Die skaterlag aksiekomedie met Leandie du Randt en Bosch en Bouwer Bosch in die hoofrolle, is nou beskikbaar op DVD, DSTV BOX OFFICE, VIMEO en ITUNES, en met dank aan The Film Factory, gee ons twee geskenkpakkies weg, wat die DVD insluit…

Nie net kan plaaslike aanhangers nou die film tuis geniet nie, maar Thys & Trix is ook nou wêreldwyd beskikbaar op iTunes in ongeveer 30 lande. Plaaslike aanhangers kan dit ook via DSTV Box Office kyk of dit huur op Vimeo. Die DVD is beskikbaar by alle plaaslike DVD handelaars, insluitende Musica en CNA.

Thys & Trix Kompetisie is nou gesluit.

[contact-form-7 id=”9516″ title=”Thys Trix DVD”]

Let Asseblief:

1. Die kompetisie sluit op 15 December 2018
2. Die inhoud van die prys kan nie omgeruil word vir kontant, of enige ander DVD nie
3. Die prys bestaan uit een geskenkpakkie.
4. Deur vir hierdie kompetisie in te skryf, ondeneem die inskrywer om die reëls te verstaan.
5. Wenners sal per e-pos in kennis gestel word, en deur die borge gekontak word.
6. Slegs een inskrywing per e-pos addres sal by die trekking ingereken word.

The post Wen 'n Thys & Trix DVD Geskenkpakkie appeared first on Stage and Screen.

Deur Louw Mulder

Daar word deesdae baie goeie dinge gesê van hoe die Afrikaanse Filmbedryf blom, deur kwaliteit, lekker-kyk films op die grootskerm te bring. Selfs die verseidenheid van genres word genoem, en net so het die nuwe rolprent van Bouwer Bosch Films en die Film Factory, Thys & Trix glad nie teleurgestel nie.

Thys en sy suster Trix is in die Suid-Afrikaanse polisiediens, maar hulle uiteenlopende persoonlikhede is genoeg om wrywing en rusie tussen die twee te veroorsaak. Met ‘n sameloop van gebeure, word hulle gekies om saam met Kaptein Solomons, ‘n groep vriende in die Wes-Kaap te ondersoek, waar hulle karakters, name, en liefde vir mekaar, drastiese veranderinge moet ondergaan. Vir hierdie veskuilde missie, word hulle na die beeldskone landskappe van die Wes-Kaap gestuur.

In die gholflandgoed van Pinnacle Point, ontmoet hulle die verdagtes, ‘n hegte klompie vriende, met wie ons helde, nòù, Johan en Susan Verwey, moet vriende maak om ten einde in hulle missie te slaag. Deur veskeie uitdagings en struikelblokke op hulle pad, loop alles nou nie regtig volgens plan nie…

Wat Thys & Trix noemenswaardig maak, is die stêr-belaaide rolverdeling wat Brendon Daniels as Kaptein Solomons, Zak Hendrikz en Dorette Pogieter as Andrè en Chandrè, Ivan Zimmermann en Chanelle de Jager as Ben en June, asook Carine Rous as Heidi en Deon Coetzee as Stephan insluit. Saam met Leandie du Randt-Bosch as Trix, speel Bouwer Bosch die rol van Thys, en Charlie Bouguenon die karakter van Gerhard.  Ek het gedink dat al hierdie name saam ‘n goed ge-oliede masjien was, met elke akteur wie se karakter hom of haar soos ‘n handskoen pas, asook die vonk tussen mekaar.

Vir my was dit regtig die rolvertolking van Bosch en Bouguenon wat uitgestaan het. In Vuil Wasgoed, het ons reeds kennis gemaak met die verskeidenheid waarmee Bouwer Bosch sy karakters kan vertolk, en as Thys, of sowel Johan Verwey, maak Bosch sy karakter volkome sy eie, waar ondermeer die uitbeeld van Thys se domheid, krities was in die vertel van die storie.

In Kampterrein, het ons die eerste keer vir Bougeuenon gesien as ‘n gay karakter, en in Thys & Trix, vervolmaak hy hierdie tipe persona selfs nog verder. Vir ‘n akteur wat al soveel karakters op die silwerdoek moes vertolk, en ook as jy vir Charlie ken weg van die grootskerm af, kan mens getuig van die diversiteit in sy rolspel, waarop Suid-Afrika kan trots wees.

