deur Louw Mulder

Ek kan die films op my een hand tel waarin ek skelm-sklem ‘n traan of drie moes af vee weens die boeiende greep wat die storielyn op my gehad het. My Father’s War, is beslis die eerste Suid Afrikaanse rolprent in hierdie kategorie. Nie net is dit ‘n storie vol-op drama, intrige en oorlogstonele nie, maar dit is die storie van ‘n wonderbaarlike versoening tussen pa en seun, wie se boodskap tot kaal op die been sny.

Baie elemente dra by om ‘n rolprent so effektief soos die een te maak. Nie net is mens weer opnuut trots op die kaliber van rolprente wat deur Suid Afrikaanse flmmakers vervaardig word nie, maar die boodskap laat jou ten einde met baie om oor te dink. Die boodskap vir my persoonlik, is hoe baie ons as mens mense beoordeel, en onself toelaat om ander mense te behandel, als gebasseer op oningeligte idees en verwronge persepsies van die waarheid. Die tema van My Father’s War spreek boekdele: ‘Die waarheid sal jou vry maak’.

Dap Smit is ‘n jong man wat alleen deur sy ma, Carina Smit groot gemaak word. Hierdie enkel-ouer opbrengs, asook sekere waarhede wat van Dap weerhou is om hom van onnodige seer te beskerm, veroorsaak dat Dap die verkeerde beeld van sy pa het, en hom daarvoor verwyt. As gevolg van ‘n rebelse neiging, wat met die invloed van drank bydra dat Dap besig is om sy lewe te vernietig, blyk daar geen kans op versoening tussen Dawid Smit, Dap se pa, en sy seun nie. Die storie boei juis vroeg in die film, juis dat die Dawid se grootste begeerte.

As gevolg van ‘n gebed waar Dawid die Here vra om te help, en op ‘n manier Dap se hart te verander, begin Dap ‘n reeks drome droom wat hom saam met sy pa in die middel van die grensoorlog van 1983 plaas. In hierdie realistiese en werklike droomwêreld, begin Dap se hart draai, deur te sien hoe verkeerd hy al die jare was in sy denkwyses, wat sy verhouding met sy pa verwoes het. Deur die waarheid te omhels, en homself toe te laat om genees te word van die bitter en rou verwyte teenoor sy pa, vorm die storie van vergifnis en versoening.

Die vertel van die storie was van uitstaande gehalte, en krediet moet gaan aan Craig Gardiner wie vir die skryf en regie van My Father’s War verantwoordelik was. Die gebruik van verskillende stories binne-die hoof storie, word effektief, en met ‘n grypslag vervolmaak. Die vervaardigers verduidelik self dat die oorlogstonele eerder mikrokosms van ware gebeure is wat met fiksie versoen word om karakters te onthul, of om die storielyn aan te vul.

Behalwe die hoë-klas vervaardiging van die oorlogstonele, was daar ook vir Gardner die taak om die emosionele en grypende deel van die film te vertolk. Die stilte in die teater, daardie oomblik wat jy wag vir die akteurs om iets te sê wanneer jy net ander kykers se asemhaling hoor, getuig vansigself van die sukses in hierdie area. Hierdie film sal jou laat peins oor jou eie situasies, en op ‘n manier jou self daartoe dryf om verhoudinge in jou eie lewe te versoen.

Ek dink net dat die spelers en akteurs in My Father’s War, die mees uitstekende keuse was om hierdie storie oor te dra. Die ondersteunende spelers was briljant in elke uiteenlopende karakter wat bygedra het tot die verhaal. Edwin van der Walt, wat ‘n puik vertoning lewer, wissel tussen die rebelse aksies van ‘n tiener, en ‘n seun wie se hart aan die werk is om emosioneel tot die spel te kom.  Beter as dit sal ‘n mens selde kry, en as jong akteur, is daar nog baie in stoor vir hom.

Stian Bam en Erica Wessels speel Dap se pa en ma, en dien as uitstekende ondersteunende spel vir van der Walt se karakter. Dit sluit in tonele van erge agressie, tot die traan-trekkende tonele waar die emosionele aspek selfs die musiek stil laat klink.

