Die Suid-Afrikaanse Staatsteater en Add-Life Productions bied met trots aan Aspoestertjie,  ’n Skreeusnaakse Afrikaanse pantomime op die Opera-verhoog van 5 tot 28 Julie 2019. Hierdie puik produksie met skerp teks, unieke en energieke danspassies en ’n uitstekende eindproduk waarop hulle kan trots wees, het een resensie gesê.  In 2015, is hierdie produksie genomineer vir nege Naledi-toekennings, onder andere vir Beste Musiekspel.

Pragtige Karlien Van Jaarsveld skitter in die titelrol, teenoor die talentvolle akteur Zak Hendrikz as die heldhaftige Prins. Bekend vir sy uiteenlopende rolle in film, teater en op TV, speel Fezile Mpela die rol van die Verteller.

Passievolle Marlee van der Merwe, slaan die spyker op die kop met haar uitstekende vertolking van die Nare Stiefma, terwyl die vlymskerp humor van die twee Lelike Stiefsusters, Tiaan Rautenbach en Mortimer Williams, oud en jonk gaan laat skaterlag!

Met gesoute Regisseur Neels Clasen aan die stuur, beloof Aspoestertjie  om weereens ’n hoogtepunt in Afrikaanse teater te wees.

Aspoestertjie word vervaardig deur Renier en Lise-Marie Keyser, wie sedert 2007 bekendheid verwerf het vir hul keurige oorspronklike Afrikaanse musiekspele. Hulle het nie verniet ’n reputasie as baanbrekers in die Suid-Afrikaanse teaterindustrie nie; vir meer as ’n dekade skep hulle karakter-gedrewe stories met uitnemende produksie kwaliteit.

Aspoestertjie

Staatsteater, Pretoria

5 tot 28 Julie 2019

Vrydae – 19:30

Saterdae en Sondae – 11:00 en 15:00

Kaartjies vanaf R160, Beskikbaar by Webtickets, of Pick n Pay Winkels.

The post Aspoestertjie appeared first on Stage and Screen.

Elkeen het bagasie, uitgetrapte skoene en ‘n padkaart na hoop…

In Ons Skoene is eksklusief, uniek en slegs vir ‘n beperkte aantal optredes beskikbaar – Bobby & Karlien van Jaarsveld sing hulle treffers, gunsteling liedjies en vertel meer van hulle lewens. Hierdie 90 minute produksie met ‘n 5-stuk orkes, sal jou op ‘n reis in hulle skoene neem…

Beide Bobby en Karlien het al diep spore getrap in die musiek industrie. Albei het al hoofrolle vertolk in musiekblyspele en ook in films. Karlien was die algehele wenner van Strictly Come Dancing en Bobby natuurlik ‘n coach in The Voice SA.  Die produksie beloof om aanhangers op ‘n reis te neem in die skoene van Bobby en Karlien van Jaarsveld en hulle op ‘n ander vlak te leer ken!

Na die groot sukses van hierdie produksie se premiere te Emperors Palace op 21 Maart, kan aanhangers in die Pretoria-area solank hulle kalenders invul – In Ons Skoene is op 3 Oktober te sien by Rockwood Theatre, Park View. Kaartjies beskikbaar by 012 368 1555.

Kaartjies is reeds beskikbaar en sitplekke verkoop vinnig. Pretoria kan verseker wees om ‘n spesiale aand vol verrassings te verwag, dié produksie sal jou ‘n ander kant van hierdie supersterre laat sien.

In Ons Skoene

Kaapstad

Artscape Opera House, 11 Augustus 2018

Kaartjies by Computicket

Polokwane

Bolivia Lodge –  27 September 2018

Kaartjies by: 083 726 1180

Pretoria

Rockwood Theatre, Park View, – 3 Oktober 2018

Kaartjies beskikbaar by Hierdie Skakel

The post In Ons Skoene appeared first on Stage and Screen.

Eers is daar suiker gegooi, toe spoel hy dit af en nou gaan Dirk van der Westhuizen die koue blus met sy nuwe vuurwarm enkelsnit getiteld Sexy Vi My.

Die enkelsnit, wat ook die titelsnit van Dirk se nuutste album is, is ’n Afrikaanse pop/dansliedjie wat enigiemand sexy gaan laat voel. Die liedjie is deur die talentvolle Johan Oberholzer geskryf.

Johan is bekend vir talle treffers uit sy pen. Die album word ook versprei deur die suksesvolle Coleske Artists.

Volgens Dirk het hy die liedjie as sy volgende enkelsnit gekies omdat dit belangrik is om mense spesiaal te laat voel, en hy kry dit hoeka reeds reg.

