Die musiekvideo is deur Wessel van Heerden vervaardig en baie kleurvol in volle kontras met die meer swart en wit tekstuur van die fadista wat sy deurgaans vir Die Heelal Draai-album gebruik het.

Haar kabaretvertoning, Musiek van die Lang Vrou: Die Heelal Draai, wat inhoud van dieselfde album bevat, is een van die produksies wat ook gely het onder hierdie jaar se kansellasie van die Klein Karoo Nasionale Kunstefees (KKNK) as gevolg van COVID-19. Hierdie vertoning van haar sou sy buiging kom maak het, twintig jaar na haar eerste solo-vertoning by die fees, wat destyds musiek ingesluit het van haar album, Lank Al.

Maar, Petronel het nie gaan stilsit nie. Sy doen gereeld aanlyn konserte en het ook pas haar nuwe webtuiste bekendgestel.

Luister of Koop ‘Die Heelal Draai’ hier: https://petronelbaard.com/albums/die-heelal-draai/

The post Petronel Baard Stel Musiekvideo vir ‘Die Heelal Draai’ Bekend appeared first on Stage and Screen.

Valeska Muller se moderne popmusiekverwerking, Verdwaal Saam Met Jou, is gedurende September 2018 aan radiostasies landswyd uitgereik en aanhangers kan nie genoeg van haar unieke stem en musiekstyl kry nie!  Sy trek aandag waarookal sy gaan en die liedjie bly in jou kop vassteek. Die musiekvideo vir hierdie opgewekte dansnommertjie wat sy saam met Tertius Jacobs en Sean Butler geskryf het, is pas bekendgestel en gaan jou asem wegslaan!

Die musiekvideo vir dié treffer is verfilm by Estate D’Afrique in Hartebeespoortdam. Valeska noem dat Verdwaal Saam Met Jou ’n pragtige lied is wat handel oor passievolle liefde wat sy wou vasvang in die video. Sy wil verdwaal saam met die man van haar drome en net wegraak vir ’n oomblik, sonder al die stres en geraas van mense wat ons pla. Tog iewers in hulle twee se impulsiewe avontuur van verlorenheid en rigtingloosheid, kom sy by haar bestemming uit. In sy liefdevolle arms en oë noem sy met opgewondendenheid dat sy haarself vind, wat duidelik in die video vertolk word. Valeska en Nic Billington, wat die regie van die video hanteer het, het saamgewerk aan die konsep, terwyl Hannelie Burger omgesien het na die skoonheidsaspekte. Dane Hildebrandt vertolk die manlike hoofrol in die video.

Muller het al talle hoofrolle gehad, in onder andere Richard Loring se Girl Talk 2005, Sonsak Jolyt en Dance Mania. Sy het ook in ‘n paar TV rolle verskyn, soos Binnelanders en One Way, asook TV advertensies vir Vodacom.   Sy was uitgenooi om te sing vir Koning Swandile, by Royal Swazi Sun selfs! Haar veelsydigheid is reeds telke male ten toongestel by feeste soos Aardklop, Innibos en KKNK. Verder is haar vernuf as liedjieskrywer ook bewys, deurdat sy saam met ‘n rits ander skrywers soos RJ Benjamin, Kyle Adcock, Christiaan Kritzinger, Crighton Goodwill , Drago Blaskovic, Bradley Africa en Liezel Marshall gewerk het. Een van haar eie liedjies is ook gebruik as die temalied van die program, ’n Ster Vir My Bed, op Via TV, kanaal 147 op DSTV.

Verdwaal Saam Met Jou  het ’n opgewekete en ritmiese deuntjie wat verweef is met interessante elemente en klanke, asook ’n indrukwekkende stem wat nie net van Valeska Muller ’n huishoudelike naam in dans- en kuierplekke gaan maak nie, maar ook die treffersparades van die land se grootste radiostasies gaan oorheers.

The post Valeska Muller: Verdwaal Saam Met Jou appeared first on Stage and Screen.