Ander spelers in hierdie uitstekende film sluit in Fumani Shilubana, Nastassja Jooste, Jai’ Prakash Sewram, Johan Baird, Neels Clasen, Kew Khauoe, Richard Lukunku, Duane Behrens, Alan Glauber, Nat Ramabulana, David Dukas, Francois Jacobs, David Rees, Eddie de Jager, Damon Berry, Meren Reddy, Vian Singleton and Nobuhle Mahlasela.

Deur die feit dat hierdie rolprent my nie ‘n oomblik toegelaat het om my gedagtes te laat dwaal nie, en die grypende verhaal my soos ‘n vakuum in getrek het vir die tydsduur van die hele film, stel ek voor jy beleef hierdie baanbreker Suid Afrikaans film vir jouself.

Dit begin rol 5 Augustus in fliek teaters landswyd.

The post My Father's War appeared first on Stage and Screen.

Deur Louw Mulder, Geredigeer deur Hanri Wondergem

Daar was oor die afgelope paar jaar ‘n oplewing in die Suid-Afrikaanse filmbedryf. Dit het tot gevolg dat Suid-Afrikaanse akteurs se loopbane fyn dopgehou word. Een van die Suid-Afrikaanse akteurs wat sy staal deur veelsydigheid wys, is Edwin van der Walt. Die eerste filmrol wat hy vertolk het was in Hollywood in my Huis. Vandaar het sy loopbaan vlam gevat en was hy te siene in Die Pro, Ballade vir ‘n Enkeling, Modder en Bloed, en nou, die lang verwagte My Father’s War.  Ons is die geleentheid gegun om dié akteur beter te leer ken.

As seuntjie van net nege jaar oud het Edwin sy passie vir toneelspeel uitgeleef deur byvoorbeel karakters soos Mr. Bean na te maak. Edwin het uitgeblink in rugby en dit oorweeg om dit sy loopbaankeuse te maak. ‘n Sameloop van omstandighede en ‘n passie vir toneelspeel het hom egter in ‘n ander rigting gestuur. Hy het by die Universiteit Stellenbosch ingeskryf vir ‘n BA-graad in Drama.

“Dit was in Stellenbosch waar ek gegroei het, en waar ek my toolkit gekry het om the act,” vertel hy oor die verhoog wat aanvanklik sy speelveld was. Die produksie, Bos, was sy eerste verhoogstuk, onder leiding van regisseur Marthinus Basson. Basson het ook die regie van A Cock and Bull Story, waarin Edwin saam met Dean-John Smith te sien is, behartig. “Teater was my pad na die rolprent bedryf toe, maar ek sal altyd terug keer teater toe. Dit is daar waar jy jou toolkit weer vol maak. Teater het ‘n ander fokus en hou jou nederig,” sê Edwin.

Drama is in sy are en met die lokket-treffers, Ballade vir ‘n Enkeling en Die Pro, het gehore aan Edwin se lippe gehang, angsbevange het hulle toegekyk hoe ‘n mede-karakter in sy arms sterf. “Emosionele tonele challenge ‘n akteur so baie,” verduidelik Edwin, “Ek self is ‘n sensitiewe en emosionele mens.” Daarom, sê Edwin het hy uit die staanspoor besluit om op ‘n emosionele vlak met sy karakters te verbind. “Sodat ek regtig kan voel wat daardie persoon op daardie stadium sou voel.”

Die Pro was die eerste rolprent wat vir Edwin uitgedaag het om diep in sy eie emosies te delf. Self het hy nog nooit ‘n baie goeie vriend aan die dood afgestaan nie. Hy vertel dat hy, saam met regisseur Andre Veltz, op ‘n emosionele reis moes gaan om die karakter beter te verstaan. “Ek moet gedruk word om te voel wat daardie persoon sal voel, om darem justice te doen daaraan vir iemand wie al regtig daardie seer gehad het.”