Die musiekvideo, wat deur Christiaan Wolf van Brickwolf Productions opgeneem is, speel af by Dirk se huis en het ’n tropiese gevoel.

Dirk van der Westhuizen is in Pretoria gebore en sing al vandat hy kan onthou. Dirk is reeds nege jaar in die musiekbedryf doenig en spog met drie suksesvolle albums, ’n rits treffers en meer as ’n twee miljoen YouTube-trefslae. Hy sonder elke vertoning, gesig wat ophelder en saam sing, elke pakkie of sakkie suiker wat hom tref en elke ontmoeting met mense wie se harte hy kon aanraak as hoogtepunte in sy loopbaan uit.

Hy put inspirasie uit ander plaaslike musikante en sê dat hy graag ‘n liedsaam met Karlien van Jaarsveld sal wil opneem. Hy hou daarvan om liedjies te skryf wat met die hart praat. Volgens Dirk moet hy homself op die verhoog daarmee kan sien voor dat hy dit goedkeur.

En nes sy vorige musiek gaan Sexy Vi My iets wees waar by mense aanklank kan vind.

Sy dagboek is reeds volbespreek en hy wil graag mense regoor Suid-Afrika aan sy nuwe album voorstel. Dirk is druk besig om te oefen vir die Afrisaam Fees op 8 en 9 Junie in Springs, waar sy nuwe album eksklusief vrygestel gaan word.

Dié album sal ook op digitale platforms asook in die musiekwinkels beskikbaar wees.

The post Dirk van der Westhuizen: Sexy Vi My appeared first on Stage and Screen.

Daar bestaan geen twyfel dat Henrico Coetzer (23) die één is wat sy nuwe liedjie, Soos Reën, moet sing nie. Só het die bekroonde sanger, Joshua Na Die Reën, gedink toe hy die nuweling van Pretoria die eerste keer hoor sing het.

Henrico het nie gras onder sy voete laat groei nie en dadelik ingestem. ’n Paar weke later was hy in die opname-ateljee en kort daarna is dié treffer ampetlik vrygestel en baie goed ontvang. Vandag pronk dit op die Top 20-treffersparades van byna elkeen van die nege-en-twintig radiostasies wat dit gereeld speel en bekleë dit die nommer twee posisie op East Rand Stereo se trefferlys.

“Dis ’n voorreg as iemand met ’n mooi stem ’n liedjie wil sing wat ek geskryf het. Henrico is iemand wat baie kan toevoeg tot die Afrikaanse musiekbedryf,” sê Joshua Na Die Reën.

Vir Henrico was dit ’n groot eer om die liedjie te sing. Hy het sangopleiding gekry by die sanger, Chris Coetzer (Drie Tenore) en sedert hy 18-jaar oud is open hy gereeld vertonings vir gewilde sangers soos Bobby van Jaarsveld, sy sussie Karlien, Theuns Jordaan en Corlea Botha om maar net ’n paar te noem. En dis juis by een van Bobby se vertonings dat sy pad met Joshua Na Die Reën gekruis het. By dié spesifieke vertoning het Joshua Na Die Reën vir Bobby op die klavier begelei en dadelik vir Henrico raakgesien.

“Ek was oppad huis toe, en toe ek weer sien klop hy aan my kar se venster. Ek het oopgemaak en toe vertel hy my dat hy ’n nuwe liedjie geskryf het, Soos Reën, en hy dink dit sal perfek werk met my stem,” sê Henrico.

Henrico kon sy ore nie glo nie en kort voor lank was hy besig om “…want jy is vir my soos reën op die vlakte van my siel wat liefde nooit geken het nie… toe vang jy my toe ek wil val…” te sing in studio. Hier is ’n lusmaker van die liedjie:

“Ek is mal oor die lirieke van Soos Reën. Dis heeltmal iets anders. Dis nie net ’n liedjie nie, dis ’n gedig en vertel ’n storie. Dit kan vir elkeen wat dit hoor iets anders beteken. Ek wil musiek maak wat mense se harte aanraak,” sê Henrico wat van kleins af hou van dig.

Die treffer is deel van sy tweede CD, Dis wie ek is… wat verlede jaar opgeneem is. Buiten Joshua Na Die Reën, is daar ook lirieke deur Bobby van Jaarsveld, Johan Oberholzer, Hilandi du Toit en natuurlik Henrico self. “Die album sê wie ek is, en elke liedjie kom van diep uit my hart. Sonder enige pretensie,” sê Henrico, wat nie net sag op die oor is nie, maar ook op die oog.

