Jason Greer

Jason is the host of The Bachelor SA, MC, voice artist & media trainer.

Elme Churr

Elme is a South African singer and songwriter from Pretoria.

Armand Joubert

Armand is a South African singer and songwriter from Centurion.

Pieter Marcato

Pieter is a musician from South Africa

#LockdownLife

The post We Chat to Celebrities About Their Lockdown Life appeared first on Stage and Screen.

Desember is ’n maand van vrygewigheid, samesyn en bederf. Families kom saam en almal ontspan na die rowwe jaar wat verby is. Vir kinderhuiskinders, wat na ’n liefdevolle normale gesin van hulle eie verlang, bly die lewe egter altyd ’n uitdaging…

Jy en jou geliefdes kan hierdie feesseisoen help om vir die 210 inwoners van Jakaranda Kinderhuis in Pretoria ’n beter 2019 te verseker én nog boonop pret hê ook, veral as Jan Tuisbly se karretjie julle voorland is en jy ’n aksieplan nodig het om jou kroos te vermaak.

Vanaf 1 tot 31 Desember 2018 kan Gautengse gesinne, vir die negende agtereenvolgende jaar, ’n toweragtige skouspel van die mooiste Kersfeesliggies en Suid-Afrikaanse musiek kom ervaar, ten bate van dié geliefde Kinderhuis wat baie afhanklik is van borgskappe en fondsinsamelingsprojekte, soos die Jakaranda Kinderhuis Liggiefees, vir sy voortbestaan.

Feesgangers by die Jakaranda Kinderhuis Liggiefees kan daarna uitsien om op uitgesoekte aande vermaak te word deur musikante soos Dewald Wasserfall, EON, Saarkie, Joshua na die Reën, Tussen Sterre, Heuning, 2nd Life, Ampie, Martin Bester en vele meer.

Buiten vir die musiek, sal daar ook elke aand die geleentheid wees om miljoene Kersfeesliggies te bewonder en ook om verskeie kos- en kersmarkstalletjies te ondersteun. Kinders kan ook gereed maak vir opwindende treinritte, en ’n draai of twee op die mallemeule of perdjies.

Die Jakaranda Kinderhuis Liggiefees, wat met trots ondersteun word deur Pretoria FM, Coastal Hire, dW Audio & Backline, Ehlers Prokureurs, Status Hiring, ESD Waste Management, Unlimited Events Group en LaserX, kan daagliks vanaf 18h00 tot 22h00 besoek word en op konsertdae sal hekke reeds om 17:00 open. Kaartjies sal by die hek beskikbaar wees teen R30 per persoon.

Oudergewoonte, sal die fees plaasvind op die Kinderhuisgronde; Talitha Kumistraat 1, East Lynne, Pretoria; en kan die publiek vertonings deur die volgende kunstenaars op die datums hieronder bywoon:

Kies die dag wat jy wil gaan, Of kom sommer vir almal:

1 Desember:

Eunice Kemp, 2nd Life, Layla Skye, Heuning, Joe Foster, Xander Joubert

2 Desember:

Monique Steyn, Anton Botha, Sharoney, Saarkie, Gevoel van Veiligheid, Michelle Marx

7 Desember:

Con Grazia, Alida, Jennifer Zamudio, Martin Bester, Irene-Louise van Wyk, Devon Jay Scott

8 Desember:

Erin Beck, Zanzi Africa, Geraldine Scholtz, Layla Skye, Zita, Hanco

9 Desember:

Joshua na die Reën, EON, 2nd Life, Ampie, Kirsten Schlebush, Kosie Beukes

12 Desember:

Jakkie Louw, Marulaboom, Heidi, CH2, Bianca Goosen, Hanna Boss

14 Desember:

Eunice Kemp, Henry van Dyk, Elme Churr, Riaan Grobler, Ricky Faber, Die Ventertjies plus ’n Laser X-vertoning!