Dan is daar die kenmerkende toneel uit Ballade vir ‘n Enkeling: ‘n skreeuende Jacques Rynhard met sy pa in sy arms. Dié is pas noodlottig gewond. Jacques Rynhard dink hy het self die sneller getrek en die doodskoot gegee. “Voor daardie toneel, toe Jacques gedink het hy het sy pa dood geskiet, het ek myself afgesonder om in daardie zone in te gaan, om myself in te leef wat hy moes deurmaak, maar ek het besluit om rou in daardie oomblik in te gaan toe ons die toneel gaan skiet het. Dit was als in daardie oomblik.”

“Die maklikste emosies om te speel, is die wat die verste is, en die moeilikste emosies, is die wat naby is.” Hy probeer verduidelik: “Partykeer maak dit nie vir my sin nie. Ander kere doen dit.”

Edwin erken dat hy ‘n rebel-streep in hom het. Dan verwys hy na die “rebelse fase” wat hy in sy hoërskooljare beleef het. Maar dit spyt hom nie, hy kon daaruit leer en nou kan hy hom vereenselwig met ‘n karakter wat ‘n rebel is. “Ek wil nie net ‘n rebelse rol speel omdat dit nog ‘n rol is nie. Ek moet in detail verstaan hoekom daardie karakter rebels is, sodat elke rol nie dieselfde vertolk word nie.”

Met hierdie volwasse uitkyk op sy professie, is dit geen wonder dat hy in sy loopbaan reeds hoë hoogtes bereik nie. Die genre maak nie vir hom soveel saak soos die karakter nie. Sy karakter in My Father’s War is een van die eerste rolle wat hy vertolk waar die karakter ouer is. Dit maak die karakter meer ingewikkeld, aldus Edwin.

‘n Diep siel met baie liefde in sy hart, baie vrae oor die gebrek aan ondersteuning van sy pa, baie vrae oor die lewe en daarom die rebelse manier. Dit is wat Edwin verklap oor die karakter, Dap Smit. “Dap is ‘n komplekse jong man, soos ‘n seun sou wees wat op 19-jaar oud nog nie ‘n pa gehad het nie, en hom graag daar sou wou hê.” Dan voeg hy by: “Ek is verlief op hierdie rol.”

Oor die verhaal self het hy die volgende te sê: “Ek dink die verhouding tussen pa en seun, dit waaroor die storie gaan, is ‘n metafoor vir ander verhoudings. Die film gaan daaroor om vir mense te wys hoe hulle optree teenoor mekaar, en hòè eerlik en reguit hulle teenoor mekaar is. Ons steek soveel dinge vir mekaar weg, wat eintlik gesê moet word.” En dan ‘n brokkie wysheid: “Die waarheid sal jou vry maak, en dit is wat vir my ongelooflik is, dat die Smit familie die nodige stappe gevat het om weer gesond te word. Seer plekke moet eers rou word, voor dit gesond kan raak.”

Vir Edwin, was die hele My Father’s War –ervaring ‘n avontuur, ‘n ontdekkingsreis oor ‘n deel van die geskiedenis wat aan hom onbekend was. “Ek was geskok om te leer hoekom die grensoorlog gebeur het. Ek het met regte rekkies gepraat, wat my laat insien het waaroor die oorlog gegaan het… en nie gegaan het nie.” Met sy goeie vriend, Stian Bam aan sy sy (Stian vertolk die rol van Dap se pa) is die ontdekkingsreis aangepak. En dit was omtrent ‘n reis – veral die helikoptervlug met ‘n “regte rekkie vlieënier”. “Dit was so cool.”

Buiten vir Stian , vir wie Edwin baie respek het, is sy gunsteling Suid-Afrikaanse akteur Jacques Bessenger. Jacques was ook saam met Edwin in Ballade vir ‘n Enkeling en Modder en Bloed. “Jacques is so amazing, en ek het baie tyd vir hom. Sy spel kry iets reg wat min akteurs reg kry, en dit is basies om so min as moontlik te doen, deur so veel as moontlik daaruit te sê.” Van al die Afrikaanse rolprente die laaste tyd, was Sink Edwin se gunsteling: “Ek het dit gekyk by die Silwerskermfees en dit was die eerste film waar ek gevoel het Suid Afrika is besig om boundaries te skuif.”