’n Musiekvideo is ook onlangs geskiet vir die enkelsnit en word binnekort vrygestel. Henrico verklap dat dit in die aand geskiet is en dat dit nogal koud was. Hy is egter baie opgewonde oor die eindresultaat en sien uit daarna om dit met die publiek te deel. “Die tema van die musiekvideo is eintlik baie eenvoudig. Dit is ek wat in ’n ou, verlate sitkamer sit en klavier speel. Maar skielik begin dit reën in die kamer. Dit was vir my so lekker om soveel mense om my te hê wat my ondersteun en help met my droom. Ek droom al vandat ek vyf is daaroor om ’n musiekvideo op te neem,” vertel hy.

Die sanger het die afgelope paar maande geleer dat die musiekbedryf nie maklik is om in te werk nie en dat sukses nie oornag gebeur nie, maar het reeds ’n paar hoogtepunte beleef, waaronder ’n optrede saam met Corlea Botha by Emperor’s Palace en verskeie vertonings by die Innibos-fees, om ’n paar te noem.

As jy hom vra wie hom inspireer, antwoord hy dadelik dat Josh Groban al van kleins af sy rolmodel is. “Hy is vir my ongelooflik en baie talentvol. Ghapi is my Suid-Afrikaanse inspirasie. Hy is ’n ongelooflike persoon wat soveel respek het vir opkomende kunstenaars. Hy is ’n mense mens en ek het die wêreld se respek vir hom,” verklap die sanger. Hy sou ook nog graag eendag saam met Monique ’n liedjie wil opneem en hoop om binnekort ’n draai te maak by Skouspel of Afrikaans is Groot.

The post Henrico Coetzer: Dis Wie Ek Is appeared first on Stage and Screen.

 Op Maandag 25 April 2016 sal die ganse Afrikaanse Musiekbedryf by die Joburg Theatre byeenkom om te hoor wie vanjaar as wenners uit die stryd tree om die gesogte Ghoema Afrikaanse Musiekpryse. Die Ghoemas is reeds gevestig as die enigste onafhanklike toekennings vir Afrikaanse musiek en word trots ondersteun deur kykNET.

Vanjaar se toekenningsaand gaan behoorlik swierig en opwindend wees met optredes deur van ons land se top kunstenaars insluitend Elvis Blue, Steve Hofmeyr, Karlien van Jaarsveld, Blackbyrd, Hemelbesem, Brendan Peyper en selfs Andriëtte.

Kategorie-aanbieders vanjaar sluit bekende Afrikaanse gesigte in soos Robbie Kruse (Bravo!), Johrné van Huysteen (GROOTOntbyt), Theordore Jantjes (7de Laan) en akteur Jody Abrahams in

kykNET se investering in die musiekbedryf is jaarliks merkwaardig en die kanaal tree vir die vyfde agtereenvolgende jaar op as hoofborg van die Ghoemas met Groot FM as die trotse Radio-uitsaaivennoot. Ghoema 2016 verwelkom ook weereens Arthur Kaplan Jewelers as sêkondere borg van vanjaar se toekennings en ons beslis opgewonde om ‘n pad saam hierdie gevestigde handelsmerk te stap.

Hier is die volledige benoemingslys, en die publiek kan gaan stem by www.ghoema.co.za