15 Desember:

Lieflinge, Harlind, Sharoney, Klikkerland, Irene-Louise van Wyk, RNK plus ’n Laser X-vertoning!

21 Desember:

Mariska, Talana, Stephan Visagie, Dewald Wasserfall, Eunice Kemp, Rudi Claase

24 Desember:

Karlien Husselman, Venetia Rose, Biance Goosen, Tussen Sterre, Eunice Kemp

Voel jy om betrokke te Raak?

Indien jy of jou besigheid ’n amptelike borg wil word of ’n skenking wil maak vir die Jakaranda Kinderhuis Liggiefees, kontak gerus vir Gary van Veenhuyzen direk by marketing@jacarandachildren.co.za of 073 844 9994 vir meer inligting. Jou bydrae sal baie waardeer word.

The post Jakaranda Kinderhuis Liggiefees appeared first on Stage and Screen.

Die sangeres   Elme Churr se splinternuwe enkelsnit, Jy Maak Dit Moeilik, is pas uitgereik, en dit is ’n snit wat so na aan haar hart lê.

Dié liedjie, wat oor die liefde handel en oor daardie Sondagaand – gevoel, wanneer niks jou na iets laat verlang nie, is geskryf deur Vaughan Gardiner en sy vrou, Nerine Gardiner. Elme verduidelik dit gaan oor daardie een persoon wat dit moeilik maak om sonder te wees. Die storie is kinderlike opgewondenheid, geluk en verlange binne konteks van die liefde, in ’n verhouding.

Elme en Vaughan het vooraf vergader en gesels oor die rigting van haar volgende paar enkelsnitte, asook die album in geheel. Dit is toe duidelik dat folk/pop die rigting sal wees. Met groot opgewondenheid het Nerine en Vaughan die projek aangepak. Vaughan sê dat inspirasie organies ontkiem het uit Nerine se hart en dat hul geïnspireerd was deur die rigting waarop hul besluit het vir die album, sowel as Elme se unieke stem.

Volgens Elme het die liedjie haar gekies, in plaas daarvan dat sy die liedjie gekies het. Sy voeg by dat die lied haar na aand die hart lê omdat sy in haar nabye kringe hierdie liefde kan sien en voel, soos in haar eie huwelik en haar vriende s’n. Elme sê dat die publiek opgewonde en positief oor die liedjie gaan wees, omdat dit ’n vars uitkyk is op dit wat werklik saak maak, met ’n energieke interpretasie, in ’n vrolike stemming.

Die lied se lirieke resoneer diep binne in jou hart, maar is ook net lekker luister – musiek, ongeag die stemming, wat elke luisteraar sal aanspoor om net vir ’n oomblik te kan ontspan, luister en glimlag.

’n Musiekvideo vir die liedjie is ook reeds opgeneem deur Francois Slabbert, maar Elme wil nie te veel daaroor verklap nie. Sy sê wel dat haar man en beste vriendin in die video te sien is en dat dit binnekort uitgereik word.

Die musiekbedryf het haar geleer om konstant innoverend te wees, maar tog eg, in wie sy werklik is. Oor haar grootste uitdaging vertel sy van selftwyfel wat haar oorval het, veral toe sy haar eerste paar liedjies self moes skryf. Sy bieg dat sy werklik nie geweet het waar om te vat en waar om te los nie. Sy noem verder dat dit haar geleer het dat dissipline, uithouvermoë en ’n konstante ritme van probeer, die gelyke is van sukses. Elme is tans besig om aan haar nuwe album te werk en hoop om dit vroeg in 2019 vry te stel.

Haar planne vir die toekoms is om soveel as moontlik mense te bereik met haar musiek en dan sal sy ook graag in die Royal Albert Hall wil optree. “Die belangrikste vir my is om mense se lewens te verryk en ’n verskil te kan maak”, sluit sy af.

The post Elme Churr: Jy Maak Dit Moeilik appeared first on Stage and Screen.