Dis Koue Kos, Skat

Wanneer kosskrywer, Clara Brand (Anna-Mart van der Merwe) ná haar man, Bernard (Deon Lotz) se ontrouheid met een van haar beste vriendinne (Angelique Gerber) besluit op ’n nuwe begin in Kaapstad saam met haar twee kinders en hulle Mopshond, Tjoklit, begin sy ’n reis van genesing en wraak.

Met sewe studente – almal mans – wat opdaag vir Clara se nuwe kookklas, is haar beste vriendin, Minette (Elzabé Zietsman) daarvan oortuig dat die heelal vir haar ’n boodskap stuur – dit is tyd vir ’n herlewing van haar liefdeslewe.

Clara durf dus – ná twee dekades van getroude lewe – die wêreld van dating aan. Clara deurleef die verskillende fases van haar herstelproses – woede, aanvaarding, hernieude bande met haar eksman, die deurlopende poging om haar kinders normaal groot te maak en die moontlikheid van ’n splinternuwe romanse – met (pogings tot) waardigheid, ’n sin vir humor en natuurlik heerlike kos.

Clara se storie is een van nuut begin, humor, hartseer en avontuur. Wraak is ’n dis wat op sy beste smaak as dit koud geëet word en as daar een ding is wat Clara beslis weet, is dit dat daar ’n resep vir enige geleentheid – of ramp – is.

Dis Koue Kos, Skat, word in Fliekteaters vrygestel, op 26 Augustus, 2016.

ROLVERDELING:

Clara – Anna-Mart van der Merwe

Bernard – Deon Lotz

Minette – Elzabé Zietsman

Ari – Frank Opperman

Anaïs – Angelique Gerber

Nicolas – Deànré Reiners

Paula – Zonika de Vries

Mike – Riaan Visman

 

FILMSPAN:

Uitvoerende vervaardigers: Marita van der Vyver, Deon Meyer en Diony Kempen

Direkteur M-NET Movies: Jan du Plessis

Direkteur M-NET Afrikaanse kanale: Karen Meiring

KykNET-toesigvervaardiger: Anneke Villet

Vervaardigers: Aimee Dherman, Wayne Kriel, Lida, Meyer en Diony Kempen

Medevervaardiger: Ricky Human

Times Media Films: Debbie McCrum en Johan Drotskie

Publisiteit en bemarking: Corlize Luttig, Caron Rypstra (Times Media Films), Etienne Fourie en Johan Prinsloo (Karoo Film Company)

Regisseur: Etienne Fourie

Draaiboek: Marita van der Vyver en Etienne Fourie

Kinematografie: William Collinson

Produksie-ontwerp: Luarnae Roos

Grimering en stilering: Mari Conradie

Kostuums: Azell Bartizal

Redigering: Johan Prinsloo

Visuele effekte: Johan Prinsloo

Klankontwerp: Hendré Jacobs

Musiek: Schalk Joubert