Having received almost twenty awards and nominations, the acclaimed production Die Reuk van Appels returns to The Fugard Studio Theatre for a limited run from 23 October 2018.

Following a sensational national tour and international debut, the runaway success Die Reuk van Appels celebrates its incredible 100^thperformance as part of its next Cape Town run. The multiple award-winning play will be presented from 23 October 2018 until 17 November 2018 at The Fugard Studio Theatre and is performed in Afrikaans with English subtitles.

Die Reuk van Appels is the acclaimed 1993 debut novel of South African author Mark Behr. Presented by Theatrerocket Productions and adapted for the stage by Johann Smith, it stars Gideon Lombard  from Miskien, The View, Special Thanks to Guests from Afar, Orpheus in Africa and Suidooster, and is directed by Lara Bye, known for projects such as Yellowman, London Road, Oscar en die Pienk Tannie and Vaslav.

Since the production’s premiere at the Klein Karoo Nasionale Kunstefees (KKNK) last year, it has received almost twenty awards and nominations. Among these are Best Actor at KKNK, as well as Best Actor in a Solo Performance at all three of the major South African awards – the Fleur du Cap Theatre Awards, Naledi Theatre Awards and kykNET Fiësta Awards (2018).

Director Lara Bye won the Best Director kykNET Fiësta Award; playwright Johann Smith won the award for Best Adaption of an Existing Work while the production was awarded the coveted Best Overall Production of the Year. The production celebrates its incredible 100^thperformance on 3 November 2018, during The Fugard Studio Theatre run.

Die Reuk van Appels is the coming-of-age story of Marnus Erasmus, 11-year-old son of a South African Defence Force (SADF) general. It eloquently captures the Afrikaner mentality in the late 1970s and early 1980s and the brutal consequences of apartheid and militarisation of South African life.

Upon publication and subsequent translation into English, as The Smell of Apples that same year, this landmark Afrikaans novel catapulted Behr into the ranks of young and talented dissident voices such as Etienne van Heerden and Koos Prinsloo. Before his untimely death on 27 November 2015, Behr was a professor of creative writing at Rhodes College in Memphis, Tennessee.  With the success of the stage adaption, new interest has been generated about the novel, and the publishers have decided to print another impression of Die Reuk van Appels. 

There is an age restriction of 16 that includes sex, nudity, strong language, violence and prejudice.

Die Reuk van Appels

Fugard Studio Theatre

23 October 2018 to 17 November 2018

Tuesdays to Saturdays at 8pm with a 3pm matinee performance on Saturdays

Tickets range from R130 to R165

Book directly through the Fugard Theatre box office on 021 461 4554 or online at www.thefugard.com

Visit the cosy ground-floor bar for a before and after show drink and delicious snacks. If the weather plays along, enjoy the panoramic city views from the Fugard Theatre’s fantastic rooftop bar. There is secure parking for a small fee directly opposite the Fugard Theatre in Harrington Square.

The post Die Reuk van Appels appeared first on Stage and Screen.

Die groep Marcato, het pas hul nuwe enkelsnit, Staan Net By My, wat hul liefde vir die natuur en die stilte op die plaas vasvang, vrygestel.

Staan Net By My is deur die hele groep self geskryf, tydens ’n skryfsessie in Parys langs die Vaalrivier. Volgens die groep, gaan die liedjie maar net oor die rustigheid van die natuur en die plaas.

Die groep hoop dat die publiek die liedjie goed sal ontvang nes hul vorige enkelsnitte. Verder wil hulle hê mense moet gelukkig wees as hulle hul album luister.

Die musiekvideo vir die snit is in die prentjiemooi Dullstroom geskiet, en oor die keuse vertel hulle. Ons wou baie natuur in die video insluit en Dullstroom was in die kol hiervoor.  Daar is berge, klippe, gras, water en mooi bome, alles wat ons gesoek het.

