamp speel die rol van die riviergids, Guy, ’n man van die aarde, sonder ’n ego en baie in voeling met sy emosies. Hy is baie toeganklik en verbreek nogal daardie vooropgestelde stereotipes wat bestaan oor hoe ’n man lyk en hoe hy regtig is.

Stroomop se draaiboek is geskryf deur Ivan Botha, Donnalee Roberts en Sean Robert Daniels van The Writers Block. Die produksie is vervaardig deur 17FILMS en The Film Factory SA, in samewerking met kykNET en die Departement van Handel en Nywerheid, en word plaaslik deur Filmfinity versprei.

Die rolprent begin op 9 Augustus 2018, landswyd, draai.

The post Stroomop appeared first on Stage and Screen.

deur Louw Mulder

Ons almal weet hoe krities ons Afrikaner mense kan wees, en as dit kom by hierdie spesifieke onderwerp, moet ek maar erken dat ek self skuldig was. Baie van ons het gedink dat die sukses van Pad na Jou Hart en Vir Altyd die norm gaan wees van ‘n Ivan Botha en Donnalee Roberts film, wat maar net nog ‘n Boy meets Girl rom-kom in Afrikaans gaan oplewer… Maar met stert tusAsen my bene, moet ek erken hoe Botha en Roberts diè keer ‘n aangename verassing op die silwerdoek gebring het, waar hulle teen die stroom van kommentaar, ‘n film van besonderse uniekheid vervaardig het.

Stroomop is die nuwe speelfilm uit die pen van Botha en Roberts, met samewerking van Sean Robert Daniels. Aanhangers van die Botha-Roberts duo, sal effens hartseer wees om te weet dat Ivan Botha nie self in Stroomop speel nie, maar dat Roberts se mede-speler in Balade vir ‘n Enkeling, Armand Aucamp, die manlike hoofrol vertolk.

Botha is egter nie uit die prentjie nie. Met Stroomop, druk Botha volgens my sy stempel behoorlik af as regisseur, met Stroomop as sy eerste film in die regisseurstoel. Ons almal het lief geraak vir Wimpie Koekemoer, die rol wat Botha ‘n huishouidelike naam gemaak het in die Bakgat filmreeks. Met die verloop van jare, het ons vir Botha in verskillende rolle gesien groei, en al hierdie ervaring dra nou vrugte, deur ‘n nuwe filmmaker vir Afrikaans bekend te stel. Ek dink persoonlik, dat as Suid Afrika ooit eendag ‘n Hospitaal drama sou vervaardig, Botha die regte man sal wees vir sò ‘n aksiebelaaide produk, na sy vermoeëns bewys is in die spanningvolle hospitaaltonele in Stroomop.

Ek het Stroomop baie geniet, met baie elemente wat bygedra het tot hierdie positiewe terugflits. Wat my opgeval het gedurende die Premiere van Stroomop, wat by Montecasino vertoon is, is dat die einde van hierdie film glad nie voorspel kan word nie. Die storie is so oorspronklik, en die verskillende temas binne-in die storie wat deel maak van die verhaal in geheel, word op so ‘n manier vertel dat elke kyker tot die einde moet sit om te weet hoe die Stroomop verhaal sy sirkel voltooi.

Nog een van die elemente wat Stroomop so spesiaal maak, is die ligging waar geskiet is, om met nog van Suid-Afrika se mooi en aswemrowende natuurskoon te spog. Stroomop is verfilm op die Oranje Rivier in die Noord Kaap waar die storie bymekaar kom met vyf dames wat elkeen hulle eie sielkundige uitdagings in die gesig moet staar. Ek is seker dat nes ek, elke fliekkyker met ‘n waaghalsige neiging, sal lus word vir riviervlottery op die Oranje rivier, omring deur die natuur wat mens net hier aan die suidpunt van Afrika kan kry, met sy eiesoortige, genesende uitwerking.

