Ons leef in ’n tydperk waar almal in die wêreld, meer as ooit tevore, met mekaar verbind is. Tog lyk dit asof die mensdom vergeet het hoe om op ’n emosionele vlak met mekaar te kommunikeer.

Die snit is deur ’n baie persoonlike gebeurtenis geïnspireer. ’n Vriendin het eenkeer vir Chereé ’n brief getik oor alles wat sy verkeerd doen in hulle vriendskap. Die twee vriendinne het langs mekaar gesit terwyl sy dit lees en, alhoewel Chereé dankbaar was oor haar eerlikheid, was sy kwaad omdat sy nooit met haar oor hierdie probleme gepraat het nie. Op pad huistoe, het die idee vir Praat ontstaan en teen die tyd wat sy by die huis gekom het, was die lirieke byna klaar geskryf.

Omdat dit die eerste Afrikaanse liedjie is wat Chereé vrystel, is sy oneindig trots op Praat. Dit is egter as gevolg van die boodskap dat sy besluit het om dit as eerste enkelsnit vanaf haar komende album vry te stel.  Chereé glo regtig dat almal daarby sal aanklank vind.

Praat is deur Vaughan Gardiner en Hugo Ludik vervaardig en die eindresultaat spog met ’n opgewekte pop-klank, wat jou uitnooi om dit oor-en-oor te luister en is die eerste vrystelling vanaf Chereé se nuwe album wat op 31 Mei 2019 uitgereik word.

Die nuwe album sal hoofsaaklik ’n Country-aanslag hê, maar sal ook verskeie popliedjies insluit om iets vir elke oor en smaak te bied.

Praat is die perfekte liedjie vir enige musiekliefhebber se speellys en van haar treffendste werk tot op datum. ’n Mens kan nie anders as om uit te sien na die musiek wat hierdie dinamiese sangeres oor die volgende dertig jaar gaan lewer nie.

Praat is beskikbaar op alle digitale platforms

The post Chereé: Praat appeared first on Stage and Screen.

Michael Blignaut se tweede enkelsnit, Hemelwater, is onlangs vrygestel en nou volg die musiekvideo vir hierdie inspirerende lied. Die lied is geskryf deur die uiters talentvolle Vaughan en Nerine Gardiner.

Die musiekvideo is in Johannesburg geskiet en begin in ‘n atteljee met fotorame sonder fotos om die leegheid wat hy ervaar, te beskryf. In die tweede helfde van die musiekvideo verskyn die aktrise Mila Guy, wat die persoon na wie hy so lank al soek, verteenwoordig. Hierdie gedeelte is in ‘n park verfilm en Jacques “Jay” Loots van Fathom Media het die video geskiet en behartig.

Die kyker kan nou visueel die video gebruik as voorbeeld wat hy of sy al ervaar het in ‘n soortgelyke situasie. Dit skep moed en gee hoop vir ‘n wonderlike einde.

Hemelwater is nou beskikbaar op alle digitale platforms.

The post Michael Blignaut: Hemelwater appeared first on Stage and Screen.

Die Jazz-prinses van Mosselbaai met die tydlose stem, Sunel, wat bekendheid verwerf het vir haar debuut-enkelsnit, Fickle Heart en wie se tweede enkelsnit, Hart Op Jou Mou, bo-aan verskeie trefferparades gepryk het, het onlangs haar derde enkelsnit en musiekvideo, Hart se Wens vrygetel.

Sunel het Hart se Wens  self geskryf en dit is gebasseer op ‘n liefdesteleurstelling.  Dit is die tipe liedjie wat jy moet luister as jou hart werklik vir die eerste keer gebreek word.

Die liedjie was reeds klaar geskryf en opgeneem, maar toe kruis haar paaie met die van Hugo Ludik en Vaughan Gadiner van Muse Produksies.  Hulle was opgewonde om haar te help om die liedjie tot sy volle potensiaal te bring en iets heeltemal uniek te skep.

Die musiekvideo is in Johannesburg in ‘n groot stoor kamer geskiet en vervaardig deur Fathom Media.  Die konsep agter die video was om iets te skep wat eenvoudig, tog treffend is.  Om iets te skep wat die fokus werklik om die liedjie plaas en om al die emosie wat saam met die liedjie kom uit te bring.  Iets kwesbaar, maar tog sterk.  Sunel sê dit was wonderlik om saam met Jacques Loots en sy span by Fathom Media te werk: “Hulle het dit vir my so spesiaal gemaak as wat hulle kon.  Jay het dieselfde visie vir die video en liedjie gehad as ek en ons het dieselfde kreatiewe energie gehad”.

Hart se Wens is binnekort beskikbaar op alle digitale musiekwinkels.

Sunel se debuut-album sal aan die einde van Mei 2019 vrygestel word.

The post Sunel: Hart se Wens appeared first on Stage and Screen.

