Thanks to Starburst Promotions, and the producers of the new Leon Schuster and Gray Hofmeyr film, we are giving away 2 Double Tickets to the World Premiere of Frank and Fearless.  The premiere will be held at the Ster Kinekor Cinemas in Sandton City, on Thursday, 15 November 2018.

Frank and Fearless,  written by Gray Hofmeyr, Leon Schuster and Geoff Newton, will open at 95 cinemas around the country on 23 November 2018.  In true Schuster tradition, this hilarious movie takes you on the thrilling adventure of four loveable characters in the African bush; an epic adventure between an old man and a loveable young boy, with a captivating storyline and the cutest baby rhino that will make you want to laugh and cry.

Frank & Fearless Competition:  This competition is now Closed. 

Please Note:

1. Competition Closes on Wednesday, 14 November 2019.
2. Tickets are only valid for the specified dates and performance times.
3. Seat allocations are up to the discretion of the promoters.
4. Tickets may not be upgraded, or exchanged for cash, or for alternate performances.
5. The prize comprises of two tickets per prize winner.
6. No-Shows will not receive replacement tickets.
7. Prizes does not include accommodation and / or travel to and from the event.
8. Winners will be notified by mail.
9. One Entry per Email Address will be entered into the draw.
10. By entering this competition, the participant agrees to the terms and conditions.

The post Win Tickets to the Premiere of Frank & Fearless appeared first on Stage and Screen.

Hou vas aan jou sitplek want die grapjas, Leon Schuster, is terug met ’n splinternuwe goedvoel-komedie, met skreeusnaakse insidente en ’n inspirerende storielyn, wat kykers vasgenael sal hou van begin tot einde.

In ware Schuster-tradisie, volg Frank & Fearless die wenresep van pittige komedie en humoristiese sosiale kommentaar waarvoor Leon se vorige werk, soos There’s a Zulu on my Stoep en Mr. Bones, bekendheid verwerf het. Saam met mede-skrywer en regisseur, Gray Hofmeyr, vat hy dit egter verder deur ’n baie relevante en kontroversiële storielyn in te werk, met ’n diep emosionele impak, wat dit kop-en-skouers laat uitstaan bo enige van dié ikoniese filmmaker se vorige werk.

Die fliek, wat in Afrika afspeel, neem jou op ’n opwindende avontuur wanneer ’n hartlike ou man, Sonny Frank (Leon Schuster), en ’n tienjarige plattelandse Afrika-seun, Fearless (Themba Ntuli), besluit om Suidoos-Asië se ambassadeur te ontvoer in ’n poging om die uitmoor van renosters stop te sit. Saam met hulle op hierdie missie, is twee viervoet-vriende, wat bydra tot die pret en hart van die verhaal. Reini is ’n babarenoster wie se ma deur stropers doodgemaak is en Dog is Fearless se lojale swart brak. Wanneer dinge egter erg skeefloop, word hulle gedwing om ’n peleton genadelose stropers aan te vat, waaronder die skrikwekkende eks-wildbewaarder, Dolf (Kenneth Nkosi), met wie Sonny ’n geskiedenis het. Die emosionele hart spruit, natuurlik, voort uit elke karakter se persoonlike reis.

Buiten vir uitstaande kinematografie en pragtige natuurtonele, sluit die rolprent ook indrukwekkende toneelspel in en spog dit met ’n sterbelaaide rolverdeling. Leon Schuster is puik in die rol van die onseker spoorwegsjef en versamelaar van inheemse speserye, terwyl nuweling, Themba Ntuli (Meerkat Maantuig), die perfekte keuse was om die komplekse Afrika-kind, wat bang is vir sy eie skaduwee, te vertolk. Kenneth Nkosi (Tsotsi), Khanyi Mbau (Happiness is a Four Letter Word), Jennifer Steyn (Goodbye Bafana, Madam and Eve) en David Dennis (Soul City) is ook in die fliek te sien.

Frank & Fearless  beloof om kykers te laat skaterlag, maar ook diep te raak met die ernstige onderliggende boodskap en persoonlike oorwinnings, wat sal aanklank vind by oud en jonk. Die film word plaaslik versprei deur Filmfinity (Pty) Ltd en sal op 23 November 2018 landswyd uitgereik word.