Marcato bestaan uit Euan Nel, Erik Swart, Pieter Marcato, Jerry Spangenberg en Ben van Zyl. Die groep wat reeds ’n dekade musiek maak sonder al die feeste waarby hulle al opgetree het, beskou hierdie album as een van hul hoogtepunte.

Musieksterre soos Bob Dylan, Pink Floyd, Queen, Bruce Springsteen, Mumford inspireer hulle en plaaslik is dit Spoegwolf en Francois van Coke wat ’n invloed het op hulle. Volgens die groep is dit hul drome wat hul musiek inspireer.

Intussen toer hulle tans met hul album, Vrede vir almal… en beplan ook twee Kaapse toere en is druk besig om aan hul volgende album te werkskaf, wat vir vroeg volgende jaar beplan word.

Stage and Screen sal die musiekvideo pos sodra dit vrygestel word.

The post Marcato: Staan Net By My appeared first on Stage and Screen.

Die bekroonde kletsrymer, Early B, is nie net veelsydig in sy aanslag nie, maar het ook die vermoë om luisteraars se emosies te prikkel – of dit nou is met sy vlymskerp humor of sielvolle sosiale kommentaar.  Met sy nuwe enkelsnit, Ben Ten, wys die kunstenaar sy prettige kant met stoute tong-in-die-kies lirieke en ’n interessante funk-kletsrym-wysie wat viervoet in jou kop vassteek.

Ben Ten is ’n term wat in PE gebruik vir ’n man wat daarvan hou om met vroue uit te gaan wat baie ouer is as hy. EarlyB het die liedjie self geskryf met die doel om ’n storie te vertel wat aanhangers sal laat glimlag en saamsing. Hy noem dat dit gaan oor ’n ou wat by sy vriendin gaan kuier, wat ewe skielik nie meer by haar ma bly nie, en dan besef dat die antie oë het vir hom. Wat verder gebeur, word in die res van die snit verklap en sal almal lekker laat giggel.

Die enkelsnit is die tweede vrystelling vanaf sy debuutalbum, Aangename Kennis, wat in Augustus uitgereik is. Om stories te vertel in Afrikaans, met ’n unieke PE-kletsrymaanslag, is die hoofdoel van Early B se eerste CD wat met agtien oorspronklike werke spog, wat almal uit sy eie pen kom. Daar is iets vir almal om mee te vereenselwig. Liedjies wat mense sal laat lag, inspireer en motiveer. Hy het snitte gekies wat verskillende musiekstyle met kletsrym kombineer, ’n sterk boodskap dra, mense aanspoor om pret te hê en stories vertel, wat soos ’n kortfilm in die geestesoog moet afspeel,volgens die musikant.

Alhoewel hy nie ’n gunsteling wil uitsonder nie, meen hy dat Ben Ten beslis gewild gaan wees en meen hy dat dit pret was om saam met kunstenaars soos Jack Parow, Adam en Emo Adams te werk.

Early B, oftewel Earl Swartz, is een van twee kinders en beskryf homself as meer van ’n introvert as ’n ekstrovert. Hy het in ’n huis grootgeword waar sy pa gereeld vir hulle op sy mondfluitjie liedjies gespeel het en het ook baie blootstelling aan musiek gekry in die kerk. Van kleins af, het hy daarvan gehou om sy vriende te vermaak en Amerikaanse kletsrymers na te boots. Hy was vir sewe jaar deel van die groep Earl & Agemi , waarna hy sy loopbaan as solo-kunstenaar begin het.

Een van die hoogtepunte van sy loopbaan is dat hy onlangs ’n platekontrak geteken het met Universal Music.  Afrikaanse Hip-Hop was nog altyd sy gunsteling-musiekstyl, omdat dit volgens hom,’n mens kans gee om rou uiting te gee aan jou gevoelens. Hy is ontsettend dankbaar vir die gawe waarmee die Here hom geseën het en meen hy sal altyd daarop bou na die beste van my vermoë.

