Vergeet My Nie: In Teaters 14 February 2020

Die lokprent vir Vergeet My Nie, die nuutste film van The Film Factory, in samewerking met Huisgenoot en kykNET Films, kan van hier, op ander aan-lyn platforms asook in rolprentteaters, gesien word. Die film sal landswyd vanaf 14 Februarie 2020 op die silwer doek wys en word uitgereik deur Filmfinity (Edms) Bpk.

Marguerite van Eeden speel as Magdaleen, ’n gekultiveerde student, vasgekeer in die klein dorpie Potchefstroom, en sy smag na die liggies en kultuur van Londen. Na die aaklige verbrokkeling van haar verhouding, pak sy haar tasse en vertrek na haar droomstad saam met haar beste vriendin, Lara, soos vertolk deur Kenley Swart.

Hulle bly in Huis Konettie, saam met vyf ander Suid-Afrikaners wat in Londen werk. ’n Onverwagse romanse ontstaan ,tussen Mardaleen en haar Namibies-gebore huismaat, Hugo, gespeel deur Sean-Marco Vorster. Dit voel vir Magdaleen te goed om waar te wees en die oomblik wanneer dinge te ernstig raak en nie heeltemal verloop soos sy beplan nie, laat sy haar onsekerhede en vrese oorspoel in haar verhouding in.

Sy hardloop weg en gaan huis toe.

Hulle romanse vlam weer op wanneer hulle twee jaar later ontmoet, gevolg deur ’n uitnodiging van Hugo aan Mardaleen om vir hom in Namibië te gaan kuier. Haar naweek in Namibië ontaard in ’n nagmerrie. Afgesien hiervan, vra Hugo haar om te bly en om ’n nuwe lewe saam te bou, maar sy het ander planne en is hardkoppig.

Mardaleen wil kultuur, die stad en liggies hê – die plaas is nie ’n plek vir ’n meisie soos sy nie.

Met regie deur André Velts en Marius De Nysschen as kinematograaf, sluit die rolverdeling langsaan Marguerite Van Eeden, Sean-Marco Vorster en Kenley Swart, ander name in soos Amalia Uys, Pietie Beyers, Elani Dekker, Rick Strauss, Leché Joubert, Fiona Ramsey, Arno Greeff en vele meer.

Vergeet ook asseblief nie hierdie fliek se Hashtags nie: #VergeetMyNieFilm en #14Feb2020.