Ek was baie beïndruk met die rolverdeling van Stroomop. In die hoofrol is Dr Lana, vertolk deur Roberts met Aucamp as Guy, die haan onder die henne. Saam op die ekspidisie, is Diona en haar dogter Nixie, wat onderskeidelik deur Ilse Klink en Carla Classen gespeel word. Dit was ook lekker om veteraan gesigte van tyd tot tyd op die groot skerm te sien, soos Franci Swanepoel en Elize Cawood.

Daar was egter vir my twee noemenswaardige optredes wat aan my ‘n groot glimlag gegee het, as gevolg van hoe hulle karakters vertolk word. Chanel de Jager, speel die rol van Adrie. Haar rol het my die diepste geraak van al vyf dames se stories, en saam met Botha se boeiende Regie, het haar vertolking soveel emosies ontlok, veral met ‘n tema waarmee baie Suid-Afrikaners sal kan vereenselwig. Persoonlik kan ek nie glo dat van de Jager se tonele maklik kon gewees het nie, maar dit wys net die murg in haar pype deur die vermoeë om sulke tonele realisties te maak.

Die jongeling in die vyftal, en ook ‘n karakter wat deur Botha en Roberts spesiaal vir Simonè Nortman geskryf is, is Vivian. Die afgelope paar jaar is daar vele resensies van lof op Stage and Screen gepubliseer oor haar veelsydigheid, haar talente en die je ne se coix, waarmee sy elke karakter persoonlik oor skilder. Met Stroomop bou sy egter op hierdie roem.   Nortman se rol, is daardie karakter wat die ys in die ernstigheid breek. Haar karakter se verdwaaldheid en astrante eienskappe, kon nie beter deur iemand anders vertolk word nie, en met elke stap van haar karakter se groei, het dit vir my gevoel asof ek as kyker saam met haar ontwikkel.

Ek kan egter geen slegte kommentaar oor hierdie rolverdeling regverdig nie. Maar om eerlik te wees, moet krediet ook gaan aan Dawie de Jager, wat met die oorspronklike musiek, elke toneel en natuurskoon ‘n volronde dimensie gegee het.

Met kinkels in die verhaal, en verassings in die storielyn wat mens nie verwag nie, is daar genoeg drama in Stroomop om enige kyker tot die einde te vermaak. Ek is ook seker dat die lesse in hierdie fliek, ook vir elke kyker iets anders sal kan beteken. Dit is ‘n drama met aksie, ernstige humor, hartseer en talle gevoelens van verskeie emosies. Ek is van mening dat alles en almal, onder leiding van Botha, baie mooi by mekaar gekom het om weereens ‘n trots Afrikaanse film vir die nasie te bring.

Stroomop begin in Suid Afrika rol op Nationale Vroudeag, 9 Augustus 2017.

The post Resensie: Stroomop appeared first on Stage and Screen.

Deur Louw Mulder

Daar word deesdae baie goeie dinge gesê van hoe die Afrikaanse Filmbedryf blom, deur kwaliteit, lekker-kyk films op die grootskerm te bring. Selfs die verseidenheid van genres word genoem, en net so het die nuwe rolprent van Bouwer Bosch Films en die Film Factory, Thys & Trix glad nie teleurgestel nie.

Thys en sy suster Trix is in die Suid-Afrikaanse polisiediens, maar hulle uiteenlopende persoonlikhede is genoeg om wrywing en rusie tussen die twee te veroorsaak. Met ‘n sameloop van gebeure, word hulle gekies om saam met Kaptein Solomons, ‘n groep vriende in die Wes-Kaap te ondersoek, waar hulle karakters, name, en liefde vir mekaar, drastiese veranderinge moet ondergaan. Vir hierdie veskuilde missie, word hulle na die beeldskone landskappe van die Wes-Kaap gestuur.