Die 29-jarige kunstenaar het oor die afgelope nege jaar ’n gereelde gesig geword by van die land se grootste feeste en konserte, soos die KKNK. Hy het ook al saam met groot name in die bedryf gewerk, waaronder die Grammy-bekroonde musiekvervaardiger, Darryl Torr, en plaaslike talent soos Emo Adams, HemelBesem en Pierre Rossouw. Hy is veral bekend vir sy treffer, Cerebellum, wat nie net aan hom ’n Ghoema-toekenning besorg het vir Beste Hip-Hop-liedjie in 2017 nie, maar ook verskeie weke bo-aan die kletsrymtreffersparades van verskeie groot radiostasies gepronk het.

The post Early B: Ben Ten appeared first on Stage and Screen.

Emerging young pop star Bianca Blanc has release her much anticipated debut single Butterflies. The self-penned track has had raving reviews across radio stations nationwide.

Bianca Blanc is a talented and hardworking young singer/songwriter, hailing from Centurion, Pretoria. With an amazing voice and passion for music, she writes in English and Afrikaans, shaping her tunes on either the guitar or ukulele with a keen sense of musicality.

She signed her first record deal with Just Music, after being brought to the label’s attention through her participation on the Just Inspired live acoustic sessions project earlier this year. Butterflies was produced by Matthew Fink at the Just Music studio in Johannesburg.

Bianca Blanc has already been making notable inroads on the live music scene. Over the past year she has performed as the opening act for the likes of Elvis Blue, Die Heuwels Fantasties, Jesse Clegg, Matthew Mole, Wonderboom and comedian Schalk Bezuidenhout. She has also featured on several leading local music festivals such as KKNK, Pure & Crafted Festival and Aardklop.

She will be making her debut appearance at Innibos.

This fresh young talent is destined to make a strong impression on the South African music scene. Be sure to take a listen to “Butterflies” and catch Bianca Blanc live as soon as you can.

The post Bianca Blanc: Butterflies appeared first on Stage and Screen.

Marcato is ‘n nuwe vyfling van jong mans wat, volgens my smaak, ‘n egte Folk bydrae tot die groeiende Afrikaanse Musiek industrie gaan gooi.  Pieter Smit, sing en speel kitaar, met die veelsydige Ben van Zyl wat self saam sing, en ook sy talente met die kitaar, mondfluitjie en klavier bydra.  Euan Nel hou tyd agter die tromme, en wat die kitare aan betref, is Jerry Spangenberg op die elektries en Erik Swart op die bas.

Hulle is een van Suid-Afrika se belowendste musiekgroepe, het diep in gehore se harte gekruip met hulle nteressante vermenging van musiekstyle soos folk, country, bluegrass en akoestiese rock. Marcato, ʼn musiekterm uit Italiaans wat klem op note beteken, is ʼn groep wat daarna smag om betekenisvolle musiek te maak.

Marcato is in 2008 gestig deur ʼn hegte groep vriende en het sedertdien in getalle gegroei en hul kwaliteit verfyn. Die groep het al by verskeie bekende feeste soos Aardklop, KKNK en Innibos opgetree en het ook al by verskeie plekke dwarsoor die land musiek gemaak.

Marcato is bekend vir hul energieke optredes en diverse musiekstyle. Die groep tree ook by private en korporatiewe funksies op en sing oorspronklike liedjies sowel as hul weergawes van bekende treffers. Marcato is ook betrokke by verskeie huldeblykvertonings soos Simon & Garfunkel, Bob Dylan en AC/DC.

Marcato se debuutalbum When His Whistle Blows is in 2011 vrygestel en spog met 13 oorspronklike akoestiese folk-ballades. Dié Engels en Afrikaanse album bevat ook die lied 100 000 Keer, wat al op verskeie radiostasies gespeel het. Die liedjie se video is ook gereeld op die kykNET se musiek-kanale te sien.