Daar is baie om te noem oor die produksie kwaliteit van hierdie rolprent. Bekroonde produksie ontwerper, Bathoni Robinson het haar staal gewys, van tonele in die middestad van Johannesburg, tot die asemrowende tonele op die Pinnacle Point Gholflandgoed in Mosselbaai. Die afspeel van die oorhoofse tema, dink ek, kon nie beter uitgebeeld word in ander liggings in Suid-Afrika nie.

Saam met die uiteenlopende aard van al die verskeie tonele in Thys & Trix, het die klankbaan volgens my baie slim en effektief die wese van elke toneel vervolmaak. Die talente van Loki Rothman wat die oorspronklike klankbaan gekomponeer het, het my dadelik baie duidelik opgeval in hierdie fliek se musiek. Maar met dit gesê, kan ek nie nalaat om erkenning te gee aan Charlotte Buys wat krediet moet kry vir haar werk as die Klank Ontwerper nie.

Met die suksesvolle fliekmaker, Quentin Krog, en gesoute filmvervaardiger Danie Bester aan die stuur, was ‘n silwerdoek projek van hierdie gehalte gewaarborg. In hulle span verder, was die redigeerder, C.A. van Aswegen, Brendan Barnes as Kinematograaf en die kostuums en akteurbekleding onder die naaimasjien van Fianca Fuls.

Met die hulp van The Writers’ Block, kom hierdie storie van Thys & Trix uit die pen van Bosch, Du Randt-Bosch, en Krog. Ek moet erken dat selfs nà die derde keer wat ek Thys & Trix gekyk het, ek elke keer nuwe kletsgrepe in hierdie draaiboek van flymskerp humor kon optel.  Maar moenie dink dat hierdie storie net weer ‘n voorspelbare verloop volg nie.  Die kinkels en kabels wat ontkoek, sal verseker sorg vir daardie ekstra giggels.

Die vervaardigers van hierdie rolprent, het al die Trix gebruik om elke teaterganger the laat Thys voel, met hierdie eg Suid-Afrikaanse, sit-terug-en-onstpsan aksiekomedie.

Thys & Trix begin Vrydag, 22 Junie in teaters Landswyd draai.

The post Resensie: Thys & Trix appeared first on Stage and Screen.

Ná die vorige rolprent van regisseur Koos Roets, ‘n Pawpaw vir my Darling, was my verwagting vir Roets se film hierdie jaar ‘n bietjie onseker, maar my gemoed toe ek by die teater uitloop ná die vertoning van Hoener met die Rooi Skoene was rustig, heel gelukkig en die fliek het my baie vermaak. Soveel só dat nuwe persepsies gevorm is oor baie vooropgestelde aspekte van die Afrikaanse komiese filmbedryf.

Moenie geflous word deur te dink dat die lokprent al die interessante tonele weggee nie – die film het baie meer om die lyf as wat mens aanvanklik dink. Die lokprent doen die film glad nie gestand nie. Eerstens, vertoon die lokprent die uitmuntende spel van Lizz Meiring glad nie genoeg om die kyker bekend te stel aan die rol wat sy vertolk nie. Meiring vertolk die rol van Bonnie van der Byl, ‘n babbelende ontvangsdame by De Waal teater-agentskap, wat die hele storie ‘n unieke persoonlikheid gee.

Vir my was die rol van Meiring haar beste nog, maar dit kan wees omdat ek nie mal is oor verspotte rolle nie. Meiring speel ‘n rol wat honderd present doeltreffend die karakter uitbeeld. Hierdie is ‘n eienskap wat nodig is om die storie te laat werk. Bonnie is ‘n onskuldige, effens naïewe vroutjie wat doelbewus op die regte spoor is om ‘n moord op te los, maar onbewus is van wat die regte plan van aksie is om so te maak. ‘n Mens raak so lief vir Bonnie, en dit is waar die veelsydige talent van Meiring ‘n kolskoot tref.