Dit gaan oor innerlike krag, liefde en aanvaarding vir jouself, asook selfvertroue om net jouself te wees, ten spyte van wat die samelewing verwag. Dit is die betekenis agter Charlize Berg se splinternuwe enkelsnit en musiekvideo, Yster in die Vuur, wat onlangs vrygestel is en reeds oud en jonk gaande het.

Hierdie treffende popsnit, wat sy saam met haar tweelingbroer Jake Burg geskryf het, is een van daardie liedjies wat jou dwing om stil te staan en na die lirieke te luister. Nie net omdat jy verstom is deur haar pragtige stem en die emosie wat duidelik teenwoordig is nie, maar ook omdat die wysie jou dadelik meevoer. Die boodskap van hierdie lied is een wat na aan Berg se hart lê, en deur dit, hoop sy dat dit luisteraars sal inspireer om weer in hulle self te glo en krag te kry om bo enige uitdaging uit te styg.

Die musiekvideo is in Follicle Hair Atelier se Hazeldean Photographic Studio verfilm deur Pierre Smith en die idee was om die storie, wat saam met haar vriendin Sue-Marie geskep is, so eenvoudig en eerlik as moontlik te hou.  

Charlize Berg, haar debuut-album, is in 2011 vrygestel en is in 2013 gevolg deur Deluxe Weergawe, ’n verwerking van haar debuutalbum wat agt nuwe treffers ingesluit het. Sy het in 2013 ook ’n Engelse album in Los Angeles opgeneem, waar sy ook aan die Musexpo-musiekfees deelgeneem het.

In 2016 is haar Ghoema-bekroonde derde album, As Jy Weet Dis Liefde, uitgereik wat verskeie nommer een-treffers opgelewer het en steeds baie goed verkoop. A Magical Christmas With Charlize Berg, die eerste album van ’n reeks vrystellings wat sy beplan, het die rakke in Desember 2018 getref en is dadelik deur aanhangers opgeraap. Nog ’n album, in hierdie reeks, word vir later vanjaar beplan.

Ikoniese legendes met groot stemme soos Celine Dion, Whitney Houston, Adel, Barbra Streisand, Amy Winehouse en Mariah Carey inspireer haar omdat hulle so talentvol is en sy sou nog graag eendag saam met sterre soos David Foster of David Guetta wou werk en in ’n Broadway-musiekblyspel wou optree. Maar vir nou werk sy hard aan haar passie en hou sy die dinge wat regtig saakmaak in die lewe naby aan haar hart.

Charlize Berg wil graag permanente voetspore in die harte van luisteraars los en met uitstaande gehalte liedjies soos Yster in die Vuur kan ’n mens sien hoekom sy dit so maklik en moeiteloos regkry. Die enkelsnit is uniek en outentiek en word perfek gekomplementeer deur haar sterk klassieke stem en onblusbare passie vir musiek.

Yster in die Vuur is beskikbaar op alle digitale platforms.

The post Charlize Berg: Yster in die Vuur appeared first on Stage and Screen.

Ons lewe in moeilike tye, met soveel probleme en bekommernisse en dis dikwels moeilik om net te laat gaan en die lewe te geniet. Maar Deon Groot se nuwe enkelsnit en musiekvideo, Wyn, herinner ons om presies dit te doen!

Die musiekvideo is pas onlangs op sosiale media platforms asook op die kykNET Top20 en Jukebox vrygestel en kykers en volgelinge is absoluut dol daaroor!  Dié liedjie, uit die kunstenaar se eie pen, is geïnspireer deur die behoefte om mense daaraan te herinner om hulleself te geniet, ongeag van wat rondom hulle gebeur.

Hy erken egter dat luisteraars moontlik geskok gaan wees wanneer hulle Wyn vir die eerste keer hoor, maar dit is een van daardie liedjies wat jy oor-en-oor gaan luister, want die wysie is tydloos en die lirieke heet lekker om te hoor.

Net soos die snit, beloof die musiekvideo ook om hope vermaak te skep. Dit is in ’n klein kroeg, in die middel van niks en nêrens, verfilm en vertel die storie van hoe ’n doodgewone partytjie hand uitruk en verander in een vir die boeke!

Wyn is die eerste enkelsnit vanaf Deon se nuwe album wat gedurende Mei 2019 uitgereik sal word en hy glo dat dit ’n goeie idee skep van wat van die res van die album verwag kan word.

Vir die sanger, is die hoofdoel om waardering vir sy musiek te skep met goeie melodieë en eerlike lirieke.  Hy wil graag hê dat mense dit moet geniet vir wat dit is.  Hy beskryf die album as eenvoudig, maar treffend, en dit is egter onmoontlik vir enige iemand om te raai watter liedjie die grootste treffer gaan wees.