Hul nuutste almum, Vrede vir Almal, is egter hulle eerste volledige Afrikaanse album. Die album is wel onlangs vrygestel, maar trek reeds baie aandag en die terugvoer is baie positief! Die liedjies vir hierdie album is gebore tydens ‘n toer en op ‘n plaas in Kuruman. “Elke aand wanneer net die maan die plaas verlig, was die silhoeëtte van die berge en maan duidelik” sê Marcato se manne.

Vrede vir Almal is beskikbaar by alle digitale musiekwinkels.  Om die Groep te boek, kliek op hierdie skakel.

Die foto is van Marcato se Facebook Page

The post Macato: Vrede vir Almal appeared first on Stage and Screen.

Die opgewekte, voetstamplekker-wysie en betekenisvolle lirieke van Stephantasties se eerste solo-vrystelling, Dis Verkeerd, is die perfekte pasmaats vir dié veelsydige kunstenaar se stem. Die snit gaan binnekort die land se radiogolwe oorneem, net soos wat hierdie vermaaklikheidster die afgelope paar jaar die musiek- en vermaakbedryf kom verower het.

Dis Verkeerd, is Stephantasties se eerste enkelsnit as solo-kunstenaar. Hy het die treffer self geskryf en vervaardig en beskryf dit as ’n lekker Afrikaanse popliedjie, wat beslis ’n gunsteling gaan wees op die dansvloer. “Dit gaan oor daai gevoel wat jy vir iemand het, wat so sterk is dat dit amper verkeerd voel – wanneer jy sommer weer verlief raak elke keer wat jy die persoon sien,” verduidelik die sanger. “Dit is my eerste poging as solo-kunstenaar en ek wou met iets treffend begin, so ek hoop hierdie liedjie sal dit kan doen.”

Die musiekvideo van die enkelsnit is ook pas vrygestel en alhoewel die aanslag baie simplisties is, komplementeer dit die liedjie goed omdat dit steeds ’n gevoel van opwinding skep. “Ons het ’n baie eenvoudige en minimalistiese konsep vir die video gebruik. Deur letterlik net met ’n paar ligte en eenvoudige effekte te speel, wou ons ’n gevoel skep rondom die liedjie en, sonder te veel tierlantyntjies, my aan die publiek bekendstel,” sê Stephantasties oor die video wat by Foghound Studios opgeneem is en deur Hencas van Huyssteen van Fuisteen Films en Ruan Kotze van The Reel Thing vervaardig is.

Hierdie talentvolle Pretorianer is al van kleins af lief vir musiek. Sy ma, Alta van Huyssteen, is ’n operasanger en hy en sy broer is deurgangs blootgestel aan ’n wye verskeidenheid musiek, van Queen tot Roy Orbison. Op laerskool, het hy die hoofrolle in verskeie musiekblyspele vertolk en ook talle kompetisies gewen. In die hoërskool het hy weer dromme gespeel in ’n Metal-groep wat hy en sy boetie begin het.

Na skool het hy vir ’n jaar musiek studeer, waarna hy die geleentheid gekry het om vir ses maande saam met ’n klassieke groep in Spanje op te tree. Met sy terugkeer na Suid-Afrika, sluit hy aan by die groep, BRAVO!, wat twee albums uitgereik het. Gedurende hierdie tyd, het hy weer ’n musiekkursus gedoen deur COPA asook ’n kwalifikasie in Klanktegnologie deur die SAE Institute.

Die groot deurbraak in sy loopbaan, het egter eers gekom in 2010 nadat hy as kroegman en instaan-klankingenieur by Barnyard begin werk het. Dit het gelei tot rolle in vertoning soos Big Top Rock, 7 Wonders, The Rocky Horror Picture Show, Kidz Rock en We Will Rock You in die Seychelles, wat hom die geleentheid gegee het om sy stem, dansvernuf en toneelspel ten toon te stel. In 2012 word hy deel van die Afrikaanse mansgroep, NRG, as sanger, drom- en kitaarspeler. Die groep het baie gou naam gemaak en reeds die verhoog gedeel met van die grootste kunstenaars in die land, waaronder Heinz Winckler, Kurt Darren, Nicholis Louw, Ray Dylan, Romanz en vele meer. NRG is ook in 2013 genooi om die inhuisorkes te wees vir die Huisgenoot Treffer-na-Treffer-vertoning by die KKNK.