Ja, ek het gepraat van die oplos van ‘n moord. Hoener met die Rooi Skoene handel oor die moord (of is daar moorde?) wat gepleeg word in ‘n klein dorpie. Dit is ‘n komedie, dit is ‘n drama, en dit is ‘n spannings riller in Afrikaans. Dit het my baie laat dink aan die verhoogstuk deur Agatha Christie, The Mousetrap, waar die draaiboek so geskryf is dat elke liewe karakter op een of ander stadium verdink word van die moord, om ten einde verras te word as die identiteit van die ware moordenaar geopenbaar word.

Die vloei van die storie in hierdie film is maklik en dit verg geen inspanning by die kyker om die verloop van gebeure te volg nie. Die regie en spel is op so ‘n manier vervaardig, dat die film self ‘n Afrikaanse klassieke gevoel aan die kyker oordra. Om die kyker in die regte stemming van elke toneel te sit, het Roets gebruik gemaak van doeltreffende spanningsmusiek, effektiewe lighartige musiek, en ander effekte wat dit vir die kyker baie maklik maak. Vir my was die finale produk van Hoener met die Rooi Skoene ‘n groot sukses.

Wat my vroeg in die film bygeval het, was hoe effektief Roets die karakters, toneel en toon van die film aan die kyker bekend gestel het; ‘n kekkelende, skinderbek Bonnie wat met ‘n humoristiese ondertoon met haar vriendin Katy oor die telefoon praat. Met ‘n titel soos Hoener met die Rooi Skoene, verwag ‘n mens ‘n komedie, mens mag tot aanneem dit ‘n slapstick produksieis, net om dan aangenaam verras te word met hierdie toneel.

Die rolverdeling, met eerste indrukke van die spelers, is effens verwarrend, want hoe kan jy iemand soos Louw Venter in ‘n ernstige speurder rol sit, asook iemand soos Andre Weideman as ‘n verstrooide konstabel? Maar hierdie aanvanklike verwarring, dra by tot maar net een van die groot verrassende elemente, waarvoor daar baie te sorg voor is in hierdie rolprent. Weideman speel die rol van konstabel Mickey Mentz en vertolk die rol uitmuntend.

Dis maklik om te sê iemand is ‘n goeie akteur, maar vir my is iemand ‘n goeie akteur as hy of sy die karakter kan uitbeeld, soos dit in die kop van die skrywer op daardie tydstip bedoel is. Weideman doen dit perfek. Dieselfde kan gesê word van elke speler in die spel. In die geval waar die persoonlikheid van die karakter ‘n kardinale rol speel in die effektiwiteit van die storie, is Weideman, Venter en Meiring se spel in die kol.

Neem hierdie einskappe verder en jy kry die baie belangrike vonk wat nodig is tussen die hoofspelers. Wie sou kon dink dat die interaksie tussen Meiring en Venter so doeltreffend kon wees?  Kaptein Hendrik Greyling (Venter) word erken deur Bonnie van der Byl (Meiring).

Die twee was saam op skool in hul jong dae. Hierdie destydse vriendskap tussen Bonnie en Kaptein Greyling was die tema van die interaksie tussen diè twee karakters, wat dit vir Bonnie so natuurlik gemaak het om in te meng en self die speurwerk te probeer doen. Wat ookal die toon van die dialoog tussen die twee karakters, die vonk tussen Meiring en Venter het dit laat werk.

Die res van die spelers, soos ervare akteur op die piek van sy loopbaan, Deon Lotz, benoemde veteraan aktrise Lida Botha, asook die aandtreklike Dorette Potgieter, laat nie op hulle neerkyk nie. Ondersteunde rolle deur Laré Brink, Geon Nel en Flip Theron, sorg vir die speel van karakters waarmee die kyker gemaklik voel. Spesiale verskynings deur Anton Goosen en Solly Philander, dra ook by tot die realistiese industrie, waarin De Waal Teateragentskap homself bevind.

Hierdie flim is eerlikwaar die ideale geleentheid om jou eie rooi skoene aan te trek, iemand spesiaal saam te sleep fliek toe om van die nuwejaarsblues ontslae te raak. Hoener met die Rooi Skoene is pure vermaak en genoeg om weer trots te voel op waartoe ons Afrikaners in staat is.
Wees net bedagsaam, en moet tog nie die einde van die film weg gee nie. (Spoiler alerts is nie cool nie.)