In die gholflandgoed van Pinnacle Point, ontmoet hulle die verdagtes, ‘n hegte klompie vriende, met wie ons helde, nòù, Johan en Susan Verwey, moet vriende maak om ten einde in hulle missie te slaag. Deur veskeie uitdagings en struikelblokke op hulle pad, loop alles nou nie regtig volgens plan nie…

Wat Thys & Trix noemenswaardig maak, is die stêr-belaaide rolverdeling wat Brendon Daniels as Kaptein Solomons, Zak Hendrikz en Dorette Pogieter as Andrè en Chandrè, Ivan Zimmermann en Chanelle de Jager as Ben en June, asook Carine Rous as Heidi en Deon Coetzee as Stephan insluit. Saam met Leandie du Randt-Bosch as Trix, speel Bouwer Bosch die rol van Thys, en Charlie Bouguenon die karakter van Gerhard.  Ek het gedink dat al hierdie name saam ‘n goed ge-oliede masjien was, met elke akteur wie se karakter hom of haar soos ‘n handskoen pas, asook die vonk tussen mekaar.

Vir my was dit regtig die rolvertolking van Bosch en Bouguenon wat uitgestaan het. In Vuil Wasgoed, het ons reeds kennis gemaak met die verskeidenheid waarmee Bouwer Bosch sy karakters kan vertolk, en as Thys, of sowel Johan Verwey, maak Bosch sy karakter volkome sy eie, waar ondermeer die uitbeeld van Thys se domheid, krities was in die vertel van die storie.

In Kampterrein, het ons die eerste keer vir Bougeuenon gesien as ‘n gay karakter, en in Thys & Trix, vervolmaak hy hierdie tipe persona selfs nog verder. Vir ‘n akteur wat al soveel karakters op die silwerdoek moes vertolk, en ook as jy vir Charlie ken weg van die grootskerm af, kan mens getuig van die diversiteit in sy rolspel, waarop Suid-Afrika kan trots wees.

Daar is baie om te noem oor die produksie kwaliteit van hierdie rolprent. Bekroonde produksie ontwerper, Bathoni Robinson het haar staal gewys, van tonele in die middestad van Johannesburg, tot die asemrowende tonele op die Pinnacle Point Gholflandgoed in Mosselbaai. Die afspeel van die oorhoofse tema, dink ek, kon nie beter uitgebeeld word in ander liggings in Suid-Afrika nie.

Saam met die uiteenlopende aard van al die verskeie tonele in Thys & Trix, het die klankbaan volgens my baie slim en effektief die wese van elke toneel vervolmaak. Die talente van Loki Rothman wat die oorspronklike klankbaan gekomponeer het, het my dadelik baie duidelik opgeval in hierdie fliek se musiek. Maar met dit gesê, kan ek nie nalaat om erkenning te gee aan Charlotte Buys wat krediet moet kry vir haar werk as die Klank Ontwerper nie.

Met die suksesvolle fliekmaker, Quentin Krog, en gesoute filmvervaardiger Danie Bester aan die stuur, was ‘n silwerdoek projek van hierdie gehalte gewaarborg. In hulle span verder, was die redigeerder, C.A. van Aswegen, Brendan Barnes as Kinematograaf en die kostuums en akteurbekleding onder die naaimasjien van Fianca Fuls.

Met die hulp van The Writers’ Block, kom hierdie storie van Thys & Trix uit die pen van Bosch, Du Randt-Bosch, en Krog. Ek moet erken dat selfs nà die derde keer wat ek Thys & Trix gekyk het, ek elke keer nuwe kletsgrepe in hierdie draaiboek van flymskerp humor kon optel.  Maar moenie dink dat hierdie storie net weer ‘n voorspelbare verloop volg nie.  Die kinkels en kabels wat ontkoek, sal verseker sorg vir daardie ekstra giggels.

Die vervaardigers van hierdie rolprent, het al die Trix gebruik om elke teaterganger the laat Thys voel, met hierdie eg Suid-Afrikaanse, sit-terug-en-onstpsan aksiekomedie.

Thys & Trix begin Vrydag, 22 Junie in teaters Landswyd draai.

The post Resensie: Thys & Trix appeared first on Stage and Screen.

