Sharoney: Wees my Held

Sharoney se nuwe enkelsnit en musievideo Wees my held

Met treffers soos Een Keer, Prinses en Fairytale, het Sharoney haarself gedurende die laaste twee jaar aan die publiek bekendgestel en bewys dat “if you can dream it, you can do it!”.  Haar debut album, IN ONS FAIRYTALE, is in 2015 benoem vir twee Ghoema toekennings; Nuweling van die jaar en Beste pop album deur ’n vroulike kunstenaar.  Die grootste Afrikaanse tydskrif in Suid-Afrika, Huisgenoot, het aar ook benoem vir ‘n Huisgenoot Tempo toekenning in die kategorie Nuweling van die jaar.

Met die ondersteuning van talentvolle liedjieskrywers soos Hugo Ludik en Reynardt Hugo (ADAM), ’n positiewe ingesteldheid en harde werk is sy stadig maar seker besig om haar merk te maak.   Hierdie twintigjarige meisie van Springs staan met haar voete plat op die aarde.  Sy is beslis oppad om in Suid-Afrika se harte in te kruip met haar pragtige glimlag, ennergieke uitkyk op die lewe en mooiste stem!

Haar nuutste uitreiking Wees my held is onlangs aan radiostasies landswyd uitgereik en die musiekvideo van hierdie liedjie is onlangs vir die eerste keer eksklusief op Jukebox, kykNET bekendgestel.