Tyd vlieg in die teenwoordigheid van iemand soos Edwin van der Walt. Hy praat maklik oor sy filosofieë oor acting, die lewenslesse wat hy uit sy rolle leer. Hy lag en skert oor snaakse dinge wat al op stel gebeur het.

Edwin straal ‘n opregte menslikheid uit wat my tot die besef bring dat die rolprentstêrre op die silwerdoek maar ook net mens is. En na net dertig minute voel dit of ek en dié akteur al vir jare vriende is.

Vrye tyd is min vir Edwin, daarom sien hy sy mooie meisie nie so gereeld nie. As hy die dag tyd het, vang hy ook graag vis saam met sy pa. Hy werk tans aan Rock What You Got, potgooie van onderhoude met Suid-Afrikaanse akteurs, musikante, politici en entrepreneurs. Edwin voer self die onderhoude oor onder meer swaarkry tye, suksesverhale en lesse vir die jonges. Sy volgende uitdaging voor die kamera is die rolprent Jagveld, maar intussen wag daar ‘n lang toer deur Suid Afrika met A Cock and Bull Story.

Van ‘n arm outjie wat gebreide onderbroeke moes dra tot ‘n talentvolle skrywer wat die bullebakke in ‘n verbeteringskool moes oorleef. Van ‘n gebroke takhaar surfer boy van Vlakplaas, tot ‘n jong man wat amok maak in ‘n konsentrasiekamp tydens die boere oorlog… Edwin staan nie terug vir enige rol nie. Volgende, is hy te sien op die Grens as ‘n rebelse jong man wat deur die waarheid vry gemaak word. Sien Edwin van der Walt in My Father’s War, wat op 5 Augustus in fliek-teaters landwyds begin draai.

The post Ons Praat met Edwin van der Walt appeared first on Stage and Screen.

A Cock & Bull Story is the localised reimagining of British playwrights Richard Zajdlic and Richard Crowe’s blockbuster play of the same name. At the hand of Quentin Krog, director of the film Ballade vir a Enkeling, and actor Geon Nel, the setting is transferred to contemporary suburban Cape Town.

The production features Edwin van der Walt from Ballade for a Enkeling, Hollywood in my Huis, Die Pro and Modder en Bloed, and also My Father’s War, which starts at cinemas in July.   Alongside van der Walt will be Dean John Smith, who was the 2014 Fleur du Cap Award winner for Most promising Student.  Undoubtedly, van der Walt and Smith are two of South Africa’s most promising young actors, and can be seen under the direction and design of Marthinus Basson with lighting designed by Chris Pienaar.

TJ (Dean-John Smith) is a promising young boxer on the eve of a bout that could make or break his career. He is waiting for his friend Jaco (Edwin van der Walt), who always prepares him both mentally and physically for his fights. TJ’s confidence has waned after a recent humiliating defeat against tonight’s opponent – and Jaco is late.

For TJ boxing is not just a passion, it’s an escape from his lower middle-class background and a passport to a better life. Jaco on the other hand has to measure himself against the long shadow cast by his father, a local legend with underworld connections and notoriety as a street fighter.  But tonight is a battle of a different kind. Instead of measuring their strength in the ring TJ and Jaco will test the limits of friendship in the locker room.

This exciting two-hander is filled with testosterone induced male bravado, from bragging about girls to locker room chatter and excessive physicality. However, underneath this veneer is a delicate exploration of friendship, sexuality and mutual dependence.

Gritty and fierce, the characters are challenged psychologically and physically, making for an exciting, emotional and gripping journey of discovery.