The post Frank and Fearless appeared first on Stage and Screen.

Deur Louw Mulder

Gewoonlik, wanneer ek daarop uit is om ‘n resensie oor ‘n film te skryf, word die idees, die sinne, en selfs die woorde van die beoogde stuk al tydens die vertoning by die Premiere duidelik. Maar dan, soos in hierdie geval, word jy getekkel deur ‘n skrywersblok, asof dit veroorsaak word deur ‘n oorlaaiing van emosies en idees, waarvoor woorde êrens dieper gesoek moet word.

Ek verwys na The Film Factory se nuutste Afrikaanse rolprent, Meerkat Maantuig, wat deur Hanneke Schutte vir die silwerdoek vanaf Riana Scheepers se boek, Blinde Sambok, verwerk is. Die titel van Meerkat Maantuig is ietwat misleidend, aangesien dit glad nie die dieper tema, kwaliteit drama en storievertelling wat gesien kan word, verteenwoordig nie. Dit het vir my immers duidelik geword deur die verloop van die film, hoe hierdie Maantuig ‘n groter rol speel in die omvattende ervaring van die storie.

Meerkat Maantuig handel oor Gideonette de la Rey, ‘n 13-jarige meisie wie se lewe erg geraak word deur ‘n vloek wat op haar familienaam uitgespreek is. Die spanning word verskerp wanneer Gideonette se pa dood gaan, wat haar volgende in die vloek se fisier plaas. As kern tot die tema, word die vloek geondersteun deur haar ma se depressie, wat veroorsaak dat sy by haar ouma en oupa op die plaas moet gaan bly. Hier, word Gideonette gekonfronteer deur ander wêrelde van hindernisse, vrese, en teleurstellings wat haar daartoe lei om ten einde die vloek finaal aan te vat.

Buiten die bekwame en emosiebelaaide optrede van veteraan aktriese, Rika Sennett, wil ek die rolvertolking van Pierre van Pletzen en Anchen du Plessis uitlig. Na haar verskyning in Vaselinetjie, was ek bly om te sien dat du Plessis beslis was vir hierdie rol. Ek kan net nie help om opgewonde te raak oor haar toekoms op ons skerms nie. Al het die karakter van Gideonette haar effens onderdruk, weens die elemente van die storie wat haar van vrye geluk en vreugde ontneem het, het sy volgens my die rol puik geregverdig. Ek kan nie help om ‘n vergelyking tussen du Plessis, en bekroonde Suid Afrikaanse aktrise Anna-Mart van der Merwe te sien nie.

Maar dan is daar die aangename verassing, wanneer jy ‘n ander veteraan akteur op die skerm sien in a jas van ‘n anderste kleur. Pierre van Pletzen, wat al groot naam gemaak het in komedies en verspotte rolle, het by my nog meer respek verdien in sy vertolking van hierdie meer ernstiger, aansienlik meer opregte en dieper karakter, in die rol van Gideonette se oupa. Van Pletzen se vermoeë om die kyker se aandag vas te gryp deur die balans tussen homself en sy karakter met fyn presisie te balanseer, het gedui op ervare talent en veelsydigheid.

Die res van die rolverdeling wat ek glo verdien om genoem te word vir hulle unieke bydrae to hierdie rolprent, is Themba Ntuli in die motiverende rol van Bhubesi, Drikus Volschenk wat die rol vertolk van Gideon de la Rey, asook Hanlè Barnard, as Gideonette se depressiewe, raad-op ma.

Meerkat Maantuig is ‘n mooi fliek. Die tonele speel af in die natuurbelaaide landskappe van Magoebaskloof, en Schutte se regie het die spyker op die kop geslaan. Die aangrypende rillertonele, verstrengel met die onsekere emosies van die storie en die onverbale leidrade van die natuur, was net soos dit veronderstel was, op die skerm vas gevang, en moet ek vol punte gee aan Willie Nel, wat in eie reg ‘n toekenning vir sy werk as kinematograaf in Meerkat Maantuig by die 2017 Silwerskermfees verdien het.