Deon, wat sy debuutalbum, Gee my Oor, in 2017 vrygestel het, het in ’n musikale huis grootgword.  Hy het al jare terug daaraan begin werk om sy eie musiek te skep, en glo tans dat elke situasie in die lewe êrens heen lei, hartseer, liefde, geluk, en dat almal emosies op ’n unieke manier ervaar. Dit is wat hom inspireer en sy musiek vorm, wat wissel tussen baie ernstig tot skreeusnaaks.

Wyn is beskikbaar op alle digitale platforms.

The post Deon Groot: Wyn appeared first on Stage and Screen.

Jacobus Silwer en die liefdadigheidsorganisasie, ENGO waarvan hy ’n ambassadeur is, is tans op almal se lippe nadat hy onlangs ’n treffende nuwe enkelsnit uitgereik het wat geïnspireer is deur dié organisasie se doel om hoop en lig in die donker te wees.

Jacobus is ’n groot voorstaander van die “skoonblaadjie omslaan”-benadering wanneer dit kom by foute, verkeerde besluite en slegte gebeure. Strome Lewe vertel van só ’n oorbegin-situasie, hetsy dit ’n groot verjaardag, nuwe jaar of lewensfase is wat begin.

Strome Lewe is die sesde enkelsnit uit die musikant se eie pen en pas sy growwe stem soos ’n handskoen. Dit het ’n moderne kontemporêre aanslag en gaan daaroor om vrede te maak met dinge wat in jou verlede gebeur het. Die snit se meesleurende wysie is nie net strelend op die oor en hartsnare nie, maar is ook een van daardie liedjies wat in jou kop bly vassteek – lank nadat jy dit vir die eerste keer gehoor het.

Die musiekvideo, wat op ’n lang stuk reguit pad buite Bloemfontein in die warm Vrystaatse son verfilm is deur Francois Slabbert van Palm Photography, beeld uit hoe lig ’n mens se lewe kan wees as jy bereid is om die bagasie van die verlede af te skud.  Die storie handel oor ’n nuwe pad wat oop en uitgestrek voor mens lê, maar aan die begin stap jy met al hierdie sakke op jou rug.

Wanneer Mnr Silwer musiek luister, is dit gewoonlik liedjies met ’n mooi melodie. Hy geniet enige genre of styl, van klassieke musiek tot Rock en Blues.  Verder vind hy aanklank by kunstenaars wat die tyd deurstaan het. Plaaslik mense soos André Swiegers, Coenie de Villiers, Richard vd Westhuizen, Amanda Strydom, Lucas Maree, Anton Goosen, Valiant Swart, is almal kunstenaars wie hy bewonder, asook die nuwelinge Elvis Blue, Bouwer Bosch, Joshua na die Reën, Twee, RKO, Spoegwolf om net ‘n paar te noem. Hy lys ook oorsese kunstenaars soos Andrea Bocelli, Bob Dylan, Neil Diamond, Bob Seger, Labrinth, Zac Brown Band en Mumford & Sons as van sy gunstelinge.

Jacobus Silwer glo, net soos Shakespeare, dat die aarde musiek het vir diegene wat wil luister en hy wil graag die klanke wat in sy hart leef met die wêreld deel. Die moderne benadering en sielvolle vertolking van Strome Lewe en sy unieke stem, is die perfekte pasmaats vir ’n eindproduk wat nie net ’n omwenteling gaan veroorsaak in die Suid-Afrikaanse musiekbedryf nie, maar ook diep in die publiek se harte gaan nesskop.

Strome Lewe is beskikbaar op alle digitale platforms.

The post Jacobus Silwer: Strome Lewe appeared first on Stage and Screen.

22 year-old Joburg-based multi-instrumentalist and musical prodigy James Deacon has teamed up with recording outfit Bad Future Records to release his debut single Not Givin’ Up.

Not Givin’ Up heralds James Deacon’s awakening to his own powerful determination. A blistering clarion call to those who yearn to give their managers and imposers, their higher ups and inhibitors the two-finger salute and to take their destiny into their own hands.
 
James explains the song theme by saying Not Givin’ Up is all about leaving the safety of a day job or desk job and pursuing his dream regardless of how hard it will be to get where he wants to be.  Basically life is short and he does not want to waste his life cooped up in the same environment until he dies.  It is big middle finger to all the bosses he’s ever had and all the people who held him back or told him he wasn’t good enough. 

James’ Single is now available across all digital platforms. 

The post James Deacon: Not Givin' Up appeared first on Stage and Screen.

Underwater is about the transition from being kids with no stress and all the imagination in the world to then becoming adults with responsibilities, stress, bills, etc. which is a transition we all have to face at some stage of our lives. We all have moments where we wish we could just drop everything and be back on swings in a park with no worries. Underwater is about finding your place or thing that takes you out of this world, even if just for a while, and it is the same care free space that Dan Vee sends the listener into , through his new single. 