Hoener met die Rooi Skoene was ons eerste voorskou vir 2017, asook die eerste Afrikaanse film wat hierdie jaar op die silwerdoek gaan wys. Dit stel die standaard hoog vir die res van die plaaslike produksies wat hierdie jaar op ons wag. Hoener met die Rooi Skoene begin Vrydag, 27ste Januarie landswyd draai.

Hierdie resensie is geredigeer deur Teresa Coetzee.  Fotos: Louw Mulder.  Vir Meer fotos van Hoener met die Rooi skoene se Premiere, kliek hier.

The post Hoener met die Rooi Skoene appeared first on Stage and Screen.

Dis nie ‘n kinderstorie of ‘n feëverhaal nie.  Ook nie ‘n drama nie.  Nee, die nuwe fliek, Hoener Met Die Rooi Skoene, is ‘n riller-komedie deur die bekende filmmaker, Koos Roets.  En hy gaan kykers laat regopsit, ril en skater van die lag.

Lizz Meiring wat die rol van Bonnie van der Byl, vertolk sê: “Die karakters is uniek en Hoener Met Die Rooi Skoene, is oorspronklik en magies.  Net so fassinerend en eksentriek soos die onontdekte, juweel dorpie waar ons verfilm het- Klaarstroom, weggesteek in die hart van die Klein Karoo.”

Bonnie is ‘n ontvangsdame van die internasionaal bekende De Waal Teateragentskap. Terwyl sy een aand weer lustig voorklets op die foon, vermoor iemand haar baas, die suksesvolle, maar minder gewilde sakeman en impresario Du Toit de Waal (Deon Lotz).

Sy tref hom aan met ‘n dolk in sy rug op die kantoortafel agter haar en skakel dan die polisie.  Maar by nadere aanskoue van die bloeiende baas, word sy oudergewoonte flou.  As sy met die flitslig van Konstabel Mickey Mentz (André Weideman) in haar oë bykom, is die lyk skielik skoonveld …

Hiermee is die tafel gedek vir ‘n spannende skreeusnaakse riller-komedie vol verrassende kinkels waarin die ontvangsdame met haar bekkige papegaai Napoleon en die hoogs beneukte, geïrriteerde en grieperige speurder Kaptein Hendrik Greyling (Louw Venter), sentraal staan.

Tydens die ondervragingsessie na die moord, word al die interessante karakters op kantoor in ‘n klousterfobiese ruimte saamgegooi.  En dis dan wanneer allerhande interessante  geheimpies ontbloot  word…

Soos dat Cecilia de Waal (Dorette Potgieter) die aantreklike veel jonger vrou van die baas, meer as een skelmpie het en die ouer privaat-sekretaresse, Miss Enith Conradie (Lida Botha) is al jarelank verlief op die baas. Daar is ook die ligsinnige Roxie Roos (Laré Birk), die baas se minder gewillige pretpoppie.  Die sjarmante Percy Celliers (Geon Nel) doen nie sy werk nie en die ouer klerk Harold Berrington-Smith (Flip Theron) is ‘n ‘tail gunner’.

En midde in dié storm van verdagmakery en beledigings verskyn die baas se ‘lyk’ dan weer skielik perdfris en gesond op die toneel .

“Dis nie ‘n fliek wat vir mense lewenslesse moet leer nie. Ek het hierdie fliek gemaak met een doel voor oë – om mense te vermaak. Daar is genoeg nonsens in ons land waaroor almal hulle kwel. Mense moet ook net ‘n bietjie kan terugsit, ontspan en lekker lag. Dis nou wanneer jy nie te veel skrik vir die moordenaar nie,” skerts Koos.

Maar hy waarsku: “Dis nie ‘n tipiese slapstick komedie nie. Niemand gooi iemand anders met ‘n pastei nie. Die humor en snaakse insidente is toevallig. En die karakters eg – mense wat werklik kan bestaan.”

Sy laaste fliek was die gewilde, ‘’n Pawpaw Vir My Darling”.

Hoener Met Die Rooi Skoene  sluit ook die verskyning van gasspelers soos Anton Goosen, Leon Ecroignard, Soli Philander en Goitsemang Lehbyeword in en word op  27 Januarie 2017 landswyd vrygestel en versprei deur Ster Kinekor Entertainment.

The post Hoener Met Die Rooi Skoene appeared first on Stage and Screen.