Sing is egter nie Stephantasties se enigste talent nie. Buiten vir die feit dat hy ’n knap klankingenieur is, is hy ook ’n kranige liedjieskrywer en vervaardiger wat verantwoordelik was vir verskeie van die liedjies op NRG se nuutste album, Roulette. Hy vervaardig ook deesdae musiek vir ander kunstenaars. Wanneer hy nie met klank doenig is nie, is hy ook akteur, seremoniemeester en televisieaanbieder op kykNET se chatNOU. Hy is ook gedurende November en Desember betrokke by die musiekblyspel, Rock of Ages, by die Lyric Theatre by Gold Reef City.

Die musiekbedryf het hom geleer om homself nie met ander kunstenaars te vergelyk nie en dat sukses op die regte tyd sal kom. Daarom fokus hy op die geleenthede wat hy kry en die planne wat hy vir die toekoms het, wat ’n solo-album en ’n liedjie saam met MWAH!, insluit. Alhoewel hy nog nie te veel oor sy debuutalbum wil verklap, wat vir 2018 beplan word nie, sê hy dat dit ’n verskeidenheidsalbum gaan wees wat organiese en elektroniese klanke sal laat saamsmelt.

Stephantasties wil graag grense in die Afrikaanse musiekberyf verskuif deur ’n nuwe en unieke klank te skep. “Ek dink nie daar is op hierdie stadium iets soos Dis Verkeerd in die mark nie en ek wil graag iets anders doen, wat die publiek nogsteeds kan geniet,” sê hy. Sy nuutste treffer versinnebeeld nie net hierdie doelwit nie, maar is ook ’n goeie aanduiding van wat luisteraars in die toekoms van hom kan verwag…

The post Stephantasties: Dis Verkeerd appeared first on Stage and Screen.

Die Fiëstas word op 18 Februarie 2016 by ’n glansgeleentheid by die Staatsteater in Pretoria oorhandig. Die seremoniemeesters vir die aand is Pierre Breytenbach en June van Merch en Deon Lotz, Rozanne McKenzie, Leandie du Randt, Erik Holm en Marlo Minnaar sal as gas-aanbieders optree.

Hier is die kategorieë, en die moontlike wenners:

BESTE AKTEUR

Albert Pretorius ‒ Buite Blaf die Honde Swart (KKNK)

André Odendaal ‒ Skuldeiser (Woordfees)

Stian Bam ‒ In Glas (KKNK)

Wilhelm van der Walt – Son. Maan. Sterre. (Woordfees)

BESTE AKTRISE

Anna-Mart van der Merwe  – Skuldeiser (Woordfees)

Milan Murray – Amper, Vrystaat (Vrystaat)

Sandra Prinsloo ‒ Die Dag is Bros (Innibos)

Tinarie van Wyk Loots ‒ Hemelruim en In Glas (Aardklop en KKNK)

BESTE MANLIKE BYSPELER

Dean Smith – Die Dag is Bros (Innibos)

De Klerk Oelofse – Liewe Heksie: Flower Power (KKNK)

Louis van Niekerk – Son. Maan. Sterre. (Woordfees)

Loukmaan Adams – Liewe Heksie: Flower Power (KKNK)

BESTE VROULIKE BYSPELER

Greta Pietersen – Son. Maan. Sterre. (Woordfees)

Nicola Hanekom – Son. Maan. Sterre. (Woordfees)

Tinarie van Wyk Loots – Buite Blaf die Honde Swart (KKNK)

