Dana Winner terug in Suid Afrika

Dana Winner dra nuwe treffer aan haar Suid-Afrikaanse Aanhangers op

Met slegs twee maande oor voor haar twee Special Arena Shows in beide Johannesburg asook Kaapstad, bring Dana Winner ‘n splinternuwe treffer uit wat spesiaal as huldeblyk aan haar derduisende Suid-Afrikaanse aanhangers opgedra word. “As Jy My Kon Verstaan” is ‘n lied wat uitstekend gekomponeer en ook verryk is met lirieke wat gevul is met passie asook ware, betekenisvolle liefde. Hierdie treffer sal, sonder enige twyfel, Suid-Afrikaners herhinner aan Dana Winner se eerste Suid-Afrikaanse treffer “Droom Van My Geluk” asook die immergewilde duet saam Steve Hofmeyer “You Don’t Bring Me Flowers Anymore”.

“As Jy My Kon Verstaan” is die tweede enkelsnit vanaf haar nuutste, trefferalbum “Bloom” wat tans landswyd beskikbaar is by alle groot musiekhandelaars. “Lied Van Hoop” is die hoof enkelsnit van haar nuutste album “Bloom” wat sy ook opgevoer het by vanjaar se Goema-toekennings aand. “Lied Van Hoop” het Suid-Afrika se mees geliefkoosde Belgiese sangeres weer nommer een status laat behaal op alle plaaslike radiostasies. Tydens haar promosietoer in Maart en April 2015 het Dana se duisende aanhangers gewys dat sy steeds diep in die harte van talle Suid-Afrikaners is.

“As Jy My Kon Verstaan” sal verseker een van die treffers wees wat Dana tydens haar terugkeer na Suid-Afrika sal opvoer met haar twee Special Arena Shows by Carnival City, Johannesburg sowel as Grand Arena, Kaapstad!

Rakende haar Special Arena Shows, sê Dana: “Ek kan nie wag om hierdie eksklusiewe ervaring met my Suid-Afrikaanse aanhangers te deel nie, in die land wat soos my tweede huis voel. Albei arenas is ongelooflik en gee my hoendervleis. Tydens my besoek sal ek ook vergesel word deur my uitmuntende orkes en span uit België om hierdie spesiale produksie onvergeetlik te maak. Ek sien uit om al my grootste treffers, wat soveel goeie herhinneringe van Suid-Afrika terugbring, op te voer voor al my aanhangers wat my altyd laat tuisvoel.”

Belgiese superster DANA WINNER sal weer in Suid-Afrika wees vir twee ongelooflike vertonings op 11 September by die Big Top Arena, Carnival City, Johannesburg en 12 September by die Grand Arena, Grand West, Kaapstad. Haar SPECIAL ARENA SHOW sal al haar grootste treffers, soos “In love with you”, “Sproeitjies”, “You don’t bring me flowers”, “Lied van hoop”, “Afrika” , “Sewe reenboë” insluit, asook haar fantastiese orkes, ‘n asemrowende verhoog en ook ‘n paar verrassings!!!

Kaartjies vir hierdie unieke ervaring is nou by COMPUTICKET beskikbaar!!!