Joburg-based Dan Vee has mastered his skills at performing live and finally delves into releasing his original songs, giving music-lovers heartfelt compositions that take you on a journey of his life.

With the release of his new single Underwater, which was recorded at High Seas Studios and co-produced by Dan, he says that in the last year he has been dabbling in music production and this has played a major role in discovering who he is as an artist and the music he wants to create. The single perfectly showcases that sound which celebrates a blend of folky vocals, acoustic rhythm guitar and feel-good beats.

Playing a vast amount of shows in 2018 gave Dan the opportunity to build a stage presence which is evident in his explosive live performance. Dan says that 2019 will be a busy year filled with a huge amount of live shows, but his focus is on promoting his original music and solidifying his spot in the industry. Creating his own music has been an amazing journey so far and with his debut EP planned for release later in 2019.
 
For now, everyone gets to enjoy the journey and freedom that is Underwater.

The post Dan Vee – Underwater appeared first on Stage and Screen.

Die musiekvideo van Valeska Muller se nuutste elektroniese poptreffer, Skyn jou liggie vir My, is onlangs vrygestel en het reeds almal aan die praat… en met goeie rede, want in hierdie vertelling oorwin sy nie net ’n intense innerlike stryd met haarself nie, maar beïndruk sy ook met haar vernuf as aktrise regdeur die video.

Hierdie aangrypende storielyn is deur Nic Billington verfilm in die sprokiesagtige woud by Casalinga in Muldersdrift en sluit ook skote in wat met behulp van ’n groenskerm geskep is.  Valeska speel self die verskillende karakters en was vir haar ’n uitdaging om die rolle te vertolk. Om hulle aan die einde van die video te kry om mekaar te ‘ontmoet’, het goeie beplanning gevat.  Valeska se hare en indrukwekkende grimering vir elke toneel was die handewerk van Kaila Botha, en Louis, Marika en Esti Opperman was self van groot hulp op die dag, wie het gesorg dat alles agter-die-skerms seepglad verloop.

Skyn jou Liggie vir My is die tweede vrystelling vanaf haar opkomende album. Die snit, wat reeds goed ontvang is deur die publiek en radiostasies, het ’n opgewekte wysie en is saam met vervaardiger BIGG-T geskep. Die liedjie herinner elke keer opnuut dat ‘n mens ’n verskil kan maak deur sy liggie vir ander te laat skyn. Almal het ’n stukkie donker uit hulle verlede. Deur dit te konfronteer, verjaag jy die duisternis en word jy vry van die seer. Moet nooit opgee nie, want onthou hoe donkerder jou situasie, hoe helderder sal jou liggie skyn.

Valeska, wat haar eie musiekskool – Valeska Muller Vocal Academy (VMVA) besit, werk al negetienjaar in die musiekbedryf en het op die musiekrealiteitsprogram, Zing, haar debuut op die kassie gemaak as deel van die Top 7 van die kompetisie, wat vir haar baie deure oopgemaak het. ’n Tragiese ongeluk, gedurende ’n mediageleentheid vir die verhoogproduksie Sexy and the City, het amper haar droom verwoes, maar opgee was nie vir haar ’n opsie nie.

Haar nuutste enkelsnit en video, het die sangeres geïnspireer om ’n inisiatief te loods waarin sy graag vir luisteraars ’n platform wil skep om hulle stories te deel. Belangstellendes kan hulle liggieskyn-oomblikke op haar blad deel, met die hutsmerk #SkynJouLiggieVirMy aan die einde van die vertelling.

The post Valeska Muller: Skyn jou Liggie vir My appeared first on Stage and Screen.

Although Charlie Finch has firmly established himself as a folk-laced force of a singer-songwriter on the Gauteng scene, he’s originally from the windy city of Port Elizabeth, and now these winds blew this artist in tune with Ukulele melodies that merges with his homegrown aesthetics. 

His new video for single It’s Not Over saw him return to the Bay. to work with friend and videographer Sino Guwa, he put a crew together and conceptualised the video all in a matter of days. Finch was also quite keen on a dance element in his new video and after they found dancer and choreographer Kelly Adams, everything just effortlessly fell into place.

The whole process of returning home and being able to work with the people that he grew up with, made this project all the more special.  The song began by Finch just jamming on the ukulele and free-flowing a bit until he ended up using a borrowed chord – which is when you make use of a chord from the relative major or minor key that you are currently playing in. This was key to setting the tone and direction of the song. After that, he immediately started recording some pre-production to begin shaping the song and when he was finally happy with the direction the song was going, he took it to Jason Ferreira at LittleBig Studio where they recorded and produced it shaping into what it is today.

Immerse yourself in a single about never giving up on your dreams or on being a better person…

The post Charlie Finch: It's Never Over appeared first on Stage and Screen.