Wilna Snyman – Son. Maan. Sterre. (Woordfees)

BESTE REGIE

Christiaan Olwagen – Son. Maan. Sterre. (Woordfees)

Jaco Bouwer – Santa Gamka (KKNK en SOF)

Nico Scheepers – Amper, Vrystaat (Vrystaat)

Nicola Hanekom – In Glas (KKNK)

BESTE TEATERONTWERP

Birrie le Roux – Skuldeiser (Woordfees)

Christiaan Olwagen – Son. Maan. Sterre. (Woordfees)

Nico Scheepers – Amper, Vrystaat en Die Dag is Bros (Vrystaat en Innibos)

Nicola Hanekom – In Glas (KKNK)

BESTE PRESTASIE IN ’N MUSIEKGEDREWE PRODUKSIE

Amanda Strydom – Amanda Strydom: Die Hele Boksemdaais (KKNK)

Laurika Rauch – Nie As Ek Sing Nie: Laurika Rauch (Aardklop)

Margit Meyer-Rödenbeck (konsep) ‒ Liewe Heksie: Flower Power (KKNK)

Schalk Joubert (musiekregie) – Al Lê die Berge Nog So Blou (KKNK)

BESTE SPEL IN ’N SOLO-VERTONING

Gys de Villiers – Elsie se Nommers (Innibos)

Marion Holm – Die Kaap is Weer Holms (KKNK)

Marlo Minnaar – Santa Gamka (KKNK en SOF)

Wessel Pretorius – Adam 2 (Woordfees)

BESTE NUUTGESKEPTE AFRIKAANSE PRODUKSIE

Eben Venter, Marlo Minnaar en Jaco Bouwer – Santa Gamka (KKNK en SOF)

Nico Scheepers, Cintaine Schutte, Milan Murray en Antoinette Louw – Amper, Vrystaat (Vrystaat)

Nicola Hanekom – In Glas (KKNK)

Wessel Pretorius – Die Dag is Bros (Innibos)

BESTE PRESTASIE IN KLASSIEKE MUSIEK

Esthea Kruger – Rising Star (Woordfees)

Kaapse Jeugkoor onder leiding van Leon Starker – Na Waters Waar Rus Is (Woordfees)

US-koor onder leiding van André van der Merwe – US-koor (Woordfees)

Zanne Stapelberg en Odeion-strykkwartet –  Odeion-strykkwartet met Zanne Stapelberg (SOF)

BESTE PRESTASIE IN VISUELE KUNS

Alex Hamilton – Jou Daaglikse Dosis en Opskiet by die Museum (Aardklop en Woordfees)

Nathani Luneburg – As die Vlooie Byt in La La Land (KKNK)

Sanell Aggenbach – Atopia (Aardklop)

Sandra Hanekom – Die Burger 100 Jaar-uitstalling (SOF)

BESTE MUSIEKGEDREWE PRODUKSIE

Al Lê die Berge Nog So Blou (KKNK)

In die Grond van die Wind (Aardklop)

Liewe Heksie: Flower Power (KKNK)

Nie As Ek Sing Nie: Laurika Rauch (Aardklop)

BESTE AANBIEDING

Amper, Vrystaat (Vrystaat)

Die Dag is Bros (Innibos)

In Glas (KKNK)

Son. Maan. Sterre. (Woordfees)

Die drie persone wat by die Fiëstas vir hul lewensbydrae vereer word, is Lida Botha (teater), Ronnie Samaai (musiek) en Pieter Fourie (woordkuns).

Die toekenning vir die gewildste fees asook die Blou Stoel-toekenning word by die toekenningsaand bekend gemaak.

Die toekennings word op 18 Februarie tydens ‘n glansgeleentheid by die Staatsteater in Pretoria oorhandig. Die geleentheid word regstreeks om 20:00 op kykNET (Kanaal 144) uitgesaai.

The post Fiëstas 2015: Hier is die Benoemdes appeared first on Stage and Screen.