Praise for ‘Cock and Bull Story’: “Burns with frightening aggression and authenticity. No punches pulled, so be warned.”   City Limits

“Cock and Bull Story convincingly dares to shatter the myths of class and masculinity.” The London Guardian

“A not-to-be-missed battle of brawn versus brains.  What’s great is that it’s not simply the story of a spirited young boxer who goes for gold, but ultimately the story about the fighter and lover in all of us. The rich text, crackling with witty banter and loaded with physical and emotional conflict, motivates the actions of two men trying their best to save a friendship that means more than winning the game. If you’re looking for intelligent theatre with punch and vigour, Cock And Bull Story is just what you need. Exceptional.” Daniel Dercksen – The Writing Studio

STUDIO THEATRE, MONTECASINO

8 June – 3 July

 Wednesdays – Fridays – 20:15

Saturdays – 16:15 & 20:15

Sundays – 15:15

 Tickets from R130.00 to R165 and available from www.computicket.com

The post A Cock & Bull Story appeared first on Stage and Screen.

Hierdie tweetalige (Afrikaanse/Engelse) drama fokus op die gebroke verhouding tussen ’n pa en sy rebelse tienerseun.

Die rolprent speel in 2003 af en die 19-jarige Dap Smit (Edwin van der Walt), baklei aanhoudend met sy pa, Dawid (Stian Bam), ’n veteraan van die Grensoorlog. Die mans stem oor niks saam nie en daar is klaarblyklik geen hoop op versoening tussen hulle nie. Boonop is Dawid se vrou, Karina (Erica Wessels) in die middel van hul epiese worsteling vasgevang.

Dan kry Dap ’n reeks drome waarin hy ’n gevegsoldaat tydens die Grensoorlog in die 1980’s is. Daar ontmoet hy sy pa op sy ouderdom, en hierdie drome verander Dap se persepsie – en lewe – heeltemal. Daar is nie terugkeer nie. Maar wat is die pad vorentoe?

Volgens die vervaardiger, Peter Lamberti, en skrywer/regisseur Craig Gardner, was die grootste uitdaging van die film om die tema van ’n gebroke verhouding met die Grensoorlog te kombineer – met ander woorde, hoe om ’n gaping tussen ’n pa en sy seun te oorkom as die oorlog feitlik dertig jaar gelede plaasgevind het.

En om hierdie uitdaging te oorbrug, het Gardner die belangrike droomtonele geskep. Hy sê: “Elke droom is geskep om die ontvouende storie te onthul. Dus is daar nie enige ongeoorloofde vegtonele nie. Die oorlogsdrome is eerder mikrokosms van regte gebeure wat by fiksie aansluit om óf die karakters óf die storielyn te bevorder – klein ‘mini-stories’ – binne die groter verhaal.”

Gardner gaan voort, “Die oorlog is as ’n kreatiewe instrument gebruik om die storie van die pa en seun tot ’n uitkoms te dryf. Ons het met opset nie ’n morele standpunt oor die konflik self gelewer nie. Hierdie is nie ’n Grensoorlog-rolprent nie – dit is ’n verhoudingsdrama, wat die kern van feitlik elke suksesvolle fliek is. En My Father’s War fokus op die gebroke verhouding tussen ’n pa en sy seun.”

Die filmmakers sê, “Ons hoop om so ’n breë gehoor as moontlik te bereik, maar ons wil ook hê dat elkeen wat deur die oorlog geaffekteer is, soldate, vroue, mans, kinders en ouers, dit sien. Dit sal hopelik ’n katarsiese ondervinding wees wat herinneringe oproep, spoke wegdryf en help om meer begrip vir kykers te gee – selfs diegene wat niks met die oorlog te doen gehad het nie. Enige ouer en kind sal aanklank hierby kan vind op ’n persoonlike vlak.”

Afgesien van Stian Bam, Edwin van der Walt en Erica Wessels, is Neels Clasen, Hannes Muller, Meren Reddy, Fumini Shulubana, Jai’prakesh Shewram en David Rees ook in die film te sien.

My Father’s War word op 5 Augustus 2016 landswyd in filmteaters vrygestel en word deur Ster-Kinekor Entertainment uitgereik.

The post My Father's War appeared first on Stage and Screen.