Manlike Kunstenaar van die Jaar

Elvis Blue

Retief Burger

Ray Dylan

Len Muller

Brendan Peyper

Francois van Coke

Andries Vermeulen

Vroulike Kunstenaars van die Jaar

Andriette

Juanita du Plessis

Carike Keuzenkamp

Leah

Karlien van Jaarsveld

Groep van die Jaar

Afrikaans Herlaai

Anders

Die Kelberg

Saarkie

Spoegwolf

Beste Liedjie van die Jaar

Kurt Darren, Don Kelly, Marc Brendon – Ek wens vir Jou

Elvis Blue – Die Hemel

Pierre Greeff, Riana Nel – Doen net wat ons wil

Johan Vorster, Ewald Coleske – Met jou Klere aan

Francois van Coke, Karen Zoid – Toe vind ek jou

Nuweling van die Jaar

Afrikaans Herlaai

Leah

Len Muller

Nagligte

Brendan Peyper

Stiaan Reynierse

Beste Pop-Album deur ‘n Manlike Kunstenaar

Dewald Dippenaar – Een uit ‘n Miljoen

Ray Dillan – Reg hier in die Middel

Joe Foster – Hartklank

Vaughan Gardiner – Sit vanaand of Herhaal

Brendan Peyper – Stop, Wag, Bly nog ‘n Bietjie

Beste Pop-Album deur ‘n Vroulike Kunstenaar

Juanita du Plessis – Toe staan die Wêreld stil

Liila – LosDans

Samy – Storieboek Prins

Karlien van Jaarsveld – My Hartjie

Beste Kontemporêre Album deur ‘n Manlike Kunstenaar

Elvis Blue – Erens in die middle van nêrens

Jak de Priester – Ek reis na Gister

Louis Loock – Skatkis / Tesoro

Bok van Blerk – Sing Afrikaner Sing

Andre Venter – Die man vir jou

Beste Kontemporêre Album deur ‘n Vroulike Kunstenaar

Andriëtte – Pêrel vir ‘n Kroon

Carike Keuzenkamp- 5 Dekades van

Leah – Wonderwerk

Sorina – Hoofletters

Jennifer Zamudio – 15 Jaar Spesiale Uitgawe

Beste Album deur ‘n Duo of Groep

Afrikaans herlaai – Hier kom ‘n Ding

Anders – #ek onthou

Heuning – Drome

Krone – Krone 3

Saarkie – Reisiger

Beste Kinder Album of DVD

Bennie Boekwurm – Vertel Lekker Stories

Carike Keuzenkamp – Carike, Ghoempie en Ghoego se vakansie, volume 11

Clarice en die Reënboogkidz – Clarice en die Reënboogkidz

Jan de Wet – Jan e Wet en die Loflaaities: Loof Jesus

Liane Heyl – Kersfees vir die Kids

Beste Alternatiewe Album

Laurinda Hofmeyr – Wat ek wou sê

Nagtligte – Hoop in die Donker

Spoegwolf – Somer

Beste Rock Album

Anton Botha Band – Plek hier in die Son

Francois van Coke – Francois van Coke

Saarkie – Reisiger

Stiaan Reynierse – Sonde

Wit Kasteel – Wit Kasteel

Beste Humor Album

Andries Vermeulen – Kô lag ‘n Bietjie

Armand Steenkamp – Ek kan nie dans, maar ek kan vry

Thys die Bosveldklong – Looks is nie alles nie

Beste Instrumentale Album

Die Kelabers – Tydsaam

Hennie de Bruyn en die Kitaarkêrels – Weskus Snare

Klipwerf – Hantam Tydloos

Rocco de Villiers – Beautiful Beautiful Hymns

Beste Musiekvideo

Bobby van Jaarsveld – Beter Helfte (Ryan Kruger)

Elvis Blue – Die Hemel (Ryan Kruger)

Elvis Blue – Erens in die Middel van nêrens (Gerhard van Rooyen)

Karlien van Jaarsveld – Geskeurde Jeans (Gerhard van Rooyen)

Nadine – Tyd (Gerhard van Rooyen)

Snotkop – Hiekies in Hartenbos (Kyle Lewis)

Beste Liedjieskrywer

Andriëtte, Don Kelly, Adolf Vorster

Brendan Peyper, neil Schoombee

Elvis Blue

Jak de Priester

Juanita du Plessis

Beste Vervaardiger

Danny Smoke

Danny Smoke en Murray Lubbe

Dirk van Niekerk

Frd den Hartog

Juanita du Plessis

Murray Lubbe

Robin Kelly

Beste Live DVD

Die Campbells – Babsfontein Live

Karen Zoid, Francois van Coke – Toe vind ek jou

Laurika Rauch, Elvis Blue – Hart en See

Kaartjies om Ghoema 2016 op 25 April 2016 by die Joburg Theatre by te woon is beskikbaar by WebTickets vanaf 15 Maart 2016.

The post Ghoema: Die Benoemdes appeared first on Stage and Screen.

In tipiese Karlien-styl, volg sy die sukses en platinum verkope wat behaal is met haar vorige twee albums op met platinum status vir haar nuwe CD, “My Hartjie.”

Met twee liedjies wat ook reeds nommer 1 regoor die land behaal het, is “Woorde,”die derde treffer vanaf die album, sterk oppad om in die voetspore van “Geskeurde Jeans” en die titelsnit “My Hartjie” te volg.

Karlien is beskeie oor die prestasie wat baie vinniger bereik is as wat verwag is. As ‘n dankie aan al haar bewonderaars, het sy hulle hierdie week verras met die uitreiking van die musiekvideo van “Woorde” op haar Facebook-blad. En met die Feesseisoen om die draai, behoort verkope van die album selfs meer momentum te kry.

The post Karlien van Jaarsveld: Platinum vir My Hartjie appeared first on Stage and Screen.