Hoeveel Van der Merwes is nodig om ’n troue te stop? Dalk net een. Dis te sê as hy dit hierdie een keer kan regkry. Maak gereed en hou styf vas aan al jou stereotipes, want die onderwerp van Suid-Afrika se gunsteling-grappies kry lewe in hierdie splinternuwe komedie oor die buiteperd. Ten volle toegerus met sy wanopvattings, vooroordele en kenmerkende onvermoë om suksesvol te wees, gaan Van der Merwe jou laat lag, huil, en ineenkrimp wanneer hy probeer om ’n moeilike situasie reg te stel, en ’n groot gek van homself maak, terwyl hy daarmee besig is. Sy liefdevolle vrou, beeldskone dogter, en statige aanstaande Britse skoonseun sal jou amper laat glo dat sy geluk besig is om te draai… of is dit?

https://youtu.be/Phoa25fAZRg

Vervaardigers Craig Jones, Bruce Macdonald, Murray Macdonald en Bruce Lawley bring ’n splinternuwe, tong-in-die-kies familiekomedie na die grootskerm, met Rob van Vuuren (Van) en Reine Swart (Marike) in die hoofrolle. VAN DER MERWE, wat afspeel op ’n plaas in Suid-Afrika, vertel die verhaal van Van se dogter, Marike, wat terugkeer na ’n oorbrugingsjaar in England. Maar sy is nie alleen nie. Haar verloofde, George, ’n Britse mediese student is aan haar sy. Dit skep die perfekte geleentheid vir talle probleme en uitdagings. Van moet nie net daarmee vrede maak dat sy enigste dogter met ’n Engelsman gaan trou nie, maar word ook deur sy moeilike, tradisionele pa beveel om dié verhouding te beëindig. Dit plaas hom in ’n baie stresvolle situasie en los hom met ’n moeilike besluit: staan hy op teen sy pa en aanvaar die troue… of gehoorsaam hy sy pa, wie se goedkeuring hy bittergraag wil hê, se bevel wat kan beteken dat hy sy dogter vir altyd kan verloor. Wanneer die aanstaande Britse skoonfamilie opdaag, word daar behoorlik kop gestamp. Dit ontaard in ’n kultuurstryd en lei tot verskeie kantkies-insidente en ander skreeusnaakse gebeure, wat lewe gee aan die klassieke Van der Merwe-grappies wat ons almal so goed ken.

Hierdie ligsinninge prent kry lewe met behulp van ’n verskeidenheid interessante karakters, wat spesiaal geskep is om Van se tekortkominge te beklemtoon. Bekende aktrise, Chanelle de Jager, vertolk die rol van Van se vrou, Suzette, wat vasberade is om die situasie te red. Ian Roberts speel die dominerende Oupa Van, wat beslis die gehoor se aandag sal trek. Ander akteurs wat in die fliek te sien is, sluit in Adrienne Pearce, André Jacobs, Rika Sennett, Erica Wessels, Louw Venter, Benedikt Sebastian, Matthew Baldwin, Neels van Jaarsveld en Melt Sieberhagen om maar net ’n paar te noem. Kurt Darren maak ook ’n gasvertoning as ’n sanger by die troue en Barry Hilton speel die rol van Freddie, die kroegman en Van se beste vriend.

“VAN DER MERWE is ’n goedvoel-fliek. Ons wil hê dat mense die bioskoop moet verlaat met ’n glimlag en die positiewe boodskap dat alles oukei sal wees, ongeag van jou omstandighede of tekortkominge. Maar dan moet jy vir jouself kan lag. Jy kan die lewe nie te ernstig opneem nie. Bly getrou aan wie jy is, moenie moed opgee nie en hou altyd aan met glimlag,” meen Lawley.

VAN DER MERWE beloof om kykers te laat skaterlag met skreeusnaakse familie- en kultuurkonflik, ongemaklike situasies, en katastrofes wat die Van der Merwe-titel meer as gestand sal doen. Dié rolprent word versprei deur Ster-Kinekor Entertainment en sal landswyd vrygestel word op 28 Julie 2017.

The post Van Der Merwe appeared first on Stage and Screen.