Soos die tonele voor jou afspeel, soos elke los draadjie daarvan vas gemaak word om die storie te voltooi, speel elke element van filmmaak sy rol. Maar ek moet uitlig, dat elke klank, en elke wysie wat op hierdie klankbaan te hoor is daartoe by gedra het om die emosie van elke toneel te ervaar. Soms veroorsaak die intrige dat mens doof word vir enige iets wat die konsentrasie mag breek, maar die musiek deur Clare Vandeleur het simfoniese orkestrasies, en goeddeurdunkte klanke gebruik, om die verbeelding van die kyker, met die verbeelding van die karakters saam te smelt.

Persoonlik, is daar ‘n diep bookskap in hierdie film. Ek sal nie dink die teikenmark is juis vir tieners en jeug nie, maar meer vir volwassenes, wie se verbeelding bydra om die vloeke op hulle eie lewens as dreigend te ervaar. Soms, is hierdie vrese van ons, wat ons keer om die meeste genot uit die lewe te kry, ‘n vooropgestelde vloek, wat moontlik nie eers bestaan nie, en wat die mense rondom ons nie eers self kan sien nie. Gideonette leer ons dat sodra hierdie genotvolle dinge van die lewe ons visie verander, ons dit in ons het om daardie vloek letterlik te kan tekkel, en weer te kan begin lewe.

Maar my idees is baie, my sinne lank en my woorde goed gekies. Tog mag dit nie genoeg wees om hierdie film te ervaar, soos elke kyker dit individueel dit mag sien nie. Meerkat Maantuig was om alles te kroon, ook as amptelike keuses aanvaar by 14 Internasionale Film Feeste, waarvan die Oxford Film Fees, die Omaha Flim fees en die Austin Film Fees, maar net drie is.

Meerkat Maantuig begin 16 Maart 2018 regoor Suid Afrika te draai.

The post Meerkat Maantuig appeared first on Stage and Screen.

Die bekroonde film, Meerkat Maantuig se lokprent is nou aanlyn te sien! Meerkat Maantuig het by vanjaar se Silwerskermfees die toekenning vir Beste Kinematografie verower en word op 16 Maart 2018 landswyd vrygestel.

Meerkat Maantuig is geïnspireer deur die jeugnovella Blinde Sambok deur die bekende Suid-Afrikaanse skrywer, Riana Scheepers.

Die skrywer van die film, Hanneke Schutte, het besluit om die boek as ‘n uitgangspunt te gebruik en het dit in ‘n kinematiese verhaal omskep in die wonderlike woude van Magoebaskloof in Suid-Afrika.

Gideonette de la Rey is ‘n vreesbevange 13-jarige meisie wat glo in die familievloek wat van generasie na generasie oorgedra word. Bang en desperaat is sy nie in staat om van hierdie storie te ontsnap wat haar identiteit geslyp het nie. Uiteindelik is dit slegs deur haar vrese in die gesig te staar dat sy in staat is om hulle te oorkom.

Meerkat Maantuig is ‘n betowerende film oor die stories wat ons onsself vertel: Die stories wat ons lewens definieer en dikwels ons lewens beperk.

Met elemente van magiese realisme, is Meerkat Maantuig ‘n waarlik unieke film – anders as enigiets wat ons al in Suid-Afrikaanse filmteaters gesien het; dit is ‘n pragtig vertelde storie wat ons wys hoe om brawer te wees as wat ons ooit gedink het moontlik kan wees.   Spelers soos Anchen du Plessis, Themba Ntuli, Pierre van Pletzen, Rika Sennet, Hanlé Barnard en Drikus Volschenk word in Meerkat Maantuig gesien.

Meerkat Maantuig, ‘n film deur The Film Factory, is vervaardig deur André en Dries Scholtz, en is tot draaiboek verwerk deur Hanneke Schutte, wie ook verantwoordelik is vir die regie van die film. Die film word versprei deur Ster-Kinekor Entertainment en Rooi Rose is die trotse mediavennoot van die film.

The post Meerkat Maantuig appeared first on Stage and Screen.